ရေဝ်၊ ဂျာန်နဝါရီ ၂၃
ပ္ဍဲတွဵုရးမန် ကောန်သ္ဂံၚ်ယိုက်ဝန်ပၞာန် နူကဵုတမ်ဒပ်ပွိုၚ်ဍုၚ်ရေဝ်တံ ကၠုၚ်ဖျေံမံၚ်လွဟ်ဆက်က်ရဂှ် ဂွံတီနူ လိက်လလောၚ်တြး ဒပ်ဒမၠုက်ရေဝ် YGF ရ။
တုဲကၠုၚ် စနူကဵုဂျာန်နဝါရဳ ၁၀ ဒဵုစိုပ်အကြာ ၂၀ ပွိုၚ် ၁၀ ဂှ် ကောန်သ္ဂံၚ်ယိုက်ဝန်ပၞာန် ၉ တၠတံ သီုကဵုလွဟ်မကမ်စုၚ်ၚ် ကၠုၚ်ဖျေံလဝ်လွဟ် ဇရေၚ်ဒပ်ဒမၠုက်ရေဝ် YGF ရ။
ကောန်သ္ဂံၚ်ယိုက်ဝန်ပၞာန် နူကဵုတမ်ဒပ် ခမရ ၅၈၈ ကွာန်တၟံကၞေၚ်ဂှ် ၃ တၠ၊ ကောန်သ္ဂံၚ်ယိုက်ဝန်ပၞာန် နူကဵုတမ်ဒပ် ခလရ ၂၉၉ ကွာန်ဒစိတ်တိုၚ်ဂှ် ၃ တၠ၊ ကောန်သ္ဂံၚ်ယိုက်ဝန်ပၞာန် နူကဵုတမ်ဒပ် ခမရ ၅၉၁ ကွာန်ဘာဂှ် ၃ တၠ ကၠုၚ်ဖျေံလဝ်လွဟ် မဒှ်ရ။
သီု ၉ တၠဏံဂှ် စှ်ေကၠုၚ်လဝ်ဘာသ္ဇိုၚ်ယိုက်ဝန်ပၞာန် လၟေၚ် ၁၆ နူကဵုဘာပၞာန်တန်ကဆံၚ်သၠုၚ်စၟတ်(၄) ကွာန်ဝါကလဳ ပွိုၚ်ဍုၚ်ဇြပ်ဗု ဂွံတီရ။
ကောန်သ္ဂံၚ်တံဏံ ဂွံလုပ်ယိုက်လဝ်ဝန်ပၞာန်ဂှ် ဟိုတ်နူဒးတံၚ်လဝ် ပဝ်တာ၊ ဒးပလံၚ်ဖျဴနၚ်လဝ် နူကဵုဍုၚ်သေံတုဲ ဒးဒုၚ်ပကောံဏာ ကောန်ပၞာန်တၟိတံ ပါဂၠိုၚ်အိုတ်ရ။
ပ္ဍဲဂျာန်နဝါရဳ ၁၈ တေံလေဝ် ကောန်သ္ဂံၚ်ယိုက်ဝန်ပၞာန် ၇ တၠ နူကဵုတမ်ဒပ် ခလရ ၅၃ ဍုၚ်ကျံက်ဂျဳ ရးဗဂေါ ကၠုၚ်ဖျေံလဝ်လွဟ်ရဂှ် ဗော်သွးကောန်ဂကူကရေၚ် KNU ဗဟဵု လလောၚ်တြးလဝ်ရ။
ပရိုၚ်-သြၚ်လောန်တိုၚ်မ်
Photo – ရေးပြောက်ကျားတပ် YGF