ဝါယှေန်တန်၊ အဝ်ဂတ် ၇
သမ္မတအမေရိကာန် ဒဝ်နေဝ်ထရ သွက်ဂွံဒေါအ်ပန်ပှော် ၜိုန်ရဖတိုက်ဖအောဝ်ကီုလေဝ် ဗွဲကြဴညးတေံကလေင်စိုပ်ကၠုင် “သ္ရိစၠတ်ဗု” ဂှ် ရတ်ယှာ ဟပဵုၜါအဆတုဲ ဍိုက်ဗတိုက်မံင်ယူခရုင် နကဵု ဒရုင်၊ ကမ်သၠောဝ်တံရ။
လက်ထက်သမ္မတတြေံ ဂျိုဝ်ဗိုင်ဒန် ၂၀၂၄ တေံ ရတ်ယှာဗတိုက်ကၠုင် နူအခိင်တေံကီုလေဝ် “ထရ” ဂွံကၠုင်ဇၞး ပေါဲရုဲမာဲ နဝ်ဝေမ်ပါဂှ်တုဲ ပဵုတုဲဂၠိုင်တိုန်မံင် ပရိုင် BBC ချူလဝ်ရ။
ပ္ဍဲဂျာန်နဝါရဳ ဗွဲကြဴညးတေံ စိုပ်ကၠုင် “သ္ရိစၠတ်ဗု” ဂှ်တုဲ ပရေင်ရတ်ယှာ ဗတိုက်ကဵုပၞာန်ကျာတံ မွဲဒမြိပ်ဏံ ပေါဲဗတိုက် ဂၠိုင်အိုတ် ဒှ်ကၠုင်ရ။
နကဵု “ထရ” ယဝ်ရညးတေံ ဒှ်ကၠုင်သမ္မတမ္ဂး ပေါဲဗတိုက် ရတ်ယှာ-ယူခရုင်ဏံ အပ္ဍဲကဵုပွိုင်မွဲတ္ရဲဓဝ် ညံင်ဂွံဒေါအ်မာန် ဖန်က်အာရောင် အခိင်တံင်ဂြဲမာဲဂှ် ညးတေံကြဴဇာလဝ် နွံရ။
နူကဵု နန်ခရေန်မလေန်ဂှ် သမ္မတညးတံသ္ပအဲပရဲ ပ္ဍဲဍုင်အမေရိကာန် ကေတ်မံင်တာလျိုင်မ္ဂး လ္တူယူခရုင် နူကဵုရတ်ယှာ ဗတိုက်မံင်ဂှ် ပါဲဓလေတ်ကၠုင်မာန်ရောင် အခိင်တံင်ဂြဲမာဲဂှ် “ထရ” ကေင်ဟီုဂးလဝ်ရ။
ဆဂး ပ္ဍဲအရာ ဂစာန်မံင်ပရေင်ဒေါအ်ပန်ပှော်ဂှ် ဗီုဂ္ရပ်စိုတ်ရတ်ယှာ “ထရ” ဗက်ကၠောန်မံင်ဏောင် ညးပါ်ပါဲမံင်တံ စောဲစပ်လဝ်ရ။
ဂကောံအလဵုအသဳ ညးတေံဂှ်လေဝ် ပရေင်ကဵုအထံက်ပင် လွဟ်မကမ် သွက်ယူခရုင် ဒေါအ်ကၠုင်လဝ်တၞဟ်ခြာ ၜါဝါနွံရ။
နကဵုရတ်ယှာ အခိင်ဟပဵုပတိတ်မံင် မကမ်သၠောဝ်ကဵု ဒရုင်တံ ဆက်က်ဂှ် “ထရ” ဒေါအ်ကၠုင်ပရေင်အထံက်ပံင်ကု ယူခရုင် အပ္ဍဲဂိတုမာတ်ချ်ကဵု ဂျူလာင်ကီုလေဝ် ဗွဲကြဴဏံ ကလေင်ကဵုပၠန်ရ။
အတိုင်လဟီု ထံင်ပရိုင်ယူခရုင်မ္ဂး ပ္ဍဲကဵုသၞာံတုဲကၠုင်ဏံ ပရေင်ရတ်ယှာ မပတိတ်လဝ် ကမ်သၠောဝ်ထိင်သၞေဝ် ၆၆% ပဵုတိုန်တိုန်ရောင် သ္ဂးရ။
ပေါဲဗတိုက်ကြာန်ဓဇန်ဏံဝွံ ဟိုတ်နူကဵု သမ္မတတြေံ ဂျိုဝ်ဗိုင်ဒန် ရပ်စိုပ်ကၠုင်ဟွံမာန်တုဲ က္တဵုဒှ်ကၠုင်ရဂှ် ညးတာလျိုင်လလောင်ပရိုင် “သ္ရိစၠတ်ဗု” အန်နာ ကေဝ်လ်လဳ ဟီုလဝ်နွံရ။
Ref:BBC