ဝါယှေန်တန် အဝ်ဂတ် ၁၂
ပ္ဍဲအမေရိကန် ဍုင်ဇၞော်အိုတ်ဝါယှေန်တန်ဒဳသဳဂှ် ဗတိုက်သရိုဟ်ကၠေံ ပွရာဇဝတ်တံရောင် အတိုင်သမ္မတထရ မကြဵုဇာလဝ်ဂှ် ရဲသ္ရိဌာန်ဟၟဲမွဲသာ်တံ ပြဟ်ဟ်ဏံ ညံင်ဂွံပါဲတိတ်အာနူဍုင်လၟုဟ် ပတိတ်လဝ်အမိင်ရ။
သ္ကိုပ်ဝန်ဍုင်ဇၞော် မစဵုစးလဝ် စၞောန်ပၟိင် သ္ရိစၠတ်ဗုဂှ် ဍုင်ဝါယှေန်တန်ဝွံ ချိက်ထၜးဥပမာကု ဍုင်ဘက္ကဒက်တုဲ ဟီုလဝ်ရ။
သ္ကိုပ်ဝန်ဍုင်ဇၞော် ဒဳမဝ်ကရက်တစ်မွဲတၠ မူရီရယ် ဘောင်ဆာဝွံ အပ္ဍဲဍုင်ဇၞော်ဏံ အကာဲအရာ ဒးဆဵုဂဗမံင်ကဵု ပရေင်ရာဇဝတ် ဂၠိုင်မံင်ဟွံသေင်ပုဟ် သ္ဂးရ။
“သွက်ဇကုတံ ဒၞာဲသွက်ဂွံမံင်တန်တဴအာ ပိုဲတံ ဖန်ကဵုဏောင်၊ ဆဂး သ္ရောခြာမံင်ကဵု ဍုင်ဇၞော်ဏံဗွဲမလောန် “ထရ” ချူလဝ် ပ္ဍဲမဳဒဳယာပရေင်မၞိဟ် ပ္ဍဲအဝ်ဂတ် ၁၁ ရ။
ဍုင်ဇၞော်ဏံ ဘဲအန္တရာဲညံင်ဂွံသအးအာ နူကၠာကၠာတေံ ပဵုတုဲဂွံကျေဝ်အာ မဒးဖန်ဖက်ရေင်တၠုင်ရောင် သမ္မတ ရဳပက်ဘလေကင် ထရ ဟီုရ။
တင်စၞောန်ပၟိင် ပရေင်ရပ်ထိင် ရဲသ္ရိဌာန်ဟၟဲတံ ဗွဲမလောဲသွာမာန် တုဲကၠုင်ဂိတုတေံ ထရ ထပက်လဝ်စၟတ်တဲတုဲ ညးတာလျိုင် ထိင်ဒဝ်ဥပဒေဖိတ်ဒရေဝ်တံ ညံင်ဂွံအာစိုပ် ဒၞာဲဂၠံင်ဍာန် ဝါယှေန်တန်ဒဳသဳတေံ အကြာသတ္တဏံ ကဵုလဝ်စၞောန်ပၟိင်ရ။
ရဲသ္ရိဌာန်ဟၟဲတံ နူအခိင်လၟုဟ် ဒးတိတ်ဏောင် နူကဵု Truth Social မဳဒဳယာပရေင်မၞိဟ် ထရ ပ္ဍဲအဝ်ဂတ် ၁၁ ဂှ် ချူလဝ်ရ။
“ၝကောန်ရာဇဝတ်တံဏံ ဟွံတိတ်အာနူဍုင်မ္ဂး ပလံင်ဗစိုပ်ကဵုဏာ ဒၞာဲထံင်ၝတံ မံင်ထေက်ဂှ်ရောင်” ထရ ဟီုရ။
အစဳဇန်သမ္မတ ပရေင်သောဲဗြောဲကၠးမး ဟွံဂွံတီကီုလေဝ် အတိုင်ဟီုမြော်လဝ် ပ္ဍဲသၞာံ ၂၀၂၂ တေံမ္ဂး ဒၞာဲလပါ်မ္ရးဍုင် တိဒၞာဲင္ရုဟ်မးတန်န်တံဂှ် နကဵုတာဲအဆံင်လှုင်င် ဖန်ကဵုရောင် ပၠုပ်လဝ်ဂလာန်နွံရ။
ပ္ဍဲဝါယှေန်တန် ဖျေံစွံလဝ်ညးတာလျိုင်ဖိတ်ဒရေဝ် ၄၅၀ ပြင်နွံတုဲ ရေင်တၠုင်ဖတိုက်သရိုဟ်မံင် ပရေင်ရာဇဝတ်ရ နူကဵုသ္ရိစၠတ်ဗု ဟီုရ။
ပ္ဍဲကဵုအမေရိကာန် တၟော်ဆအာကဵု ဍုင်ဇၞော်တၞဟ်ဟ်မ္ဂး ဝါယှေန်တန်ဂှ် ပရေင်ဂစိုတ်မၞိဟ် က္တဵုဒှ် ဂၠိုင်မံင် ဖိုဟ်ရောင်။
Ref:BBC