တနင်သဳ၊ အံက်တဝ်ပါ ၂၁
ပ္ဍဲတွဵုရးတနၚ်သဳ ပွိုၚ်ဍုၚ်တနၚ်သဳ ကရပ်ကွာန်သိၚ်ခေါန်ဂှ် နူကဵုလပါ်ဒပ်ပၞာန် ထပဵုဇြဟတ် ဟိုတ်နူထပက်ကၠုၚ်ပၞာန်တုဲ ပေါဲဗတိုက်သ္ကာတ်မြဟ်ဒှ်မံၚ်ရောၚ် ညးတာလျိုၚ် ဒပ် ပကဖ ဗိက်တံ ဟီုကဵုဌာန်ပရိုၚ်သြၚ်လောန်တိုင်မ်ရ။
ဒပ်ကဝ်မယှေန်ပၞာန် စကာလဝ်ဇြဟတ် ၅၀၀ ပြၚ် ပါ်လဝ် ၄ ကရောၚ်ပၞာန်တုဲ စနူအံက်တဝ်ပါ ၁၄ ဟိုတ်နူထပက်ကၠုၚ် ကရောၚ်ပၞာန်ဂှ်ရ ပေါဲဗတိုက်အရိုဟ်တ္ၚဲ ဆက်ဒှ်မံၚ်ရောၚ် သ္ဂးရ။
လၟုဟ်အလန်ဏံမွဲဝါဂှ် ဇြဟတ်ဒပ်ကဝ်မယှေန်ပၞာန် ဂၠိုၚ်လောန်မံၚ်ကီု ရဲလပါ်ဒပ်ပံၚ်တောဲ ဂကောံပၠန်ဂတးဂတးတံ ဟိုတ်နူကလေၚ်ပလန်ဗတိုက်မံၚ်ဂှ်ရ ပေါဲဗတိုက်ဒှ်မံၚ်အရိုဟ်တ္ၚဲဟွံက သီုကဵု ဒးဘဲဝပ်တံလေဝ်နွံမံၚ်ကီုရောၚ် ညးတာလျိုၚ်ပကဖဗိက်မွဲတၠ ဟီုရ။
အပ္ဍဲပေါဲဗတိုက် လပါ်ဒပ်ကဝ်မယှေန်ပၞာန် ဟွံအောန်နူကဵု ၁၀ တၠ ဒးဘဲဝပ်ချိုတ်အာလဝ်နွံတုဲ၊ လပါ်ဒပ်ပံၚ်တောဲပၠန်ဂတးတံလေဝ် လ္ၚဵုဒးလဝ်ဘဲဝပ်နွံ တင်နၚ်ဗွဲတြးဂှ် လပါ်ဂကောံဆေၚ်စပ်တံ ပတိတ်ကဵုပရိုၚ်ပၠန်ရောၚ် သ္ဂးရ။
လပါ်ကရောၚ်ပၞာန် ဒပ်ကဝ်မယှေန်တံ ခမရ ၄၃၁၊ ခလရ ၂၈၀၊ ခလရ ၁၀၃ ၊ ခလရ ၂၆၇ ခလရ ၂၆၅ ကဵု ခလရ ၁၀၁ တံ ပါလုပ်မံၚ် ဂွံတီကေတ်ရ။
ပ္ဍဲကဵုဂကောံကွာန်သိၚ်ခေါန် မွဲဒမြိပ် ပ္ဍဲကဵုဂၠံၚ်အာ ဍုၚ်မဝ်တံၚ်(မောတောၚ်) ဒေသပယျဵုသေံ-ဗမာဂှ်တှ်ေ အကြာဒပ်ကဝ်မယှေန်ပၞာန်တံကဵု ဒပ်ပံၚ်တောဲ KNLA တံ ပေါဲဗတိုက် ဒှ်ကၠုၚ်လဝ် ပွဳပွူ ၁၀ ဂိတုနွံတုဲ သီုၜါလပါ် ဒးဘဲဝပ်ချိုတ်လဝ်ဗွဲမဂၠိုၚ် နွံရ။
ပရိုၚ်-သြၚ်လောန်တိုၚ်မ်
Photo – PDF