ထဝါဲ၊ ဂျောန် ၁၁
ဗ္ဒိုပ်ကံၚ်ဇြဳပၞာန် ပ္ဍဲမုက်ပၞာန် ပွိုက် ၂၅၆၆ ပ္ဍဲပွိုၚ်ဍုၚ်ထဝါဲ ရးတၞၚ်သဳ ပယျဵုသေံ−ဗၟာဂှ် ဗ္တိုက်သီဂွံလဝ်ရောၚ် ဗော်သွးကောန်ဂကူကရေၚ် KNU ဗဟဵု သ္ပဒတန်လလောၚ်ပ္တိတ်လဝ်ရ။
ဗ္ဒိုပ်မုက်ပၞာန်ဏံဂှ် ဒပ်ပံၚ်ကောံပၠန်ဂတး သၟဝ်သ္ကိုပ်သ္က ဒပ်ပၞာန်ဗၠးၜးကောန်ဂကူကရေၚ် KNLA စဗ္တိုက်လဝ် ပ္ဍဲဂိတုဂျောန် ၈ ဂှ်တုဲ ပ္ဍဲဂိတုဂျောန် ၁၀ ဂှ် သီဂွံလဝ် အလုံဗ္ဒိုပ်မွဲရ။
အပ္ဍဲပေါဲဗ္တိုက်သီဗ္ဒိုပ်ဂှ် နူကဵုကံၚ်ဇြဳပၞာန်ဂှ် သီဂွံလဝ် မကမ်လွဟ်လက်နက်လ္ၚဵုကဵု ကပေါတ်မဆက်စပ်ဂမၠိုၚ်တုဲ ကောန်ဒပ်ကံၚ်ဇြဳပၞာန်ဂမၠိုၚ် ဇီုကပိုက်ချိုတ်အာဂှ်တှ်ေ လလောၚ်ပ္တိတ်ကၠုၚ် ဗွဲလစှ်ေ ဂှ် ဟွံမွဲဏီရ။
ဗ္ဒိုပ်ပွိုက် ၂၅၆၆ ဝွံ ဒှ်ဗ္ဒိုပ်မုက်ပၞာန် ကံၚ်ဇြဳပၞာန် မဖျေံလဝ်သ္ဇိုၚ် ပ္ဍဲပယျဵုသေံ−ဗၟာ နူသၞာံ ၁၉၉၇ တေံမွဲရ။
ပ္ဍဲပွိုၚ်ဍုၚ်ထဝါဲ ပယျဵုထဳခဳဂှ် သှ်ေဒၟံၚ် ဗ္ဒိုပ်ပွိုက် ၂၅၆၆ ကဵု ဗ္ဒိုပ် (ငါးရံနီ) ၜါရတုဲ ဒပ်ပံၚ်ကောံ KNLA တံ သီဂွံလဝ် ဗ္ဒိုပ်ပွိုက် ၂၅၅၆ တုဲဒှ်ဂှ်ရ သှ်ေဒၟံၚ်ဗ္ဒိုပ် (ငါးရံနီ) မွဲရဂှ် ဂွံတီကေတ်ရ။
တုဲကၠုၚ်ဂိတုဨပရဴ ၁၉ တေံဂှ်လေဝ် လ္ပာ်ဒပ်ပံၚ်ကောံ KNLA ဗ္တိုက်သီဂွံလဝ် ဗ္ဒိုပ်ဗျူဟာထဳခဳ ကံၚ်ဇြဳပၞာန် မၞုံပ္ဍဲပွိုၚ်ဍုၚ်ထဝါဲ ရးတၞၚ်သဳရ။
ပရိုၚ်−သြၚ်လောန်တိုၚ်(မ်)
ဗီုရုပ်−KNU