ဇြပ်ဗု၊ ဒဳဇြေမ်ဗာ (၂၉)
ပ္ဍဲဍုၚ်ဇြပ်ဗု၊ တွဵုရးဍုၚ်မန်ဂှ် ပ္ဍဲဂိတုဒဳဇြေမ်ဗာစၟတ်တ္ၚဲ (၂၇) တ္ၚဲတုဲကၠုၚ်တေံ အခိၚ်နူဂယး သၟာဒဳတက္ကသဳကွဳလိုန်ဓာတ် မွဲတၠ ဒးဒုၚ်ပၠံၚ်ၜးပြိုက်ဂစိုတ်တုဲ ဒးချိုတ်လဝ်ရဂှ် ဂွံတီကေတ် နူညးဒေသတအ်ရ။
မၞိဟ်တြုံဒဳကွဳလိုန်ဓာတ်တက္ကသဳ အယုက် (၆၀) သၞာံ မွဲတၠဂှ် ဒးဒုၚ်ပၠံၚ်ၜးကွဳလိုန်ဓာတ် ပြိုက်ဂစိုတ်လဝ် ဗ္ဒာဲသၞေဟ်ကၚ်ကံၚ်သြန်လုပ်ဍုၚ် အရာပ်ဖံၚ်စိၚ်၊ ဍုၚ်ဇြပ်ဗုရ။
ဘဲဝပ် ဒးဒုၚ်ထ္ပက်လဝ်ကဵုၜုန် ဒးလဝ် ဟွံအောန်နူ (၂၀) လစုတ်နွံတုဲ ကြဴနူညးဒေသတအ် ဂွံညာတ်ကေတ်ညးတြုံဂှ်တုဲ အာတ်လဝ်အရီုအဗၚ် ဇရေၚ်ဂကောံရီုဗၚ်ဟံၚ်ပြာ်မၞိဟ်တအ်ရ။
မၞိဟ်ဒးချိုတ်လဝ်ဂှ် ဂကောံရီုဗၚ်ဟံၚ်ပြာ်ဇြေတနာယှေန်(စေတနာရှၚ်) ဖျေံသ္ဇိုၚ်ဍုၚ်ဇြပ်ဗု ပလံၚ်ဗစိုပ်လဝ် ပ္ဍဲရုၚ်ပါ်ကရေက်သြိုဟ် မၞုံရုၚ်ဂဥုဲပွိုၚ်တိုၚ်ကၟာဝက်ရဂှ် ဂွံတီကေတ်ရ။
ညးဒဳကွဳလိုန်ဓာတ်တက္ကသဳဂှ် ဒှ်ညးလတက်လဝ် စၟတ်စးကွဳလိုန်ဓာတ် စၟတ် – ၁၀၂ နူသၞေဟ်ကွဳလိုန်ဓာတ် မေန်တဳဟ၊ ဍုၚ်ဇြပ်ဗုတုဲ ကွဳလိုန်ဓာတ်ညးဂှ်မ္ဂး မၞိဟ်ပၠံၚ်ၜးတအ် ကေတ်ဏာလဝ်ရ။
ဟိုတ်နူပရေၚ်ပရောဏံ က္တဵုဒှ်လဝ်တုဲ အကြာသၟာဒဳတက္ကသဳကွဳလိုန်ဓာတ် ပ္ဍဲဍုၚ်ဇြပ်ဗုတအ် ပရေၚ်ဒးဒှ်ဓဝိၚ် ဂၠိုၚ်တိုန်ဒၟံၚ်တုဲ ဒေါံဇူကၠုၚ် ပရေၚ်ပလံၚ်ဗစိုပ်တရဴဇမ္ၚောဲ နွံကၠုၚ်ရဂှ် ဂွံတီကေတ်ရ။
ပ္ဍဲတွဵုရးဍုၚ်မန် ပ္ဍဲမွဲကာလဒပ်ပၞာန်သီအဝဵုဏံ လ္ပာ်ကံၚ်ဇြဳပၞာန် ရေၚ်တၠုၚ်ပရေၚ်ဂီုကၠီုသၞောဝ်ဟွံမာန်ဂှ်ရ သၟာတက္ကသဳ ဒဳကွဳလိုန်ဓာတ်တအ် ဒးဒုၚ်ပၠံၚ်ၜးပြိုက်ဂစိုတ်ဒၟံၚ်ခြာဟွံလအ်ဟွံလအ်ကီု၊ ဒးဆဵုဂဗဒၟံၚ် ပရေၚ်ဘပဠထ္ၜးၜုန် ပၠံၚ်ၜးတအ်ရ။
ပရိုၚ် – သြၚ်လောန်တိုၚ်မ်
ဗီု – CJ
sanlontai