ပဠဝ်၊ ဂျောန် ၅
ပ္ဍဲရးတၞၚ်သဳ ပွိုၚ်ဍုၚ်ပဠဝ် ကွာန်(တပို)ဂှ် ဒပ်ကံၚ်ဇြဳပၞာန် ထ္ပက်ကၠုၚ်ကရောၚ်ပၞာန်တုဲ ပေါဲဗ္တိုက်ဒှ်မံၚ်တုဲ ပရေၚ်ပၞာန်ၜါလ္ပာ် ကလေၚ်ကြံၚ်မ္ၚိုဟ်ဒၟံၚ်ရောၚ် ညးဒုၚ်တာလျိုၚ် ခရိုၚ်ဗိက် တမ်ဒပ်လၟိဟ် (၁) ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ဒပ်ကံၚ်ဇြဳပၞာန် မဖျေံလဝ်ဒပ် ပ္ဍဲကွာန်(စက်တော်ရာ) ဂှ် ထ္ပက်ကၠုၚ်ကရောၚ်ပၞာန် လ္ပာ်ကွာန်(တပို) နကဵုဇြဟတ် ၃၀ ပြၚ်ဂှ်တုဲ ပ္ဍဲဂိတုဂျောန် ၂ တုဲကၠုၚ်တေံ ဒှ်လဝ်ပေါဲဗ္တိုက်ရ။
အပ္ဍဲပေါဲဗ္တိုက်ဂှ် လ္ပာ်ကံၚ်ဇြဳပၞာန် ဒးဂိလဝ်တုဲ ကလေၚ်ထ္ပက်ကၠုၚ်ကရောၚ်ပၞာန်မာန်ဂှ်ရ ပေါဲဗ္တိုက်ဂမၠိုၚ် ကလေၚ်ဒှ်ကၠုၚ်မာန်ရောၚ် သ္ဂးရ။
အပ္ဍဲပေါဲဗ္တိုက်(တပို)ဂှ် လ္ပာ်ကံၚ်ဇြဳပၞာန် ဟွံအောန်နူ ၁၀ တၠ ဇီုကပိုက်ချိုတ်အာလဝ် နွံတုဲ လ္ပာ်ဂကောံပၠန်ဂတးတံဂှ်တှ်ေ ဇီုကပိုက်ဒးဟွံမွဲပုဟ်ဂှ် သ္ဂးရ။
ကြဴနူပေါဲဗ္တိုက်ဒှ်တုဲ လ္ပာ်ကံၚ်ဇြဳပၞာန် ပန်ပှော်ဒၟံၚ်ကဵုလွဟ်ဇၞော် ကြပ်အရိုဟ်ဒဒှ်တ္ၚဲဂှ်တုဲ နူကဵုပၞာန်ကျာဂှ်လေဝ် ထံၚ်မံၚ်ပရိုၚ်ရောၚ် ဂွံတီကေတ်ရ။
ဟိုတ်နူပေါဲဗ္တိုက်တုဲ ညးဒေသ ကလေၚ်စဴမံၚ် ပ္ဍဲကွာန်(တပို) ဂှ်ဝွံ ဒးဂြိပ်ဒဴပါဲဒလေတ်နူကွာန် အလုံကွာန်မွဲဂှ် သ္ဂးရ။
ပ္ဍဲဂိတုဖေဖဝ်ဝါရဳ ၁၃ တုဲကၠုၚ်တေံဂှ်လေဝ် ပ္ဍဲပွိုၚ်ဍုၚ်ပဠဝ် ဗ္ဒါဲကွာန် ( ရှပ်ပုံ) ဂှ် ဒပ်ကံၚ်ဇြဳပၞာန် မထ္ပက်ကၠုၚ်ကရောၚ်ပၞာန် နကဵုဇြဟတ် ၅၀ ပြၚ်ဂှ်ကဵု ဒပ်ပၠန်ဂတး ဒှ်လဝ်ပေါဲဗ္တိုက်တုဲ သီုၜါလ္ပာ်ဇီုကပိုက်ချိုတ်အာတံ နွံလဝ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်− Palaw PDF