နျူယျံက်၊ ဂျောန် ၂၄
ကြဴနူအမေရိကာန် ထောံမခတိုဟ်ဗတိုက်ကၠုၚ် ရုၚ်စက်နျူကလဳယျာအဳရာန်တံတုဲဂှ် အရာမပလန်တဲ၊ အရာမပလီုပလာ်ညးသကအ်ဂှ် ညံၚ်ဟွံဂွံထပ်ဒှ်ကၠုၚ်ပၠန် ညးအုပ်ကာနာနာ ကုလသမဂ္ဂ အာန်တဝ်နဳယော ဂူတာရက် ကဵုလဝ်သတိ ပ္ဍဲဂိတုဂျောန် ၂၃ တေံတုဲ အပ္ဍဲဒေသဂှ် အပြံၚ်အလှာဲမၞုံကဵုအန္တရာယ် ဒှ်ကၠုၚ်မာန်ရောၚ် ဟီုရ။
ဒဒှ်မအသိၚ်ပရေၚ်ပၞာန် မသၠုၚ်တိုန်ကၠုၚ်ဒၟံၚ် ပ္ဍဲဒေသသ္ကုတ်လဒေါဝ်ဗၟံက်တေံဂှ် နကဵုညး ဟီုဗျိပၠုတ်ကၠုၚ်လဝ် ဂၠိုၚ်ၚ်ကဵုဝါဂှ် ညးအုပ်ကာကုလ ဟီုဏာလဝ် ပ္ဍဲကောံဓရီုကာမံက်တိုန် ကံၚ်ဇြဳဂီုကၠီုကုလသမဂ္ဂရ။
“နကဵုကောန်ညးဍုၚ်ကွာန် အပ္ဍဲဒေသဂမၠိုၚ် ထပ်တုဲဒးဂဗအာကဵုပရေၚ်ပလီုပလာ်တံဂှ် ဟွံဂွံပုဟ်။ အခိၚ်လၟုဟ် ပိုယ်တအ် စိုပ်ဒၟံၚ်ကဆံၚ် ညးပၠန်တဲအဲ အဲပၠန်တဲကုညး အန္တရာယ်နွံဒၟံၚ်ရောၚ်” သာ်ဝွံ ညးအုပ်ကာကုလ ဂူတာရက် ဟီုရ။
သ္ကိုပ်စၞောန်ထ္ၜး အေဂျေန်ဇြဳဓာတ်အနုလက်ကၠိုက်ဍုၚ်နာနာ IAEA မၞုံယၟုရာဝှေ ဂြတ်သဳဂှ်တှ်ေ ဒဒှ်ရညးတံဒှ်ဓဝိၚ် လ္တူပေါဲပၞာန်ဂမၠိုၚ် ဖေက်လှဲလးကၠုၚ်ဂှ်တုဲ ထိၚ်ဒဝ်တုဲ သွက်ဂွံကၠောန်သ္ပညးသ္ကအ်အိုတ်ဂှ် ဖတိုက်ဖ္အောဝ်လဝ်ရ။
သွက်ဂွံသဳကၠဳ ကေုာံ သွက်ဂွံအာအတိုၚ်ဂၠံၚ်တရဴကလုတ်တမာန်ဂှ် အခေါၚ်အရာနွံဒၟံၚ်ဏီတုဲ ယဝ်အခေါၚ်အရာဏံ ဟွံမွဲရမ္ဂး ပရေၚ်ဗတိုက် ပကီုပရာပ် ပလီုပလာ်တံဂှ်ဝွံ ဒှ်ကၠုၚ်ကဆံၚ်ဒဵုကဵုချပ်ရံၚ်ဟွံဂွံရောၚ် သ္ကိုပ်စၞောန်ထ္ၜး ဂြတ်သဳ ဟီုလဝ်ရ။
ရုယှာ၊ ကြုက် ကေုာံ ပါကေဿတာန်တံဂှ်တှ်ေ သွက်ဂွံဒေါအ်ပန်ပှော်လွာဲဂှ် ပ္ဍဲအဳရာန်ဂှ် ပ္ဍဲဂိတုဂျောန် ၂ တေံ ဖတိုက်ဖ္အောဝ်လဝ်တုဲ အမာတ်ကလုတ်အေဿရေ စပ်ကဵုကုလသမဂ္ဂဂှ် တးပါဲထောံလဝ် အရာမဖတိုက်ဖအောဝ်ကၠုၚ်ဂှ်ရ။
တုဲပၠန် ဌာနဝန်ဇၞော်ကာဍုၚ်သ္အာၚ်အမေရိကာန်ဂှ်တှ်ေ ဖတိုက်ဖ္အောဝ်လဝ် ကောန်ဍုၚ်အမေရိကာန် နွံဒၟံၚ်အလုံဂၠးမွဲတအ် သွက်ဂွံစွံသတိအိုတ်ရ။
အကြာဏံ ကောန်ဍုၚ်အမေရိကာန် နွံဒၟံၚ်ပ္ဍဲအေဿရေကဵု ပ္ဍဲကဵုဒေသပြၚ်ၜဳ သြၚ်ပလိုတ်တအ် စနူဂိတုဂျောန် ၂၂ တုဲ စဆုဲပြံၚ်ဒၟံၚ်ဒၞါဲဗၠးဘဲတံရ။
Ref: AFP