ၜံင်ကံက်၊ အဝ်ဂတ် ၁၅
စပ်ကဵုပရေင် ကယျာန်ဓဝါတ် အမာတ်ကလုတ် ကုဍုင်ဇိုင်ဝုတ်ဒိုဟ် ဍုင်ခမန်တုဲ ဗီုပြင်ဖန်ဖက်ရပ်စပ်ရေင်တၠုင်လဝ်တံဂှ် ညံင်ဂွံနုက်ပတိတ်ထောံ သ္ကိုပ်ဝန်ဇၞော်သေံ ဖေဝ်ထံင်ထာန် စပ်ကဵု အမှုပရေင်အာတ်မိက်လဝ်ဏံ ပ္ဍဲကဵု အဝ်ဂတ် ၂၉ ဏံ ဖျေံသ္ဂုတ်သွာတ်ရောင် ရုင်သၞောဝ်ဓဝ်သ္ဇိုင်သၞောဝ်ဥပဒေ လလောင်လဝ် ပ္ဍဲအဝ်ဂတ် ၁၃ ရ။
အပ္ဍဲပွိုင်ဗွဝ်စှ်သၞာံဏံ အကြာၜါဍုင် ပေါဲဗတိုက်သ္ကာတ်မြဟ် ဇၞော်ကဵုဇြဟတ်ဂွံဒှ်ကၠုင် ပ္ဍဲအရာမရပ်စပ်လဝ် ပြဿနာ ပယျဵုဍုင်ခမေန်ဏံဂှ် နကဵု ဖေဝ်ထံင်ထာန်ဝွံ ဗီုပြင်ကမၠောန် ဟွံစှ်ေဗဗွဲသၞောတ် ဖံက်ပကဝ်လဝ် ဝတ်တာလျိုင် သ္ကိုပ်ဝန်ဇၞော်မွဲ ဂးတုဲ အမာတ် ကောန်သာဗေတေတ်လ္ရဵုတံ စောဲလဝ်အမှုရ။
စပ်ကဵုပရေင်အမှုဏံတုဲ ပ္ဍဲအဝ်ဂတ် ၂၉ အခိင်ဍုင်သေံတ္ရဲစေင် ၃ နာဍဳဂှ် ဖျေံအာသ္ဂုတ်သွာတ်ဏောင် အပ္ဍဲကဵု တင်လလောင်တြး ရုင်သၞောဝ်ဓဝ်သ္ဇိုင်သၞောဝ်ဥပဒေဂှ် ချူလဝ်ရ။
ဖေဝ်ထံင်ထာန်ဝွံ ဒှ်ကောန်ဝုတ် သေဌဳဇၞော် ဗဳလျာန်နာ သ္ကိုပ်ဝန်ဇၞော်တြေံ တက်သေန် ညးမၞုံကဵု ပရေင်ယှုက်ထုဲခက်ခုဲနာနာသာ်မွဲတၠတုဲ ကၠာဟွံပေင်ပွိုင်မွဲသၞာံဂှ် နူကဵုရုင်သၞောဝ်ဓရ်နိဂီုဍုင် နုက်ပတိတ်ထောံ သ္ကိုပ်ဝန်ဇၞော် ဆရက်သာ သာဗဳသေန်တုဲ ဂွံကၠုင်လဝ်အဝဵုရ။
ဂိတုလောန်ကၠုင်တေံ ဗွဲယာယဳဒးဒုင်ဗဒေါအ်လဝ် နူတာလျိုင်တုဲ ပွညးတေံဖန်ဖက်လဝ်တံဂှ် သ္ကိုပ်ဝန်ဇၞော် ဖေဝ်ထံင်ထာန် စဵုဒၞာဟီုဂးဏာလဝ် သွက်ဂွံဒှ် ဖဵုဂုဏ်ဍုင်ဟေင် ကၠောန်လဝ်ရောင် ဂးရ။
ဆဂး အပ္ဍဲပရေင် ညးတေံဟီုဂးတက်လဝ်ကျာဖုင် ကုသ္ကိုပ်ဝန်ဇၞော်တြေံ ဟန်သန် မံက်တိတ်ကၠုင်တုဲ ဟန်သန်ဂှ် ဖေဝ်ထံင်ထာန် ကော်ခဴစလဝ် “အမူ” ကီု သ္ကိုပ်က္ဍိုက်ပ်ပၞာန်သေံဂှ်လေဝ် ဒှ်ညးမပြိုင်ပကာန်မံင်ကဵု ညးတံမွဲဏောင် ဟိုတ်နူဟီုဂးလဝ်တုဲ ဒေါသညးဍုင်ကွာန်သေံတုဲ မံက်တိတ်ကၠုင်လဝ်ရ။
ဖေဝ်ထံင်ထာန်ဝွံ အစောန်ဇြဟတ်ဒပ်ပၞာန် ညံင်ဂွံကဵုဍိုန်လျအာတုဲ ကုက္ဍိုပ်သ္ကိုပ်ခမေန် ဇအ်သဝ်ဆက်ဆောံလဝ်တံဂှ် ဒှ်ပွမဖံက်ပကဝ်ဝတ်တာလျိုင်မွဲသာ်ရောင် အမာတ်ခေတ်တြေံ လဇုဲဂလုဲမံင်တံဂှ် စောဲစပ်လဝ်ရ။
Ref:AFP