ဂျေရုသလေၚ်၊ အဝ်ဂတ် ၂၆
အတိုၚ်လၟေၚ်စဳဇန်လဝ် သွက်ဂွံထိၚ်ချုက်အာ ဂါဇာသဳတဳမာန် ဂစာန်အာရောၚ် ဝန်ဇၞော်ပရေၚ်စဵုဒၞာ အေတ်သရေ ကြဴဇာလဝ်တုဲ ပ္ဍဲကဵုဒေသပွဳပွူဇိုၚ်ဍုၚ် လပါ်ဗၟံက်ကဵု သၟဝ်ကျာတံဂှ် ပ္ဍဲအဝ်ဂတ် ၂၃ ကဵု ၂၄ ဟိုတ်နူၜၚ်ကျာပၞာန်၊ ကွဳခြပ်ပၞာန်တံ ဗတိုက်ဂှ် စမြိုၚ်ဒၞာဲမံၚ် သ္ၚိဌာန်ညးဍုၚ်ကွာန်တံ လီုလာ်အာ ညးဒေသတံ ဟီုရ။
ပ္ဍဲကဵုဒေသ ဇြိုၚ်တံၚ်ကဵု ယှဳဂျာအဳယာဂှ် အခိၚ်ဗတမ် ဟိုတ်နူဒပ်ပၞာန် အေတ်သရေဗတိုက်တုဲ ရမျှာၚ်ဖတိုဟ်မံၚ်ဟွံပိုတ် ဂွံမိၚ်လဝ်ဆက်က်ရ သက်သဳညးဆဵုနမတ်တံ ဟီုရ။
နူကဵုဒၞာဲဟတိုဟ်လဝ်တံဂှ် ပၟတ်ထပက်တိုန်အကးသၠုၚ် တၟးဂဵုမံၚ် ဂွံဆဵုတုဲ ရဲကၟိန်သ္ၚိဌာန်လ္ၚဵု ဂြိပ်တိတ်အာ နူကဵု ဂါဇာသဳတဳကီုလေဝ် ညးလ္ၚဵုတံဂှ် ချိုတ်တှ်ေလဝ်ချိုတ်ဟဍေံ ဆက်မံၚ်တန်တဴအာ အပ္ဍဲဍုၚ်ဇကုဟေၚ် ဖျေံလဝ်သ္ဂုတ်သွာတ်အိုတ်ရ။
ညံၚ်ဂွံပသောၚ်သ္အးထောံ ဒၞာဲဥမၚ် ရဲဆီပၞာန်ယိုတ်တ်တံ ကေုာံ သွက်ဂွံထိၚ်ချုက် ဒေသဏံခိုဟ်ဟ်မာန်ဂှ် နူကဵုဒပ်ပၞာန်အေတ်သရေ ဗတိုက်မံၚ် ဒေသဂျဗာလဳယာ နူကဵုအဝ်ဂတ် ၂၄ တေံရ။
သွက်ဂွံထိၚ်ချုက်အာ ဂါဇာသဳတဳဂှ် ကဵုအခေါၚ်ဝေၚ်ပၞာန်ရ နူကဵုအလဵုအသဳအေတ်သရေ ကဵုဏာအခေါၚ်ကီုလဝ် အကြာသတ္တဟဏံ အစဳဇန်ထပက်ပၞာန်ဟၟဲဏီ ကာတာကဵု အဳဂျေတ်တံ ပတေဟ်ကေတ်လဝ်တုဲ ဂစာန်ပညဳပညပ်မံၚ် အကြာၜါလပါ်ဏံဏီ။
နကဵု ဝန်ဇၞော် ပရေၚ်စဵုဒၞာအေတ်သရေ ကာတ်ဇ်ဝွံ သီထောံလွဟ် ဂကောံဟာမာတ်သ်တုဲ သွက်ဂွံကေတ် ပရေၚ်ၜိုဟ်လလမ်ဂှ် ဟွံတုပ်စိုတ်မ္ဂး ဟွံကလေၚ်ဗလးနၚ် ရဲပးဒၞန်တံမ္ဂး ပလီုထောံ ဂါဇာသဳတဳရောၚ် ဘပဠလဝ်ရ။
နကဵုဒပ်ပၞာန် အေတ်သရေ ဂစာန်မံၚ် ညံၚ်ဂွံထိၚ်ချုက်အာ ဂါဇာသဳတဳဂှ် သဘဴလစွံစိုတ် ပရေၚ်ဒေါအ်ပန်ပှော် ဇြိုဟ်ဟ်နက်နက်ဟၟဲ မံက်ကၠးမံၚ်ရောၚ် လိက်လလောၚ်တြး ဂကောံဟာမာတ်သ် ပ္ဍဲအဝ်ဂတ် ၂၄ ဂှ် ချူပတိတ်လဝ်နွံရ။
ပ္ဍဲအရာသဳကၠဳမံၚ် ပြဟ်ဟ်ဏံဂှ်တှ်ေ သွက်ဂွံဒေါအ်ပန်ပှော် ပ္ဍဲဂါဇာ ပွိုၚ် ၆၀ တ္ၚဲ၊ ရုပ်ဇွပးဒၞန် ၁၀ တၠကဵု မၞိဟ် ၁၈ တၠဂှ် နူကဵု ဟာမာတ်သ် ဒးကလေၚ်သၠောဲပအပ်ကဵု အေတ်သရေတံရောၚ်။
တၚ်နၚ်ပၠုပ်လဝ်ဂလာန်ဏံ ဟာမာတ်သ် ဒုၚ်တဲထေက်ကီုလေဝ် သ္ကိုပ်ဝန်ဇၞော် အေတ်သရေ နေတေန်ညာဟု တးပါဲလဝ်တုဲ သွက်ပးဒၞန်သီုဖအိုတ် ဂွံဗၠးတိတ်မာန် ကလေၚ်ကၠောန်အာ ပရေၚ်သဳကၠဳတၟိရောၚ် ဟီုလဝ်ရ။
ယဝ်ရ ဗတိုက် ဂါဇာသဳတဳမ္ဂး ပရေၚ်ရီုဗၚ်ထံက်ပၚ် ပရေၚ်ဗစာရဏာမၞိဟ်တံ ပရေအ်ကၠုၚ်မံၚ်တံဂှ် အကာဲအရာ ပဵုတုဲထပ်ပရေအ်အာရနွံ ဍုၚ်ဂၠးကဝ်တံ ကဵုလဝ်သတိတုဲ သွက်ဂွံဒေါအ်ပေါဲပၞာန်၊ ပးဒၞန်သီုဖအိုတ် ညံၚ်ဂွံကလေၚ်ဗၠးတိတ် ညံၚ်ဂွံကၠောန်ကဵု ကောန်ဍုၚ် အေတ်သရေတံ ထ္ၜးဆန္ဒအာတ်မိက်မံၚ်ကီုလေဝ် အေတ်သရေ စဗတိုက်မံၚ် ဂါဇာသဳတဳ ဖိုဟ်ဏီရ။
Ref:Reuters