ကုလသမဂ္ဂ၊ ဂျောန် ၂၂
ယဝ်အေဿရေ ဗ္တိုက်အာရုၚ်စက်နျူကလဳယျာ ပ္ဍဲဍုၚ်ဘူချာ သၠုၚ်ကျာအဳရာန်ဂှ်မ္ဂး ပ္ဍဲဒေသသ္ကုတ်လဒေါဝ်ဗၟံက်တေံ ဘဲကပ်နျူကလဳယျာမွဲ ဒှ်ကၠုၚ်မာန်ရောၚ် ဇၞော်သ္ကိုပ် ဂကောံကုလသမဂ္ဂ မၚ်ရံၚ်ဇြဟတ်အနုလက်ကၠိုက်ဂှ် ကဵုလဝ်သတိ ပ္ဍဲဂိတုဂျောန် ၂၀ တေံရ။
ဟိုတ်နူအေဿရေ ဗ္တိုက်ကၠုၚ်အဳရာန်တုဲ ပြဟ်ဟ်ဏံ ဓာတ်ရေဒဳယော လရုက္တဵုကၠုၚ်ဟွံမွဲဏီကီုလေဝ် ဗွဲတၟေၚ် ယဝ်ဗ္တိုက်ကၠုၚ်ရုၚ်စက်ဘူချာမ္ဂး အန္တရာယ်ဂွံဒှ်ကၠုၚ် ဂၠိုၚ်ဒၟံၚ်ရောၚ် ရာဝှေ ဂြတ်သဳ မဒှ်ဇၞော်သ္ကိုပ် IAEA ဂှ် ဟီုရ။
ဇၞော်သ္ကိုပ် ရာဝှေ ဟီုကၠုၚ်လဝ် ဒဒှ်ရကၟိန်ဍုၚ်အပ္ဍဲဒေသဂှ်ဂမၠိုၚ် ကေတ်ကၠုၚ်အဆက်ကုညးတုဲ ဟီုကၠုၚ်လဝ် ဒဒှ်ရဒှ်ဓဝိၚ် အပ္ဍဲဒေသ ဖေက်ဒးဘဲနျူကလဳယျာရောၚ် သ္ဂးရ။
ယဝ်ဒးအာ ရုၚ်စက်နျူကလဳယျာ ပ္ဍဲဍုၚ်ဘူချာဂှ်မ္ဂး အပ္ဍဲဒေသဂှ် ဓာတ်ရေဒဳယောလရုက္တဵု ဒှ်ကၠုၚ်တၟာဂလိုၚ်မာန်ရောၚ်ဂှ် ညးထပ်ဟီုဗပေၚ်လဝ်ရ။
ထၟာဲဓာတ်နျူကလဳယျာဘူချာ နွံပ္ဍဲသၠုၚ်ကျာအဳရာန်ဂှ်ဝွံ ပ္ဍဲဒေသသ္ကုတ်လဒေါဝ်ဗၟံက်တေံဂှ်မ္ဂ: ဒှ်ရုၚ်စက်နျူကလဳယျာ သွက်ကောန်ညးဍုၚ်ကွာန် ကၠာအိုတ်မွဲရောၚ်တုဲ ကပေါတ်နျူကလဳယျာ နွံဒၟံၚ်ကဳလောကဵုလ္ၚီရ။
ယဝ်ဒးအာရုၚ်စက်ဏံတပ်ပ်ကဵုဒှ် ဒးအာလာၚ်ဇြဟတ်ဓာတ် မကဵုဒၟံၚ်ရုၚ်စက်ဏံဒှ်ဒှ် နျူကလဳယျာ လၚ်ဒှ်ဍာ်ဒှ်ကၠုၚ်မာန်ရောၚ် ဂြတ်သဳ ကဵုလဝ်သတိရ။
ယဝ်ဒှ်ကၠုၚ်မ္ဂး သွက်ဂွံဆုဲပြံၚ်ဒၞါဲဗၠးဘဲ အပ္ဍဲဒေသ ဒၞါဲမသ္ၚောဲကဵုရုၚ်စက်ဘူချာဏံ ကဳလောမဳတာဂၠိုၚ်ကဵုကၠံဂှ် ဒးပတိတ်တၚ်စၞောန်ရောၚ် ညးဟီုရ။
ရုၚ်စက်ဏံဂှ် နွံဒၟံၚ်ကရပ်လတေၚ်ဆီ ဒၞါဲဒတန်ပရေၚ်ပိုန်ဒြပ်ဂၠးတိ ပၟိက်ဇၞော်အိုတ်ဂှ်တုဲ ယဝ်လီုလာ်ဇီုကပိုက်ကၠုၚ်မ္ဂး အကာဲအရာပရေံမာန်ရ။
Ref: AFP