ဗဂေါ – ဒဳဇြေမ်ဗာ (၂၆)
နူကဵုယာဉ်ကွဳစက်ဗ္ကပ်လဝ် ပ္ဍဲဂၠံၚ်ပရဟ် ဒၟာနူညးဒဳကွဳစက်ဒကုဲဂှ် ပါလုပ်သီုထပိုဲ ၜါဇကုကဵု ခမဳ ၜါဇကု ဒးလဝ်ဘဲဝပ် (၇) တၠရဂှ် ဓမံက်ထ္ၜးလဝ် ပ္ဍဲမဳဒဳယာတြးဝါဒကံၚ်ဇြဳပၞာန်ရ။
ပ္ဍဲပရေၚ်ပရောဂှ် ယာဉ်ကွဳစက် ဂကူ Toyota Hilux Surf နူလဂုၚ် ဒဳကၠုၚ်လ္ပာ်နေပျဳဒဝ် ပ္ဍဲကဵုဂိတုဒဳဇြေမ်ဗာ စၟတ်တ္ၚဲ (၂၄) တုဲကၠုၚ်တေံဂှ် အခိၚ်စိုပ် အကြာတိုၚ်မိုၚ် စၟတ် (၅၇/၀) ဂှ် ဟိုတ်နူညးဒဳကွဳစက်ဒကုဲ ထိၚ်အသိၚ်ဟွံမာန်တုဲ ဒးဗ္ကပ်အာလဝ်ရ။
ဟိုတ်နူပရေၚ်ယာဉ်ကွဳစက်ဗ္ကပ်လဝ်ဏံတုဲ ပ္ဍဲကဵုညးပါဗက်ကၠုၚ် ပ္ဍဲကွဳစက်ဂှ် ညးဒဳကွဳစက်၊ ခမဳ (၂) ဇကု၊ ထပိုဲ (၈) ဇကု ကွးဘာ (၃) တၠ တအ်ဂှ် ခမဳ (၂) ဇကု၊ ထပိုဲ (၃) ဇကု၊ ကွးဘာ (၂) တၠ အပံၚ်လၟိဟ် (၇) တၠ ဇီုကပိုက်ဒးလဝ်ဘဲဝပ်ရဂှ် ဂွံတီကေတ်ရ။
ပလံၚ်ဗစိုပ်လဝ် ညးဇီုကပိုကပိုက်ဒးလဝ်ဘဲဝပ်တအ် ပ္ဍဲရုၚ်ဂဥုဲဇၞော်ညးဍုၚ်ကွာန် ဗဂေါ နကဵုက္ၜဳစက်ပ္ဍိုက်ညးယဲ EMS 192 ရဂှ် ဂွံတီကေတ်ရ။
ပရိုၚ် – သြၚ်လောန်တိုၚ်မ်
ဗီု – မဳဒဳယာတြးဝါဒကံဇြဳပၞာန်
sanlontai