မတ်မလီု ၊ ဒဳဇြမ်ပါ ၃၀
ပေါဲရုဲမာဲကဝ်မယှန်ပၞာန် ကၠောန်လဝ်သ္ကုတ် ၁ တုဲလဝ်ဏံ ဗော်ပျဳခိုၚ်ဖျဵု သ္ကိုပ်ပၞာန်အာမံၚ်က္ဍိုပ်ဂှ် ဂွံဇၞးမာဲဂၠိုၚ်အိုတ်ရ။
ပေါဲရုဲမာဲသ္ကုတ် ၁ ဒဳဇြမ်ပါ ၂၈ ဂှ် ကၠောန်ဗ္ဒျ်လဝ် ပ္ဍဲပွိုၚ်ဍုၚ် ကျာ်ထဝ်၊ သဓီု၊ မတ်မလီု၊ ၜါသွာၚ်ကဵုကျာ်မြဟ် မဒှ်ရ။
အပ္ဍဲ ၅ ပွိုၚ်ဍုၚ်ဏံမ္ဂး ပါဲနူပွိုၚ်ဍုၚ်ၜါသွာၚ်တုဲ ဒၞာဲသှ်ေမံၚ် ၄ ပွိုၚ်ဍုၚ်ဂှ် ဗော်ပျဳခိုၚ်ဖျဵု ဂွံလဝ်ဇၞးရ။
ပ္ဍဲပွိုၚ်ဍုၚ်ၜါသွာၚ် သွက်ဒၞာဲစၠတ်ဓဝ်ညးဍုၚ်ကွာန်ကဵု စၠတ်ဓဝ်ကောန်ဂကူတံဂှ် အလံၚ်အမာတ်ဗော်ညဳသၟဟ်မန် ဂွံအာဇၞးကီုလေဝ် သွက်ဒၞာဲစၠတ်ဓဝ်တွဵုရးဂှ် ဒးကဵုဏာပယျ(ကျ)ဏာ နကဵုမာဲလဇုဲဂလုဲ ကု အလံၚ်အမာတ်ဗော် ဗော်ပျဳခိုၚ်ဖျဵု မဒှ်ရ။
အခိၚ်သဝ်တ္ၚဲ တ္ၚဲစုတ်မာဲဒဳဇြမ်ပါ ၂၈ ဂှ် လၟိဟ်မမာဲအလံၚ်အမာတ် ဗော်ပျဳခိုၚ်ဖျဵု ဥူအံၚ်ကျဳတိၚ်ဂှ် ကျမံၚ် အလံၚ်အမာတ် ဗော်ညဳသၟဟ်မန် ၅၀၀ ပြၚ်မံၚ်ဏီရောၚ်။
ဆဂး စိုပ်ဒဳဇြမ်ပါ ၂၉ အခိၚ်နူဂယး အခိၚ်ရိုဟ်လၟိဟ်မာဲတုဲဂှ် ဥူအံၚ်ကျဳတိၚ် ဂွံဇၞးမာဲ ပဵုမံၚ် ၅၀၀ ပြၚ် မဒှ်ရ။
လ္တူဥူအံၚ်ကျဳတိၚ် သွဟ်မာဲလဇုဲတိတ်မှဂွံအာဇၞးဂှ် ညးဒေသတံကီု ရဲလပါ်ဗော်ညဳသၟဟ်မန်တံကီု ဒှ်မံၚ်သံသယ မဒှ်ရ။
အတိုၚ်တၚ်နၚ် ကဝ်မယှေန်ပေါဲရုဲမာဲမ္ဂး ပ္ဍဲကဵုပေါဲရုဲမာဲသ္ကုတ် ၁ ညးအခေါၚ်ကဵုမာဲနွံ ၅၉၀,၀၀၀ ဂှ် ကၠုၚ်စုတ်မာဲ ၂၃၀,၀၀၀ နွံမံၚ် ညးကဵုမာဲ ၃၉ ဒသမ ၅% သ္ဂးရ။
ပေါဲရုဲမာဲသ္ကုတ် ၂ ဂှ် ကၠောန်အာပ္ဍဲဂျာန်နဝါရဳ ၁၁ တေံမဒှ်တုဲ ပွိုၚ်ဍုၚ်ၜဳလေၚ်၊ ပံၚ်၊ မုဟ်ဍုၚ်၊ ဇြပ်ဗုကဵု ဍုၚ်ရေဝ်တံ ပါလုပ်ရ။
ပရိုၚ်-သြၚ်လောန်တိုၚ်မ်
Photo – CJ