လံၚ်လုၚ်၊ ဂျာန်နဝါရဳ ၂၇
ရးတနၚ်သဳ ပ္ဍဲကဵုပွိုၚ်ဍုၚ်လံၚ်လုၚ် ဟိုတ်နူဒပ်ပၞာန်ဗမာ ပန်ခြော်လွဟ်ဇၞော်ကြာန်န်ဂှ်ရ ကောန်ၚာ်ၜါတၠဒးဝပ်ရဂှ် ညးဒေသကဵုဂကောံဇြဟတ်ပၠန်ဂတးတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
နူကၠာဟွံကၠောန်ပေါဲရုဲမာဲသ္ကုတ် ၃ မွဲတ္ၚဲ ပ္ဍဲဂျာန်နဝါရဳ ၂၄ ဂှ် ဒပ်ပၞာန်ဗမာဖျေံလဝ်ဒပ် ပ္ဍဲကဵုရုၚ်လဝက လ္တူဍုၚ်လံၚ်လုၚ် ပန်ခြော်လဝ်လွဟ်ဇၞော်ကြာန်န်တုဲ ဒတုံစှ်ေအာအကြာကွာန် ပွဳပွူဍုၚ်ရ။
မကမ်လွဟ်ဇၞော် ဒပ်ပၞာန်ဗမာပန်ဏာလဝ်မွဲမ ဖတုံစှ်ေအာအကြာသၠာတ်သ္ၚိမ္ၚးဍုၚ်မွဲဒၞာဲတုဲ ဖတိုဟ်အာလဝ်ရ။
ဟိုတ်နူမကမ်လွဟ်ဇၞော်ခတိုဟ်အာဂှ် ကောန်ၚာ် ၆ သၞာံကဵု ၉ သၞာံၜါတၠ အဃောဝေၚ်မံၚ်ပ္ဍဲအကြာသၠာတ်မ္ၚးသ္ၚိဂှ် ဒးအာကဝေက်မကမ်လွဟ်ဇၞော် ပ္ဍဲကဵုဇိုၚ်ကဵုတင်တဲရဂှ် ညးတြုံမွဲတၠ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ကောန်ၚာ် ဒးအာလဝ်ကဝေက်လွဟ်ဇၞော် ၜါတၠဏံ အာဝဳလဝ်ကဵုအစာဂဥုဲတံတုဲ အကာဲအရာဟွံဒးဂွိၚ်မံၚ်ကဵု လမျီု သ္ဂးရ။
ပ္ဍဲကဵုပွိုၚ်ဍုၚ်လံၚ်လုၚ် နူကၠာဲဟွံကၠောန်ပေါဲရုဲမာဲရ ဒပ်ကဝ်မယှေန်ပၞာန်ကၠုၚ်ဖျေံတြးစွံလဝ် ဇြဟတ်ဒပ်ပၞာန် ဗွဲမဂၠိုၚ်တုဲ အကာဲအရာပၞာန်ၜါလပါ် ကြံၚ်မ္ၚိုဟ်မံၚ်ဖိုအ် ဂွံတီရ။
ပရိုၚ်-သြၚ်လောန်တိုၚ်မ်
Photo – Social Media