ကျာ်ထဝ်၊ မာတ် ၅
ဒပ်ကံၚ်ဇြဳပၞာန် ဟိုတ်နူထ္ပက်ကၠုၚ်ကရောၚ်ပၞာန် လ္ပာ်ကွာန်သေတ်ကွေန် ပွိုၚ်ဍုၚ်ကျာ်ထဝ် တွဵုရးဍုၚ်မန်ဂှ်တုဲ ပေါဲဗ္တိုက်ၜါလ္ပာ် က္တဵုဒှ်ဒၟံၚ်ရောၚ် ဂွံတီကေတ် အတိုၚ်ဂလာန် ဂကောံဒပ်စဵုဒၞါညးဍုၚ်ကွာန်တံရ။
ပ္ဍဲဂိတုမာတ် ၄ အခိၚ်လဒေါဝ်တ္ၚဲ ၜိုတ် ၁ နာဍဳဂှ် ကရောၚ်ပၞာန်ဒပ်ကံၚ်ဇြဳပၞာန် ဇြဟတ်ဒပ် ၜိုတ် ၄၀ ပြၚ်ပါဂှ် ထ္ပက်ကၠုၚ်ကရောၚ်ပၞာန်တုဲ အကြာဒပ်ပံၚ်ကောံစဵုဒၞါညးဍုၚ်ကွာန်တံဂှ် ပေါဲဗ္တိုက်ၜါလ္ပာ် က္တဵုဒှ်လဝ်ရ။
အပ္ဍဲပေါဲဗ္တိုက်က္တဵုဒှ်လဝ် လလအ်ပွိုၚ်ဘာ်နာဍဳဂှ် ကောန်ဒပ်ကံၚ်ဇြဳပၞာန် ဟွံအောန်နူကဵု ၂ တၠ ချိုတ်တုဲ လ္ပာ်ဒပ်ပံၚ်ကောံစဵုဒၞါညးဍုၚ်ကွာန်တံ ဇီုကပိုက်ဒးဟွံမွဲပုဟ်ဂှ် သ္ဂးရ။
အတိုၚ်ဂလာန် ဒပ်စဵုဒၞါညးဍုၚ်ကွာန်တံဂှ်မ္ဂး ဒပ်ကံၚ်ဇြဳပၞာန်ဝွံ သွက်ဂွံမၚ်တောပ်ဗ္တိုက် ပ္ဍဲကဵုပွဳပွူကွာန်သေတ်ကွေန်ဂှ်တုဲ စိုပ်ကၠုၚ်ဒှ်မာန်တုဲ ဒဵုကဵုအခိၚ်လၟုဟ် ဟိုတ်နူဟွံဆုတ်ကရောၚ်ပၞာန်ဂှ်ရ ပေါဲဗ္တိုက်ထပ်က္တဵုဒှ်မာန်ရောၚ် ဂွံတီကေတ်ရ။
ဟိုတ်နူပေါဲဗ္တိုက်ၜါလ္ပာ်တုဲ ညးဒေသ နူကဵုကွာန်သေတ်ကွေန်၊ (သုံးခွ) ၊ (ခရွဲ) တံဝွံ ထောံလသာဌာန်ဒၟံၚ် ဂြိပ်ဒဴပါဲဒလေတ်ဒၟံၚ် လ္ပာ်ဒဵုဂြိုပ်မကြပ်တံကဵု ဒၞါဲဗၠးဘဲတံဂှ် ဂွံတီကေတ်ရ။
ပ္ဍဲကဵုပွိုၚ်ဍုၚ်ကျာ်ထဝ်ဂှ် ပေါဲဗ္တိုက်အကြာဒပ်ကံၚ်ဇြဳပၞာန်ကဵု ဒပ်စဵုဒၞါညးဍုၚ်ကွာန်တံဂှ် ပေါဲဗ္တိုက်ဟွံက္တဵုဒှ်လဝ် လအ်ဒၟံၚ်ကဵုဂိတုတုဲ အခါလၟုဟ် ပေါဲဗ္တိုက်ကလေၚ်မွဲဝါပၠန်တံ ကလေၚ်က္တဵုဒှ်ဒၟံၚ်ရ။
ပရိုၚ်−သြၚ်လောန်တိုၚ်(မ်)
ဗီု−Social Media