ဗေကျေန်၊ ဨပရဴ ၁၁
ကြုက် ကလေၚ်ပလန်တဲတုဲ ဒဒှ်ရကံက်အာအခေါန်ဖလှာ လ္တူကပေါတ်ဗၞိက်အမေရိကာန် ၈၄ တၟံကၠံဏောၚ်ဂှ် ပ္ဍဲဂိတုဨပရဴ ၉ တေံ လလောၚ်တြးလဝ်တုဲ ပေါဲပၞာန်ဗၞိက် သမ္မတဒဝ်နေဝ်ထြာမ် မစကၠုၚ်လဝ်ဏံ အသိၚ်သၠုၚ်တိုန်ကၠုၚ်တုဲ ပ္ဍဲဗွဝ်ဖျာစပ်ကဵုအလုံဂၠးမွဲဂှ် ပရေၚ်ဒှ်ဓဝိၚ်တံ သၠုၚ်တိုန်ကၠုၚ်ရ။
သမ္မတထြာမ် စၞောန်ပျးကၠုၚ်အခေါၚ်ဖလှာ လ္တူကပေါတ်ဗၞိက် မပၠောပ်ပ္တိုန်နၚ် နူကြုက် ၁၀၄ တၟံကၠံ၊ နူဍုၚ်မသွံရာန်ဒၟံၚ်ဗၞိက် ကုအမေရိကာန် ဗွဲမဂၠိုၚ်ဂှ်ဝွံ ပ္ဍဲဂိတုဨပရဴ ၉ ဏံ လမျီုစလုပ်ကၠုၚ်ရ။
ကိုပ်ကၠာတေံ ဗေကျေန် ပလေဝ်လဝ် သ္ဂောံကံက်အခေါန်ဖလှာ လ္တူဗၞိက်အမေရိကာန် ၃၄ တၟံကၠံကီုလေဝ် ဟိုတ်နူထြာမ် ထပ်ကံက်ဂလိုၚ်ပ္တိုန်လဝ်အခေါန် လ္တူဗၞိက်ကြုက်တံဂှ်တုဲ ဝန်ဇၞော်ပရေၚ်ဘဏ္ဍာကြုက် လလောၚ်တြးကၠုၚ် ဒဒှ်ရကံက်ဂလိုၚ်ပ္တိုန်အာ စဵုကဵု ၈၄ တၟံကၠံ မဒှ်ရ။
ထြာမ် ကံက်ဂလိုၚ်ပ္တိုန်အခေါန် လ္တူကြုက်ဂှ်ဝွံ ဒှ်ပြဝဗၠေတ်တုဲဗၠေတ်ပၠန်မွဲတုဲ ဒှ်ပွဖံက်ပ္ကဝ် အခေါၚ်အရာကြုက် ဗွဲမလုပ်သၞောဝ် ကေုာံ ဒတုဲမြမောဝ်ကြုက် သ္ကာတ်တ်မြဟ်ဟ်ဏောၚ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြး ဌာနဝန်ဇၞော်ပရေၚ်ဘဏ္ဍာရ။
ကြုက်အာတ်မိက်လဝ် နကဵုအမေရိကာန် သွက်ဂွံရုပ်သီကၠေံ ဒဒှ်မစၞောန်ပျးကၠုၚ်လဝ် အခေါန်ဖလှာသီုဖအိုတ်တံဂှ်တုဲ သွက်ဂွံဂၠါဲသွဟ်သဳကၠဳအာ ပရေၚ်လစွံစိုတ်ထ္ကးပြးတံဂှ် ကဵုလဝ်ကသပ်ရ။
သွက်ပြဝ အမေရိကာန် ကရေပ်ဓရတ်ကၠုၚ်ဏံဂှ် လုပ်အာပေါဲဗ္တိုက် ဒဵုကၞောတ်တဲဏောၚ် ဗေကျေန် ဟီုကြီုကၠုၚ်လဝ် ပ္ဍဲဂိတုဨပရဴ ၈ တေံရ။
ထြာမ်ဂှ်တှ်ေ စပ်ကဵုကြုက် ပလန်ကၠုၚ်တဲဏံဂှ်တုဲ မုဟွံဂွံဟီုဂးဏီကီုလေဝ် နကဵုကမ္ပဏဳဂမၠိုၚ် ဂွံပါဲအကံက်အခေါန်ဂှ် ဖ္တိုက်ဖ္အောဝ်လဝ် သွက်ဂွံပြံၚ်ဆုဲကၠုၚ် အမေရိကာန်ရ။
အမေရိကာန် ကေုာံ ကြုက် ထေက်ကဵုဒးသောၚ်ကလး ပရေၚ်လစွံစိုတ်ထ္ကးပြးဂမၠိုၚ် နူကဵုပရေၚ်သဳကၠဳပ္ညဳပ္ညပ်မွဲကဆံၚ်တုဲ သွက်ဒတုဲဖဵုၜါဍုၚ်ဏံဂှ် သွက်ဂွံပံၚ်တောဲရေၚ်တၠုၚ်အာဂှ် ထ္မံက်ထ္ၜးလဝ် ပ္ဍဲတၚ်လလောၚ်တြး အလဵုအသဳဗေကျေန်ရ။မ
ပေါဲပၞာန်ဗၞိက် အသိၚ်သၠုၚ်တိုန်ကၠုၚ်ဂှ် ကောန်ဍုၚ်ကြုက်ဂမၠိုၚ် ဒှ်ဒၟံၚ်ဓဝိၚ်အိုတ်တုဲ ညးမ္ဒးရပ်စပ်စသုၚ် ပ္ဍဲအမေရိကာန်တံလေဝ် စပ်ကဵုၚုဟ်ဗၞိက်သၠုၚ်တိုန်ကၠုၚ်ဏံတုဲ ဒှ်ဒၟံၚ်ဓဝိၚ်အိုတ်ရ။
Ref: Reuters/CNA