တယိတ်ချံၚ်၊ ဂျောန် ၁၂
အပ္ဍဲပေါဲဗ္တိုက် မက္တဵုဒှ်ဒၟံၚ် ပ္ဍဲကွာန်(မၚ်းဒပ်) ပွိုၚ်ဍုၚ်တယိတ်ချံၚ် ရးတၞၚ်သဳဂှ် ၜါလ္ပာ်ဇီုကပိုက်ချိုတ်တံ နွံဒၟံၚ်ရောၚ် ညးတာလျိုၚ် ဂကောံပၠန်ဂတး မပါလုပ်ဒၟံၚ် ပ္ဍဲပေါဲဗ္တိုက်ဗလးတိဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲဂိတုဂျောန် ၁၁ စအခိၚ်နူဂယး ၜိုတ် ၇ နာဍဳဂှ်တုဲ ဒပ်ပၠန်ဂတးတအ် လုပ်စိုပ်ဗ္တိုက်လဝ် ဒပ်ကံၚ်ဇြဳပၞာန် မဖျေံလဝ်ဒပ် နကဵုဇြဟတ် ၜိုတ် ၇၀ အပ္ဍဲဘာလကျာ် ကွာန်(မၚ်းဒပ်)ကဵု ပ္ဍဲသ္ၚိသ္ကဲဂၠံၚ်ကွဳစက်တံဂှ်ရ။
ပေါဲဗ္တိုက်ဏံဝွံ ဆက်သ္ကာတ်မြဟ်ဒၟံၚ် စဵုကဵုလဒေါဝ်တ္ၚဲတုဲ အပ္ဍဲပေါဲဗ္တိုက်ဂှ် ကောန်သ္ဂံၚ်မွဲတၠ နူကဵုဒပ်တၟေၚ် (ကစယ်ဒိုကျား) ပြဟ်လလုဲအာလဝ်တုဲ ၜါတၠ ဇီုကပိုက်ကလိဂွံလဝ်ဝပ်တုဲ လ္ပာ်ကံၚ်ဇြဳပၞာန်လေဝ် ဇီုကပိုက်ချိုတ်အာ ဂၠိုၚ်မာန်ရောၚ် သ္ဂးရ။
ဟိုတ်နူပေါဲဗ္တိုက်တုဲ ညးဍုၚ်ကွာန်ဒေသ နူကဵုကွာန်(မၚ်းဒပ်) ကီု သီုကဵုကွာန်ဗ္ဒါဲဗ္ဒါဲ ၃ ကွာန်ဂှ် ဒးဂြိပ်ဒဴပါဲဒလေတ်ဒၟံၚ် အလုံကွာန်မွဲရောၚ် ဂွံတီကေတ် အတိုၚ်ဂလာန် တမ်ရိုဟ်ပရိုၚ်ဗလးတိရ။
တုဲကၠုၚ်ဂိတုဨပရဴ ၁၈ တေံဂှ်လေဝ် ဟိုတ်နူပေါဲဗ္တိုက်သီဗ္ဒိုပ်ဗၠာဲသၟိၚ်တိဍာ်ဝေန်ဝ ပ္ဍဲကဵုကွာန်ဝေန်ဝ ပွိုၚ်ဍုၚ်တယိတ်ချံၚ်ဂှ်တုဲ ၜါလ္ပာ်ဇီုကပိုက်ချိုတ်အာ နွံလဝ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်−CJ