လဂုၚ် – ဒဳဇြေမ်ဗာ (၂၉)
ညးထ္ၜးရုပ်မေန်ရာဇာ ဒးဒုၚ်ဖျေံလဝ်ဒဏ်ထံၚ် (၂၅) သၞာံ နကဵု ဂဗုတ်သ္ပကောန်ဗြဴကောန်ၚာ်သၟတ်အယုက်ဟွံပေၚ် ပ္ဍဲကဵုထံၚ်အၚ်စိၚ်ဂှ် က္ဍိုက်က္ဍိုပ် ၜုၚ်တက်ပျဲပျာံဒၟံၚ် ကောန်ထံၚ်ပရေၚ်ဍုၚ်ကွာန်တအ်ရဂှ် ဂကောံသ္ၚိကၟိန်အိန်ထံၚ် ကောန်ထံၚ်ပရေၚ်ဍုၚ်ကွာန်တအ် ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဂကောံမေန်ရာဇာက္ဍိုက်လဝ်က္ဍိုပ်ဂှ် ၜုၚ်တက်ပျဲပျာံဒၟံၚ် ကောန်ထံၚ်ပရေၚ်ဍုၚ်ကွာန် လုပ်စိုပ်ကၠုၚ် ပ္ဍဲဗဒမ်ဗီုပြၚ် စၟတ်-၄ ထံၚ်စာတ်ဗဟဵုအၚ်စိၚ် တၟိတၟိတအ်ရဂှ် ဂွံတီကေတ်ရ။
“ၝတံဟာ ကောန်ထံၚ်ပရေၚ်ဍုၚ်ကွာန် ၝလဵုလေဝ် ဟွံသ္ပဂရုဟွံဖေက်ပုဟ်” ဟီုဂးပရာန်ကဟုက်တုဲ ၜုၚ်တက်ဒၟံၚ်ရဂှ် ညးလုပ်ဂကောံသ္ၚိကၟိန်အိန်ထံၚ် ကောန်ထံၚ်ပရေၚ်ဍုၚ်ကွာန်မွဲတၠဂှ် ဟီုကဵု ဌာန်ပရိုၚ်သြၚ်လောန်တိုၚ်မ်ရ။
အခိၚ်လၟုဟ်ဏံမ္ဂး ဟိုတ်နူဂကောံမေန်ရာဇာ က္ဍိုက်လဝ်က္ဍိုပ်ဂှ် ၜုၚ်တက်လဝ်တုဲ ကောန်ထံၚ်ပရေၚ်ဍုၚ်ကွာန်လ္ၚဵုဂှ် ဇီုကပိုက်ဒးလဝ်ဘဲဝပ်တုဲ မၞိဟ်မူစိတၠ ဇီုကပိုက်ဒးလဝ်ဘဲဝပ်နွံရောဂှ်မ္ဂး နကဵုသြၚ်လောန်တိုၚ်မ် သ္ပဒ္တန်တၞဟ်ခြာ ဟွံမာန်ဏီရ။
ညးထ္ၜးရုပ်မေန်ရာဇာဂှ် ဒးဒုၚ်ဖျေံလဝ်ဒဏ်ထံၚ် နကဵုဂဗုတ်သ္ပလဝ် ညးဗြဴကောန်ကမၠောန်သ္ၚိဂိသ္ကေဝ်သ္ကာတ်မြဟ်ကီု သီုကဵုဂဗုတ်သ္ပလဝ်ကောန်ဗြဴ ကောန်ၚာ်သၟတ်အယုက်ဟွံပေၚ်ရ။
ညးပိုၚ်ပြဳအဝဵုထံၚ်အၚ်စိၚ် သၟဝ်တဲကံၚ်ဇြဳပၞာန်တအ် ခါန်ကၞက်အပ်ပြာပ်ကဵုလဝ်တာလျိုၚ် မေန်ရာဇာ နဒဒှ်သၞာဲဒဴကောန်ထံၚ် စၟတ်-၂ ထံၚ်စာတ်ဗဟဵု အၚ်စိၚ်ရဂှ် ဂွံတီကေတ်ရ။
ပရိုၚ် – သြၚ်လောန်တိုၚ်မ်
ဗီု – Social Media
sanlontai