ပါန်သိုၚ်၊ ဒဳဇြေမ်ဗာ (၁)
ယန္တရာပရေၚ်အုပ်ဓုပ် ဍုၚ်ပါန်သိုၚ်၊ ဒေသမိုၚ်ပဝ်၊ ခရိုၚ်မုမ်၊ ဒေသတၟေၚ်တွဵုရးသေံ စၟတ် (၁)၊ တွဵုရးသေံသၟဝ်ကျာဂှ် စက္လေၚ်ပ္တူပ္တိုန်မာန်ရဂှ် လလောၚ်တြးလဝ် ပ္ဍဲဂိတုနဝ်ဝေမ်ဗာ စၟတ်တ္ၚဲ (၂၉) ရ။
ပ္ဍဲကဵုဂိတုနဝ်ဝေမ်ဗာ စၟတ်တ္ၚဲ (၂၈) တုဲကၠုၚ်တေံ အခိၚ်နူဂယး ၜိုတ် (၈) နာဍဳကဝက်ဂှ် ကၠောန်ဗဒှ်လဝ် ကောံဓရီုပရေၚ်က္လေၚ်ဒက်ပ္တန်ပ္တဴဴပ္တိုန် ဂကောံအုပ်ဓုပ်ဍုၚ်ပါန်သိုၚ်ရ။
ပ္ဍဲကဵုကောံဓရီုဂှ် ညးတာလျိုၚ်ပူဂိုလ်မဆေၚ်စပ်တအ် တိုန်စိုပ်လဝ် ညးသ္ကအ်တုဲ ပ္ဍဲကောံဓရီုဂှ် ဥက္ကဋ္ဌကဝ်မတဳ ဗော်ခရိုၚ်မုမ်ကိုဝ် လလောၚ်တြးလဝ်ဒဒှ်ရ က္လေၚ်ဒက်ပ္တန်လဝ် ဂကောံအုပ်ဓုပ်ဍုၚ်ပါန်သိုၚ်တုဲ စၞောန်ပ္ညုၚ်လဝ် ပရေၚ်ခါန်ကၞက် ပူဂိုလ်မဆေၚ်စပ်တအ်ကဵု ပရေၚ်ပါ်ပရအ်တာလျိုၚ်တအ်ရဂှ် ဓမံက်ထ္ၜးလဝ်ရ။
သ္အာၚ်နူဂှ်ပၠန် သွက်ဂွံက္လေၚ်ဒက်ပ္တန်စေဝ်ပၞောန်ပရေၚ်မၞိဟ်၊ သွက်ညးဍုၚ်ကွာန်တအ် ဂွံက္လေၚ်လုပ်စိုပ်ကၠုၚ် ပ္ဍဲကဵုဗွိုၚ်ကမၠောန် သီုသွက်ဂွံက္လေၚ်စဗ္ဂေတ်အာဘာဗ္တောန်လိက်တုဲ ညံၚ်ကောန်ၚာ်တအ် ဂွံစိုပ်ဘာဗ္တောန်လိက်ပြဟ်ဟ် မဒှ်လၟေၚ်ကမၠောန် ဂကောံအုပ်ဓုပ်တအ် ကဆံၚ်ကဆံၚ်ဂှ်လေဝ် သဳကၠဳလဝ်ရဂှ် ဂွံတီကေတ်ရ။
ဂကောံမဟာမိတ်ကောဒေံပိဂကောံစချဳဒရာၚ်လဝ် အပြုပြေၚ်ပၞာန် ၁၀၂၇ ဂှ် ပ္ဍဲကဵုဂိတုနဝ်ဝေမ်ဗာ စၟတ်တ္ၚဲ (၁၉) တုဲကၠုၚ်တေံ ဗတိုက်သီကေတ်လဝ် သၞေဟ်ကၚ်ပယျဵုပါန်သိုၚ်တုဲ အခိၚ်လၟုဟ်ဏံ ကလေၚ်ပ္တန်ပ္တဴ ဍုၚ်ပါန်သိုၚ်မာန်ရဂှ် လလောၚ်တြးလဝ်ရ။
ပရိုၚ် – သြၚ်လောန်တိုၚ်မ်
ဗီု – The Kokang
sanlontai