မနဳလာ၊ ဂျူလာၚ် ၂၄
ကမၠောန်ဝိုၚ်ဝေၚ်အောန်လာၚ် ကောန်ဍုၚ်ကြုက်ဗွဲမဂၠိုၚ် ပံက်လဝ် ပ္ဍဲဍုၚ်ဖဳလေတ်ဖေန်ဂှ် သွက်ဂွံကၟာတ်သီလွာဲဂှ်ဂှ် သမ္မတဖဳလေတ်ဖေန် ဝှာဒဳနာန် မာကောသ် ဂျူနဳယာ ကဵုလဝ်စၞောန် ပ္ဍဲဂိတုဂျူလာၚ် ၂၂ တေံရ။
ကမၠောန်ဝိုၚ်ဝေၚ်အောန်လာၚ် ကောန်ဍုၚ်ကြုက်ဗွဲမဂၠိုၚ် ပံက်လဝ်ဏံဂှ် အပ္ဍဲကၟိန်ဍုၚ်ဂှ်လေဝ် နွံဒၟံၚ်သၠဲသၠဲလးလးဂှ်ရ ပရေၚ်လီဠာန်သြန်၊ ပရေၚ်သွံရာန်မၞိဟ်၊ ပရေၚ်ဍဵုဍိုက်ပျဲပျာံ၊ ပရေၚ်တံၚ်ရပ်မၞိဟ်အာတ်သြန် ကေုာံ ပရေၚ်ဂစိုတ်ဂယိုၚ်ညးသ္ကအ်တံ က္တဵုဒှ်ဒၟံၚ်ရောၚ် သမ္မတဖဳလေတ်ဖေန် စောဲစပ်လဝ်ရ။
နကဵုဖဳလေတ်ဖေန် သွက်ဂွံစဵုဒၞါ ဒတုဲဖဵုညးတံ နွံပ္ဍဲၜဳကြုက်သၠုၚ်ကျာဂှ် ပံၚ်တောဲကဵုမဟာမိတ်တံတုဲ ညံၚ်ပရေၚ်စဵုဒၞါ ဇြဟတ်ဂွံခိုဟ်ကၠုၚ် ကၠောန်အာဏောၚ်ဂှ်လေဝ် သမ္မတမာကောသ် ဟီုလဝ်ရ။
နကဵုဍုၚ်ညးတံ ပရေၚ်ကယျာန်ဓဝါန်ဂှ် သောၚ်ကလးအာ နူကဵုဂၠံၚ်တရဴကလုတ်တမာန်ရဏောၚ်ဂှ် သမ္မတမာကောသ် သ္ဂးရ။
ပ္ဍဲကဵုတွဵုဒၞက်ဗလးဍာ် ဒှ်ဒၟံၚ်ကယျာန်ဓဝါန်ဂှ် တုဲကၠုၚ်ခြာဟွံလအ်ဏံ ပရေၚ်ဆေၚ်မုက်ဒိဓဗတ် အကြာဖဳလေတ်ဖေန်ကဵု ကြုက် ဂၠိုၚ်ကၠုၚ်တုဲဂှ် ညးဟီုကၠုၚ်လဝ် သာ်ဏံရ။
ကမၠောန်ဝိုၚ်ဝေၚ်အောန်လာၚ်ကြုက် ခါန်ကၞက်လဝ်မၞိဟ်အပံၚ် ဂၠိုၚ်ကဵုလ္ၚီ နူကဵုဍုၚ်ကြုက် ကေုာံ ဍုၚ်အာယှဒိုဟ်အဂၞဲတံဂှ် ပ္ဍဲဍုၚ်ဖဳလေတ်ဖေန် ၜိုတ် ၄၀၀ ပြၚ် နွံဒၟံၚ်ရောၚ် ဂွံတီကေတ်ရ။
စပ်ကဵုကမၠောန်ဝိုၚ်ဝေၚ်အောန်လာၚ်ကြုက် သာ်ဏံတုဲ သၞာဲဒဴဖဳလေတ်ဖေန် ဒ္ဂေတ်လီုဒၟံၚ်တံလေဝ် နွံဒၟံၚ်ဂှ် အမာတ်ကၠတ်ထဝ်ဂမၠိုၚ် ဟီုလဝ်ရ။
အခိၚ်ဖဳလေတ်ဖေန် ဒးဒုၚ်ဗ္တိုက် ပ္ဍဲၜဳကြုက်သၠုၚ်ကျာဂှ် ဒဒှ်ရညးတံတာလျိုၚ်နွံ သွက်ဂွံစဵုဒၞါကဵုဂှ် အမေရိကာန် ဟီုလဝ်ရ။
ကြဴနူဒပ်မၚ်ပြၚ်ၜဳကြုက်တံ ဂၠါဲကၠုၚ်သၞ ကုက္ၜၚ်ဖဳဖေတ်ဖေန်တံတုဲဂှ် ၜါဍုၚ် ကေတ်လဝ်တၚ်တုပ်စိုတ် စပ်ကဵုပရေၚ်ကလုတ်တမာန်ကီုလေဝ် ကြုက် ဟီုလဝ် အလုံၜဳကြုက်သၠုၚ်ကျာမွဲ ဒှ်အပိုၚ်ညးတံဂှ်ဝွံ ဂွံဒုၚ်ယှအ် စပ်ကဵုပရေၚ်တိဍာ်ဂှ် ဟွံမွဲရ။
Ref: AP