လှာဒကှ်၊ ဂျာန်နဝါရီ ၂၃
တွဵုရးကရေၚ် ပွိုၚ်ဍုၚ်လှာဒကှ် ပ္ဍဲကဵုကွာန်ကအ်ဒုန်မြင်ဂှ် ကောန်သ္ဂံၚ်ဒပ်ပၞာန်ဗမာတံ ပန်ဂစိုတ်လဝ်ညးဗြဴမွဲတၠ နကဵုလွဟ် မုလေဝ်ပရေၚ်ဟိုတ်ဖဵုဟၟဲလးလးရောၚ် ဂွံတီလဝ်နူတမ်ရိုဟ်ပရိုၚ် ညးဒေသတံရ။
ပ္ဍဲဂျာန်နဝါရဳ ၂၀ ၜိုတ်အခိၚ်သဝ်တ္ၚဲ ၆ နာဍဳ ညးဗြဴအယုက် ၄၁ အဃောခွာတ်မံၚ်ထၜိုတ် ပ္ဍဲကၠအ်ရာဗာဂှ် ကောန်ပၞာန်ဗမာတံစိုပ်ကၠုၚ်တုဲ ပန်စုတ်ဏာကြပ်ပ်ရ။
အတိုၚ်ရန်တၟံနွံနွံ ဒပ်ပၞာန်ကၠုၚ်ပန်ဂစိုတ်ဏာလဝ်ညးဗြဴဏံဂှ်တှ်ေ ဒှ်မံၚ်ကောန်သ္ဂံၚ်နူကဵုတမ်ဒပ် ခလရ ၂၈၄ ဍုၚ်လှာဒကှ်ရောၚ် ညးဒေသတံသ္ဂးရ။
ဟိုတ်နူဒပ်ပၞာန်ဗမာ ပန်ဂစိုတ်လဝ်ညးဍုၚ်ကွာန် မုလေဝ်ဒုဟ်ဒဏ်ဟၟဲမွဲတၠသာ်ဏံဂှ် လ္ပကဵုမံၚ်အခေါၚ် ဒပ်ပၞာန်ဂစိုတ်မၞိဟ်ဗဗွဲသၞောဝ်ညိ၊ လ္ပပါလုပ် ပေါဲရုဲမာဲအလီညိ တာလျိုၚ်နွံမံၚ် ပ္ဍဲဇၟာပ်ညးဍုၚ်ကွာန် ရောၚ် နူကဵုဒပ်ပၠန်ဂတး Phoenix – Special Warfare Force လလောၚ်တြးလဝ်ရ။
သွက်ဂွံဗတိုက်သရိုဟ်အာ ဒပ်ပၞာန်ဍဵုဍိုက်ပျဲပျာံ ဂစိုတ်မံၚ်မၞိဟ်ကြာန်ကြာန် လ္တူညးဍုၚ်ကွာန်ဒုဟ်ဒဏ်ဟၟဲတံဂှ် နကဵုစိုတ်ဆန္ဒမိက်ဂွံတိတ်ဗၠး နူကဵုပရေၚ်ဗဗွဲဓဝ်ဟၟဲတံဂှ် ညးဍုၚ်ကွာန်တံပံၚ်တောဲပါမွဲကရောံပၠန်ဂတးမှ ပလံၚ်ဗစိုပ်ကဵုဏာ ပရေၚ်ဗၠးၜးဍာံဍာံကေုာံ တိုၚ်ပကဴပရေၚ်ၜိုဟ်လလမ်ဇေတ်တ်မာန်ရောၚ် သ္ဂးရ။
ပ္ဍဲကဵုဂျာန်နဝါရဳ ၂၅ ဏံ ကဝ်မယှေန်ပၞာန် သွက်ဂွံကၠောန်အာပေါဲရုဲမာဲသ္ကုတ် ၃ ပ္ဍဲကဵုပွိုၚ်ဍုၚ်လှာဒကှ်နွံတုဲ ပတေၚ်လဝ်ပရေၚ်ဂီုကၠီုဂှ် ပ္ဍဲအကြာကွာန်ဒေသတံဏံထပက်ကရောၚ်ပၞာန်ကီု ပန်လွဟ်ဇၞော်ကီု ကၠောန်မံၚ်ရောၚ် ဂွံတီကေတ်ရ။
ပရိုၚ်-သြၚ်လောန်တိုၚ်မ်
Photo – Social Media