မတ်မလီု၊ မာတ် ၇
ၚုဟ်ထဝ်ဒကောၚ် (ထဝ်မဳဠေန်) မသၠုၚ်တိုန်ကၠုၚ်ဒၟံၚ်သိုက်က်ဂှ်ဝွံ အပ္ဍဲဂိတုမာတ် သတ္တာဟပထမဏံ မွဲဒ္ကေဝ် ၚုဟ်ထဝ်သၠုၚ်တိုန်ကၠုၚ် စဵုကဵုဗ္ဒါဲ ၄၀ ကိုဋ်ဂှ် တၠကမၠောန်ထဝ်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ၚုဟ်ထဝ်အပ္ဍဲဍုၚ်ဝွံ ပ္ဍဲဂိတုဖေဖဝ်ဝါရဳ သတ္တဟာလက္ကရဴအိုတ်တေံ မွဲဒ္ကေဝ် နူကဵုနွံကၠုၚ် ၃၉ ကိုဋ်ဒ္ကေဝ်ဂှ် အခါလၟုဟ် ၚုဟ်သၠုၚ်တိုန်ကၠုၚ် စဵုကဵု ၃၉ ကိုဋ် ၉ ဠက်ဒ္ကေဝ်ရ။
ၚုဟ်ထဝ်အပ္ဍဲဍုၚ်ဝွံ ကရောံၚုဟ်ထဝ်ဂၠးတိသၠုၚ်တိုန်ကၠုၚ်ဂှ် ဂကောံပံၚ်ကောံကံၚ်ဇြဳပၞာန် နူဌာနနာနာတံ အရိုဟ်ဟ်တ္ၚဲ ကော်စၟဳတ်ဒၟံၚ် အပ္ဍဲဗွဝ်ဖျာတံဂှ်ကီု၊ ကၟာတ်လဒဵုဒၟံၚ် အခေါၚ်သွံတြးထဝ်တံဂှ်တုဲ ၚုဟ်ထဝ်ထ္ပက်တိုန်ကၠုၚ်လဝ်ရ။
ၚုဟ်ထဝ် သၠုၚ်တိုန်ကၠုၚ်လဝ်တုဲ အပ္ဍဲဗွဝ်ဖျာ ပရေၚ်သွံရာန် စှ်ေဒၟံၚ်တီတီတုဲ ဆေၚ်ထဝ်ဗွဲမဂၠိုၚ် ကၟာတ်လဝ်အခေါၚ်သွံတြးထဝ်ဒကောၚ်(မဳဠေန်)တံဂှ် တၠကမၠောန်ထဝ်မွဲတၠ ဟီုရ။
ပ္ဍဲဗွဝ်ဖျာထဝ်ဂၠးတိဂှ် ထဝ်မွဲအံက်သ ပွဳပွူ ၂၀၃၁ ဒဝ်ဠာနွံဂှ် အခိၚ်လၟုဟ် ၚုဟ်မၞုံဒၟံၚ် စဵုကဵုပွဳပွူ ၂၁၂၆ ဒဝ်ဠာရ။
ဟိုတ်နူၚုဟ်ထဝ်သၠုၚ်တိုန်ကၠုၚ်ဂှ်တုဲ ဂကောံတၠကမၠောန်ထဝ် ရးဒေသလ္ဂုၚ်ဂှ်လေဝ် သၠုၚ်ခုတ်ပ္တန်လဝ် ၚုဟ်ထဝ် စဵုကဵု ၃၈ ကိုဋ်ဒ္ကေဝ်ရ။
ပရိုၚ်−သြၚ်လောန်တိုၚ်(မ်)
ဗီု−CJ