လံၚ်လုၚ်၊ သေပ်တေမ်ဗာ ၃
ပ္ဍဲဂကောံကွာန်သခါန်ကျဳ ပွိုၚ်ဍုၚ်လံၚ်လုၚ် ရးတၞၚ်သဳဂှ် နကဵုဇြဟတ်ဒပ်ဗွဲမဂၠိုၚ်ဂၠေၚ် ဒပ်ကံၚ်ဇြဳပၞာန် ထ္ပက်ကၠုၚ်ကရောၚ်ပၞာန်တုဲ ညးဍုၚ်ကွာန် ၅၀၀၀ ပြၚ် ဒးဂြိပ်ဒဴပါဲဒလေတ်ဒၟံၚ် ဒၞါဲဗၠးဘဲတံရောၚ်ဂှ် ဂွံတီကေတ် ဇရေၚ်ညးဒေသတံရ။
ဒပ်ကံၚ်ဇြဳပၞာန် ဇြဟတ်ဒပ် ၁၅၀ ပြၚ်ပါဂှ်ဝွံ စနူဂိတုအဝ်ဂါတ် သတ္တာဟလက္ကရဴအိုတ်တုဲ ထ္ပက်ကရောၚ်ပၞာန် လုပ်စိုပ်ကၠုၚ် ပ္ဍဲဂကောံကွာန်သခါန်ကျဳ ကွာန် ၈ ကွာန်နွံဂှ်ရ။
ဟိုတ်နူဒပ်ကံၚ်ဇြဳပၞာန် ထ္ပက်ကရောၚ်ပၞာန်လုပ်စိုပ်ကၠုၚ်တုဲ ကွာန် (စခန်းကြီး၊ ဖွားဘုတ်ပြင်၊ ခမောင်းတောင်၊ ထိန်တွင်း) တံမပါလုပ် ညးဒေသ ၅၀၀၀ ပြင် နူကဵုကွာန် ၈ ကွာန်ဂှ်ဝွံ ဒးဂြိပ်ဒဴပါဲဒလေတ်ဒၟံၚ် ဒၞါဲဗၠးဘဲတံရ။
အတိုၚ်ဂလာန် ညးဒေသတံဂှ်မ္ဂး ကရောၚ်ပၞာန်ကံၚ်ဇြဳပၞာန်ဝွံ နူဂိတုအဝ်ဂါတ် ၃၁ စဵုကဵုဂိတုသေပ်တေမ်ဗာ ၂ ပိတ္ၚဲအဆက်က် စံၚ်ဒၟံၚ်ကွာန် (ဖွားဘတ်ပြင်) ဂှ်တုဲ လၟိဟ်ဒးဆောံလေၚ်လီုလာ် ချိုတ်တ်ပၠိုတ်တ်ဂှ် ဟွံဂွံတီကေတ်ဏီပုဟ်ဂှ် သ္ဂးရ။
ကရောၚ်ပၞာန်ဏံဝွံ ရပ်ဒက်လဝ် မၞိဟ်တြုံ၊ မၞိဟ်ဗြဴ နူကဵုကွာန် (ဖွားဘုတ်ပြင်၊ စခန်းကြီး၊ မဲအုံ) တံ ဟွံအောန်နူကဵု ၁၀ တၠ နဒဒှ်ဇွောံစဵုဒၞါပၞာန် ကေုာံ နဒဒှ်ရဲထ္ၜးဂၠံၚ်တုဲ ဒဵုကဵုအခိၚ်လၟုဟ် ဟွံကလေၚ်ဗလးကဵုဏီပုဟ်ဂှ် ဂွံတီကေတ်ရ။
အတိုၚ်လိက်ဒုၚ်စဳရေၚ် ဂကောံသုတေသနအပ္ဍဲဒေသ FE5 Thanintharyi ဂှ်မ္ဂး ပ္ဍဲရးတၞၚ်သဳ ဟိုတ်နူကံၚ်ဇြဳပၞာန် ထ္ပက်ကရောၚ်ပၞာန်လုပ်စိုပ်ကၠုၚ်ကဵု ပရေၚ်ဗ္တိုက်ပၞာန်ကျာတံဂှ်တုဲ ညးဒေသ ၆၀၀၀၀ ပြၚ် ဒးဂြိပ်ဒဴပါဲဒလေတ်ဒၟံၚ်ရ။
ပရိုၚ်−သြၚ်လောန်တိုၚ်(မ်)
ဗီု−TPDF