ဘာပန်၊ မာတ် ၂၃
ပ္ဍဲတိဍာ်ဒပ်မဟာ ၅ ခရိုၚ်ဘာပန် ဗော်သွးကောန်ဂကူကရေၚ် KNU ဂှ် ဒပ်ကံၚ်ဇြဳပၞာန် ကၠုၚ်စိုပ်ထောံဏာလဝ်မခတိုဟ် နကဵုက္ၜၚ်ကျာ အရိုဟ်ဒဒှ်တ္ၚဲရောၚ် ညးမၞုံအခေါၚ်ဟီုဂး ဒပ်မဟာ ၅ KNU သ္ကိုပ်ဗိုလ်ဇၞော် သဝ်ကလာဒိုဝ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ဍုၚ်ဘာပန် ဒပ်မဟာ ၅ KNU မသီဂွံလဝ်ဂှ် တုဲကၠုၚ်ပ္ဍဲဂိတုမာတ် ၁၉ တေံ ဒပ်ကံၚ်ဇြဳပၞာန် ကၠုၚ်စိုပ်ထောံဏာလဝ်မခတိုဟ် နကဵုက္ၜၚ်ကျာတုဲ ပ္ဍဲကဵုကွာန်(ကျွန်းပၚ်) ပွိုၚ်ဍုၚ်ဘာပန်ဂှ်လေဝ် ဒပ်ကံၚ်ဇြဳပၞာန် ကၠုၚ်စိုပ်ထောံဏာလဝ်မခတိုဟ် နကဵုက္ၜၚ်ကျာ ပန်ပှော်ဏာလဝ်တုဲ မၞိဟ်ဇီုကပိုက်ကလိဂွံဝပ်ဂှ်တှ်ေ ဟွံမွဲရ။
အကြာဒပ်ကံၚ်ဇြဳပၞာန်ကဵု ဒပ်မဟာ ၅ KNLA ခရိုၚ်ဘာပန်ဂှ် ပေါဲဗ္တိုက်ၜါလ္ပာ်ဟွံမွဲကီုလေဝ် လ္ပာ်ဒပ်ကံၚ်ဇြဳပၞာန်တံ ကၠုၚ်စိုပ်ထောံဏာလဝ်မခတိုဟ် နကဵုက္ၜၚ်ကျာဂှ် ကၠောန်သ္ပဒၟံၚ်လၟိုန်တုဲ ကၠုၚ်စိုပ်ထောံဏာလဝ်မခတိုဟ် သာ်ဏံဂှ်ဝွံ ဒှ်ပွကဵုလဝ်အရီုဗၚ်ပၞာန် ကုကရောၚ်ပၞာန်ဒပ်ကံၚ်ဇြဳပၞာန်ဍေံတံရောၚ်ဂှ် သ္ကိုပ်ဗိုလ်ဇၞော် သဝ်ကလာဒိုဝ် သ္ၚဳဂၠိပ်လဝ်ရ။
ပ္ဍဲကဵုဗ္ဒိုပ်ဒပ်တြေံ BGF နူကွာန်ကတိုၚ်တိကဵု ဗျူဟာပၞာန်ဘာပန်ဂှ် ဒပ်မဟာ ၅ KNLA ကဵု ဒပ်ပံၚ်ကောံပၠန်ဂတးတံ ဆက်ကၟာတ်လဒဵုလဝ် ဒပ်ကံၚ်ဇြဳပၞာန် မဆက်တဝ်စၞေဟ်ဗ္တိုက်ဒၟံၚ်ဂှ်ဖိုဟ်တုဲ တုဲကၠုၚ်ပ္ဍဲဂိတုဖေဖဝ်ဝါရဳလဒေါဝ်တေံ ကရောၚ်ပၞာန်ဒပ်ကံၚ်ဇြဳပၞာန် ကဵုကၠုၚ်အရီုဗၚ်ပၞာန် နူကမမံၚ် လ္ပာ်ကတိုၚ်တိဂှ် ဒးဒုၚ်ဗ္တိုက်တုဲ မ္ဒးဆုတ်ကလေၚ်အာ လ္ပာ်ဍုၚ်ကမမံၚ်ရ။
သ္အာၚ်နူဂှ်ပၠန် ပ္ဍဲဂိတုဖေဖဝ်ဝါရဳ တုဲကၠုၚ်တေံ ဒပ်ပံၚ်ကောံပၠန်ဂတး ဒပ်မဟာ ၅ KNLA တံ လုပ်စိုပ်ဗ္တိုက်အာ ဗျူဟာပၞာန် ဍုၚ်ကမမံၚ်ဏောၚ် ဟိုတ်နူပရိုၚ်ဏံတုဲ ဒပ်ကံၚ်ဇြဳပၞာန်ဝွံ ရပ်စပ်လွဟ်ဇၞော် ကေုာံ အရီုဗၚ်ပၞာန်ကျာတံဂှ်တုဲ ဆက်ဗ္တိုက်ဒၟံၚ်တုဲ ညးဍုၚ်ကွာန်ဒေသ နူကဵုကွာန်ဗ္ဒါဲဍုၚ်ကမမံၚ်တံ ဗ္ဒါဲ ၁၀၀၀ ဒးပါဲမံၚ်ဘဲပၞာန်ရ။
ညံၚ်ဗျူဟာပၞာန်ကမမံၚ် ဟွံဂွံဒးဒုၚ်ဗ္တိုက်သီဂှ် ဒပ်ကံၚ်ဇြဳပၞာန် ရပ်စပ်အရီုဗၚ်ပၞာန်လွဟ်ဇၞော် ကေုာံ ပၞာန်ကျာတံဂှ်တုဲ ပန်ပှော်ဒၟံၚ်ဂှ်ရ ညးဍုၚ်ကွာန်ဒေသ ဗ္ဒါဲ ၁၀၀၀ နူကဵုကွာန်နွံဗ္ဒါဲဍုၚ်ကမမံၚ်တံ ဒးပါဲမံၚ်ဘဲပၞာန်ရ။
ညံၚ်ဗျူဟာကမမံၚ် ဟွံဂွံဒးဒုၚ်ဗ္တိုက်သီဂှ် ဒပ်ကံၚ်ဇြဳပၞာန် ဘိုၚ်ပန်ကဵုဒၟံၚ်လွဟ်ဇၞော် ကေုာံ ပၞာန်ကျာတံဂှ်တုဲ ဒပ်နူကဵုဂၠံၚ်မျာၚ်ကျဳၚူ−မေဝ်တဝဝ်ဂှ်လေဝ် နုက်ပ္တိတ်တုဲပလံၚ်ဏာဒၟံၚ်ပၞာန်အရီု လ္ပာ်ကမမံၚ်တုဲ ပလေဝ်ဒၟံၚ်ပၞာန်ဒုၚ်ရ။
အတိုၚ်တၚ်နၚ် ကမ္မတဳစပ်ကဵုညးဍုၚ်ကွာန်ကရေၚ် CIDKP ဂှ်မ္ဂး ပ္ဍဲခရိုၚ်ဘာပန်ဂှ် ဟိုတ်နူပရေၚ်ဗ္တိုက်ပၞာန်ကျာကံၚ်ဇြဳပၞာန်တုဲ လၟိဟ်ညးပါဲဘဲပၞာန် ထောံလသာသ္ၚိဌာန် ဒးဂြိပ်ဒဴပါဲဒလေတ်ဒၟံၚ်တံ ဗ္ဒါဲ ၇၀၀၀၀ နွံဒၟံၚ်ရ။
ပရိုၚ်−သြၚ်လောန်တိုၚ်(မ်)
ဗီု−KNU