လံၚ်လုၚ်၊ အံက်တဝ်ပါ ၂၁
ရးတနၚ်သဳ ပ္ဍဲကဵုပွိုၚ်ဍုၚ်လံၚ်လုပ်ဂှ် ဟိုတ်နူကရောၚ်ပၞာန် ဒပ်ကဝ်မယှေန်ပၞာန် ထပက်တုဲ ညးဍုၚ်ကွာန် ၃၀၀၀ ပြၚ် ဒးဂြိပ်ပါဲ မံၚ်ရောၚ် ဂွံတီကေတ် နူညးဒေသတံရ။
တုဲကၠုၚ်စနူကဵု အံက်တဝ်ပါ ၁၉ အခိၚ်နူဂယးဂှ် ဒပ်ကဝ်မယှေန်ပၞာန် ဇြဟတ် ၁၀၀ ပြၚ်ၚ်တံ နူကဵု လပါ်ဂၠံၚ်ဍာ်မွဲအဆံၚ်လုပ်ကၠုၚ်ကွာန် တၟံစိၚ်ဂှ်တုဲ ပ္ဍဲကဵုအကြာကွာန်ကရပ်ကရပ်တံဂှ်လေဝ် ကရောၚ်ပၞာန် ဆက်ထပါ်မံၚ် သ္ဂးရ။
နူကဵုကွာန်တၟံစိၚ် သၞေဟ်ဓမၚ်ဂှ် ကရောၚ်ပၞာန် ထပက်စိုပ်အာကွာန်ကာန်ပနဳတုဲ ဖေက်ပေါဲဗတိုက်ဒှ်ကီု ဒးဒုၚ်ရပ်ကၠေၚ်ကီု ဟိုတ်နူ ဒှ်ဒွိၚ်တုဲ ညးဒေသတံ ဂြိပ်ပါဲအာအိုတ်ရဂှ် ရဲကွာန်တၟံစိၚ်မွဲတၠ ဟီုကဵု ဌာန်ပရိုၚ်သြၚ်လောန်တိုင်မ်ရ။
ကရောၚ်ပၞာန်ဏံဝွံ ပ္ဍဲကဵုအံက်တဝ်ပါ ၂၀ ဂှ် နွံမံၚ် ကွာန်ကာန်ပနဳ လပါ်သၞေဟ်ဓမၚ်ဂှ်တုဲ ဗက်စၟဳစၟတ်ဂၠိုက်ဂၠာဲမံၚ် သ္ဂးရ။
ကရောၚ်ပၞာန် ဒပ်ကဝ်မယှေန်ပၞာန် လုပ်ကၠုၚ်ကီုလေဝ် ဒဵုကဵု ဂိတုအံက်တဝ်ပါ အခိၚ်ဗတမ်ဂှ် ပေါဲဗတိုက်ဒှ်လဝ်ကဵု ဒပ်ညးဍုၚ်ကွာန် PDF တံဟၟဲဏီရ၊ ဆဂး နူကဵုဂကောံ ဒပ်ကဝ်မယှေန်ပၞာန်တံဂှ် ပ္ဍဲအကြာကွာန် ဗက်စၟဳစၟတ်ဂၠိုက်ဂၠာဲမံၚ်ဖိုအ်ရောၚ် ဂွံတီရ။
ဟိုတ်နူကရောၚ်ပၞာန်လုပ်ကၠုၚ်တုဲ ညးဒေသ ကွာန်တၟံစိၚ်၊ သၞေဟ်ဓမၚ်၊ ပျေန်ဂျဳ၊ ကရေၚ်ဂျဳ၊ ကာန်ပနဳတံ ၃၀၀၀ ပြၚ် ဒးဂြိပ်ဒဴအာလဝ် နူကဵုသ္ၚိဌာန်ညးတံ မဒှ်ရ။
ပ္ဍဲအံက်တဝ်ပါ ၁၀ တေံဂှ်လေဝ် ပွိုၚ်ဍုၚ်လံၚ်လုၚ် ကရပ်ကွာန်ညှေန်မဝ်ဂှ် ဒပ်ကဝ်မယှေန်ပၞာန် တံၚ်ရပ်နင်လဝ်ပဝ်တာ ညးဍုၚ်ကွာန်တံဏံဂှ် ဟိုတ်နူဒးဒုၚ်ဗတိုက်တုဲ ၈ တၠချိုတ်အာဂှ်ကီု မကမ်လွဟ်လ္ၚဵုတံ ဒးဒုၚ်သီဏာလဝ်ကီု ဂွံတီရ။
ပရိုၚ်-သြၚ်လောန်တိုၚ်မ်
ဗီုရုပ် – CJ