မတ်မလီု၊ ဖေဖဝ်ဝါရဳ ၁၉
ပ္ဍဲကဵုတိဍာ်ဒေသပၞာန်သ္ကုတ်သၠုၚ်ကျာ အလဵုအသဳညဳသၟဟ်ဂကူ NUG ဂှ် တုဲကၠုၚ်ပ္ဍဲဂိတုဂျာန္နဝါရဳ ပွိုၚ်မွဲဂိတုဂှ် ဟိုတ်နူဒပ်ကံၚ်ဇြဳပၞာန် ပန်ပှော်ဗ္တိုက်ကၠုၚ်ဂှ်တုဲ ညးဍုၚ်ကွာန်ကောန်အရာပ် ၁၆ တၠ ချိုတ်အာလဝ်ရောၚ် လလောၚ်ပ္တိတ်လဝ်ပရိုၚ်ရ။
ဒေသပၞာန်သၠုၚ်ကျာ NUG ပ္ဍဲတွဵုရးဍုၚ်မန်၊ တွဵုရးကရေၚ်၊ ရးဗဂေါ၊ ရးတၞၚ်သဳတံဂှ် အပ္ဍဲဂိတုဂျာန္နဝါရဳဏံ အကြာဒပ်ကံၚ်ဇြဳပၞာန်ကဵု ဒပ်ပံၚ်ကောံပၠန်ဂတးတံ ဒှ်လဝ်ပေါဲဗ္တိုက် ဟွံအောန်နူကဵု ၄၅ ဝါရ။
ဟိုတ်နူဒပ်ကံၚ်ဇြဳပၞာန် မ္ဒးဂိလဝ်အပ္ဍဲပေါဲဗ္တိုက်တံ ဗ္တိုက်ကၠုၚ်ကဵုလွဟ်ဇၞော် ကေုာံ ပၞာန်ကျာတံဂှ်တုဲ ကောန်အရာပ် ၁၆ တၠ ချိုတ်တုဲ ၂၂ တၠ ကလိဂွံလဝ်ဝပ်တုဲ ၂၈ တၠလေဝ် ဒးဒုၚ်ရပ်လဝ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြး ဒေသပၞာန်သၠုၚ်ကျာ NUG ရ။
ပ္ဍဲပေါဲဗ္တိုက်ၜါလ္ပာ်တံဂှ် လ္ပာ်ကံၚ်ဇြဳပၞာန် ၁၅၇ တၠ ချိုတ်တုဲ ၉၈ တၠ ကလိဂွံလဝ်ဝပ်တုဲ ညးလုပ်စိုပ်ဖျေံကၠုၚ်လွဟ် ဇရေၚ်ဒပ်ပၠန်ဂတးတံဂှ် ၂၃ တၠ နွံရောၚ် ဂွံတီကေတ် အတိုၚ်တၚ်လလောၚ်တြးရ။
ပရေၚ်ပၞာန် NUG ပ္ဍဲဒေသပၞာန်သ္ကုတ်သၠုၚ်ကျာတံဂှ် ဒပ်ပၠန်ဂတး ဂကူမန်၊ ဂကူကရေၚ်၊ ဂကူဗၟာ ကေုာံ ဂကူထဝါဲတံ ပံၚ်တောဲတုဲ ထ္မံက်ကၠုၚ်လဝ်ပရေၚ်ပၞာန်မွဲစွံရောၚ် ကဵုလဝ်သမ္တီရ။
ပရိုၚ်−သြၚ်လောန်တိုၚ်(မ်)
ဗီု-KHRG