ဗြဝတဳ၊ ဂျာန်နဝါရဳ ၂၁
တွဵုရးကရေၚ် လပါ်ဒေသဖလူ သၠုၚ်ကျာဍုၚ်ဗြဝတဳဂှ် ကရောၚ်ပၞာန်ဒပ်ကဝ်မယှေန်ပၞာန် ထပက်လုပ်ကၠုၚ်ဂှ်ရ ပေါဲဗတိုက်ကလေၚ်ဒှ်မံၚ်ကဵု ဂကောံဇြဟတ်ပၠန်ဂတးတံရဂှ် ညးဒေသဖလူတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲဂျာန်နဝါရဳ ၂၀ ၜိုတ်အခိၚ်နူဂယး ၇ နာဍဳဂှ် နူကဵုကွာန်ထီုဣသိ ကရပ်ဍုၚ်လေဝ်ကေကဝ် ဒပ်ကဝ်မယှေန်ပၞာန် ထပက်လုပ်ကၠုၚ်ပ္ဍဲဒေသဖလူတုဲ ဒှ်လဝ်ပေါဲဗတိုက်ကဵု ဒပ်ပၞာန်ဗၠးၜးကောန်ဂကူ ကရေၚ် KNLA ၊ ဂကောံဇြဟတ်မဟာမိတ်ပၠန်ဂတးတံ ဗၞတ်ပွိုၚ်နာဍဳမွဲဍောတ်ရ။
ပ္ဍဲပေါဲဗတိုက်ဏံ ကရောၚ်ပၞာန်ဒပ်ကဝ်မယှေန်ပၞာန် ဒးလွဟ်ချိုတ်အာဂၠိုၚ်တုဲ ဒးကလေၚ်ဆုတ်စဴအာ သ္ဂးရ။
ပ္ဍဲဒၞာဲတိဍာ် KNU မဟာဒပ် ၆ ဒေသဖလူကဵု ဒေသမေန်လက်ပါန်တံဂှ် ဒပ်ကဝ်မယှေန်ပၞာန် ထပက်မံၚ်ကရောၚ်ပၞာန် ဂၠိုၚ်ကဵုဝါကီုလေဝ် ဒဵုကဵုအခိၚ်လၟုဟ် ကလေၚ်သီကေတ်ဒေသၜါဒၞာဲဏံ ဟွံမာန်ဏီပုဟ်။
စနူသၞာံ ၂၀၂၅ ဂိတုအံက်တဝ်ပါဂှ် ဒပ်ကဝ်မယှေန်ပၞာန်သီကေတ် ဍုၚ်လေဝ်ကေကဝ်သၠုၚ်ကျာဍုၚ်ဗြဝတဳတုဲ ဗက်ထပက်မံၚ်ကရောၚ်ပၞာန် ပွဳပွူဍုၚ်လေဝ်ကေကဝ်ဂှ် ပေါဲဗတိုက်ဒှ်လဝ်အကြာကွာန်မေန်လက်ပါန်ကဵု ကွာန်ဖလူတံတုဲ ညးဒေသတံဒးဂြိပ်ပါဲမံၚ်ပၞာန်ဖိုအ်ရ။
ညးဒေသလေဝ်ကေကဝ်ကီု ညးဒေသပွဳပွူ ကွာန်ကရပ်တံဏံကီု လၟိဟ်ညးဒဴပၞာန် နကဵုလ္ၚီတံဒးဂြိပ်ပါဲမံၚ်ဘဲပၞာန် ဒၞာဲဒေသဗၠးဘဲအိုတ်တုဲ သ္ၚိကၟိန်အိန်ထံၚ်ညးတံ ၁၀၀ ပြၚ်ၚ်ဂှ် ပြဟ်ဟ်ဏံ နွံမံၚ်ပၟိက်ကဵု သ္ၚုအရင်စပြဟ်ဟ်ဏံမာန် ညးဍုၚ်ကွာန်တံ ညံၚ်ဂွံဘိုၚ်ရီုဗၚ်ကဵုညိဂှ် ရဲကဵုအရီုဗၚ်ပၞာန်တံ ဗတိုက်ဖအောဝ်လဝ်ရ။
ပရိုၚ်-သြၚ်လောန်တိုၚ်မ်
Photo – Social Media