ရေဝ်၊ ဂျာန်နဝါရဳ ၂၀
တွဵုရးမန် ပွိုၚ်ဍုၚ်ရေဝ်သၟဝ်ကျာ ပ္ဍဲကဵုပေါဲဗတိုက်ကရပ်ကွာန် အံၚ်တပျေဂှ် လပါ်ဒပ်ကဝ်မယှေန်ပၞာန် ချိုတ်အာလဝ်ပိတၠနွံမံၚ် ဒပ်ပၠန်ဂတးဍုၚ်မန် MSRF လလောၚ်ပတိတ်လဝ်ပရိုၚ်ရ။
လောန်ကၠုၚ်ဂျာန်နဝါရဳ ၁၅ တေံ ဒပ်ကဝ်မယှေန်ပၞာန် ဇြဟတ်ၜိုတ် ၂၀၀ ထပက်လုပ်ကၠုၚ်ကရောၚ်ပၞာန် အပ္ဍဲကွာန်အံၚ်တပျေဂှ် ဒှ်လဝ်ပေါဲဗတိုက်ကဵုဒပ်ပၠန်ဂတးတံရ။
ပ္ဍဲအကြာပေါဲဗတိုက်ဏံ နူလပါ်ဒပ်ကဝ်မယှေန်ပၞာန် ချိုတ်အာပိတၠ၊ ဒးဝပ် ၆ တၠနွံတုဲ လပါ်ဒပ်မဟာမိတ်ဒပ်ပံၚ်တောဲ ဂကောံပၠန်ဂတးတံကောန်သ္ဂံၚ်မွဲတၠဍောတ်ရ ဒးအာလဝ်ဝပ် သ္ဂးရ။
ဒပ်မၞုံမံၚ်သၟဝ်တဲ ပရေၚ်ကောပ်ကာဲဌာနပရေၚ်စဵုဒၞာကံၚ်သဳဖိတ်ဒရေဝ်ဍုၚ်မန် MSFC ဒပ်ပၠန်ဂတးဍုၚ်မန် MSRF ကဵု ဒပ်စဵုဒၞာညးဍုၚ်ကွာန်ရေဝ် YPDF တံ ဗတိုက်လဝ်ပၞာန်ဒမၠုက် မဒှ်ရ။
ပေါဲဗတိုက်လေဝ်ဒှ် ကရောၚ်ပၞာန်ဗမာလေဝ်ထပက်မံၚ်တုဲ ညးတြုံသၟတ်အဝဲပၠိုၚ်ၚ် နွံမံၚ်ကွာန်အံၚ်တပျေတံ ဖေက်ဒးတံၚ်ပဝ်တာတုဲ ဒးဂြိပ်ပါဲမံၚ်အိုတ်ရဂှ် ဂွံတီနူကဵုညးဒေသတံရ။
ပ္ဍဲပွိုၚ်ဍုၚ်ရေဝ်ဂှ် ကၠာဟွံစိုပ်ပေါဲရုဲမာဲကီု ပေါဲရုဲမာဲတုဲအာကီု ကရောၚ်ပၞာန်ထပက်မံၚ်ဆက်က်ဖိုအ်ဏီတုဲ ပေါဲဗတိုက်အကြာၜါလပါ် ကလေၚ်ဒှ်မံၚ်စေအ်အ်ကီုရ။
ပရိုင်-သြၚ်လောန်တိုၚ်မ်
Photo – MSRF