ကအ်သံၚ်၊ ဂျောန် ၄
နူကဵုဗ္ဒိုပ်ဖျေံသ္ဇိုၚ် ပွိုၚ်ဍုၚ်ပါ် ခမံက်ကျဳ ပွိုၚ်ဍုၚ်ကအ်သံၚ် ရးတၞၚ်သဳဂှ် ကောန်ဒပ်ကံၚ်ဇြဳပၞာန်ၜါတၠ လုပ်စိုပ်ဖျေံကၠုၚ်လဝ်လွဟ်ရောၚ် ဂွံတီကေတ် ဇရေၚ်ဂကောံဒပ်စဵုဒၞါညးဍုၚ်ကွာန် ပွိုၚ်ဍုၚ်ကအ်သံၚ်ရ။
ကောန်ဒပ် ဇြေန်မေန်တူ အာယုက် ၂၉ သၞာံ နူကဵုခမရ ၃၄၂ ဗ္ဒိုပ်ဖျေံသ္ဇိုၚ် (နန္မသွန်) ပွိုၚ်ဍုၚ်ခမံက်ကျဳဝွံ ပ္ဍဲဂိတုမေ ၃၀ တုဲကၠုၚ်တေံ လုပ်စိုပ်ဖျေံကၠုၚ်လွဟ် ဇရေၚ်ဂကောံဒပ်စဵုဒၞါညးဍုၚ်ကွာန် ပွိုၚ်ဍုၚ်ကအ်သံၚ်ရ။
လအာတုပ်သာ်ဂှ်ကီု ပ္ဍဲဂိတုမေ ၂၇ တေံဂှ်လေဝ် ကောန်ဒပ် နေမျဵုထောန် အာယုက် ၂၉ သၞာံ နူကဵုဗ္ဒိုပ်ဒပ် ခမရ ၃၄၂ ဂှ်လေဝ် ကေတ်ကၠုၚ်အဆက်တုဲ ဖျေံလဝ်လွဟ်ရောၚ် ညးဒုၚ်တာလျိုၚ် လလောၚ်ပရိုၚ် ဂကောံဒပ်စဵုဒၞါညးဍုၚ်ကွာန် ပွိုၚ်ဍုၚ်ကအ်သံၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ညးတံၜါတၠဝွံ တိုန်စိုပ်တန်ဗ္တောန်ကွတ်ပၞာန် လၟေၚ် ၈ ပ္ဍဲကဵုဘာပ္ကတ်ပ္ကေၚ်ဒပ်ပၞာန်ကဆံၚ်သၠုၚ် စၟတ် (၃) ဍုၚ်ကျာ်ဍုၚ်ဂှ်တုဲ ဒးဒုၚ်ဖျေံလဝ်တာလျိုၚ် ပ္ဍဲဗ္ဒိုပ်ဖျေံသ္ဇိုၚ် (နန္မသွန်) ရ။
အခိၚ်လၟုဟ် ညးတံၜါတၠဝွံ စိုပ်ဒၟံၚ် ပ္ဍဲဒၞါဲဗၠးၜးမွဲတုဲ မၚ်မွဲကဵုလဝ်ခိုဟ်ဟ်ရောၚ် သ္ဂးရ။
တုဲကၠုၚ်ဂိတုဨပရဴ ၂၀ တေံဂှ်လေဝ် ကောန်ဒပ်ကံၚ်ဇြဳပၞာန်ပိတၠ နူကဵုစကခ ၁၃ ပွိုၚ်ဍုၚ်(ဘုတ်ပြၚ်း) ခရိုၚ်ကအ်သံၚ်ဂှ် လုပ်စိုပ်ဖျေံကၠုၚ်လွဟ် ဇရေၚ်တမ်ဒပ် လၟိဟ် ၁ ခရိုၚ်ကအ်သံၚ်ရောၚ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်− ဒပ်စဵုဒၞါညးဍုၚ်ကွာန်ကအ်သံၚ်