ရေဝ်၊ ဨပရဴ ၂
ဥူအေမာၚ် က္ဍိုပ်သ္ကိုပ်ပၞာန်မၚ်ကွာန် ပ္ဍဲကဵုကွာန်ဘာ ပွိုၚ်ဍုၚ်ရေဝ် တွဵုရးဍုၚ်မန် ဒးဒုၚ်ပန်ဂစိုတ်ကဵုသေနာတ်တုဲ ချိုတ်အာလဝ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲဂိတုဨပရဴ ၁ အခိၚ်နူဂယး ၜိုတ် ၈ နာဍဳဂှ် ဥူအေမာၚ် က္ဍိုပ်သ္ကိုပ်ပၞာန်မၚ်ကွာန် အာယုက် ၅၀ သၞာံပြၚ် နွံဒၟံၚ်ပ္ဍဲဆေၚ်ဍာ်လက်ဖက် ပ္ဍဲကဵုကွာန်ဘာဂှ် ဂကောံလကိုဟ်ဍုၚ်ရေဝ် လုပ်စိုပ်ပန်ဏာလဝ်ရ။
ဟိုတ်နူဒးဒုၚ်ပန်လဝ်ကဵုသေနာတ်ဂှ်တုဲ ဥူအေမာၚ်ဝွံ ဒးအာဝပ်မကမ် မသုန်လစုတ်တုဲ ဒးချိုတ်အာလဝ် ပ္ဍဲဒၞါဲဒှ်ပရူဂှ်ရ။
က္ဍိုပ်သ္ကိုပ်လကိုဟ်ဍုၚ်ရေဝ်ဂှ်တှ်ေ ဥူအေမာၚ် က္ဍိုပ်သ္ကိုပ်ပၞာန်မၚ်ကွာန်ဂှ်ဝွံ ဟိုတ်နူသ္ပမာန်လ္တူညးဍုၚ်ကွာန်တံကီု၊ ဟိုတ်နူဗက်ဒၟံၚ်လှုဲတံဂှ်ကီုတုဲ မ္ဒးပန်ပသောၚ်ထောံလဝ်ရောၚ် ချူလဝ် ပ္ဍဲမုက်လိက်ဇာဇၞိက်ပရေၚ်မၞိဟ်ညးရ။
အတိုၚ်ဂလာန် ညးဒေသတံဂှ်မ္ဂး က္ဍိုပ်သ္ကိုပ်ပၞာန်မၚ်ကွာန် ဥူအေမာၚ်ဝွံ အပ္ဍဲကာလသီအဝဵုဏံ ဒးဒုၚ်ပန်လဝ်ဟွံအောန်နူကဵုၜါဝါကီုလေဝ် အလန်ဏံဂှ် ဒးချိုတ်အာလဝ်ရောၚ် သ္ဂးရ။
လအာတုပ်သာ်ဂှ်ကီု ပ္ဍဲဂိတုမာတ် ၃၁ တေံဂှ်လေဝ် ကိုဝ်လေန် ကော် အညာသား အာယုက်မၞုံ ၄၀ သၞာံ ရေၚ်တၠုၚ်ဒၟံၚ် နဒဒှ်ညးကဵုပရိုၚ်ကုကံၚ်ဇြဳပၞာန် ဒၟံၚ်ကွာန်မယာန်ချံၚ် ပွိုၚ်ဍုၚ်ကျာ်ထဝ်ဂှ် ဒပ်ပၠန်ဂတးမွဲ ပန်ပသောၚ်လဝ်ရ။
ပရိုၚ်−သြၚ်လောန်တိုၚ်(မ်)
ဗီု−ဂကောံလကိုဟ်ဍုၚ်ရေဝ်