သဓီု၊ ဂျာန်နဝါရဳ ၂၇
တွဵုရးမန် ကွာန်နွံမံၚ်ပ္ဍဲခရိုၚ်သဓီုတံဂှ် ဟိုတ်နူဒပ်ကဝ်မယှေန်ပၞာန် ဆက်ပန်မံၚ်ကဵုလွဟ်ဇၞော်တံနွံမံၚ်ဂှ်တုဲ ညးပါဲဒဴပၞာန်မွဲဠက်ပြၚ် ဟွံဂံၚ်ကလေၚ်စဴကွာန်ဏီရောၚ် ဂွံတီနူကဵု KNU ခရိုၚ်သဓီုရ။
ပ္ဍဲပွိုၚ်ဍုၚ်ကျာ်ထဝ်ကဵုၜဳကလေၚ် နွံမံၚ်ခရိုၚ်သဓီုဂှ်တှ်ေ စနူကဵုအခိၚ်ကၞောတ်သၞာံအာတေံကဵု ပယျာံတမ်သၞာံဏံရ ဒပ်ကဝ်မယှေန်ပၞာန် အကြာကွာန်ညးဍုၚ်ကွာန်တံနွံမံၚ်ဂှ် ပန်ဂြာတ်ဖျေံလဝ်လွဟ်ဇၞော်အရိုဟ်တ္ၚဲဆက်က်ရ။
ဟိုတ်နူ ဒပ်ကဝ်မယှေန်ပၞာန်တံ ပန်ဖျေံလဝ်လွဟ်ဇၞော်ဂှ်တှ်ေ ပ္ဍဲပွိုၚ်ဍုၚ်ကျာ်ထဝ်မ္ဂး နူကဵုကွာန်အခိုၚ်၊ ဝေန်ကာန်၊ ခရုဲကေုာံဂအုံကွာန် ကုန်ပျာန်တံကီု ပ္ဍဲပွိုၚ်ဍုၚ်ၜဳကလေၚ်မ္ဂး နူကဵုကွာန်အဠူကဵုဂအုံကွာန်ကဇြိုၚ်တံ ညးဒေသမွဲဠက်ပြၚ်ၚ် ဒးပါဲဒဴမံၚ်ဘဲပၞာန် မဒှ်ရ။
ဟိုတ်နူ ဘဲဒဏ်လွဟ်ဇၞော်ကဵုၜၚ်ကျာပၞာန်တံတုဲ ညးဍုၚ်ကွာန်ဒဴပၞာန်တံ ဟွံဂံၚ်စဴကွာန်ဏီပုဟ် ညးအုပ်ကာခရိုၚ်သဓီု ဗော်သွးကောန်ဂကူကရေၚ် KNU ပဒိုသဝ်ဧနိုၚ် ဟီုကဵုဌာန်ပရိုၚ်သြၚ်လောန်တိုၚ်မ်ရ။
နူကဵု KNU ခရိုၚ်သဓီု ကဵုမံၚ်အထံက်ပၚ်ပရေၚ်ဗ္စာရဏာမၞိဟ် လ္တူရဲဒဴပၞာန်တံဂှ်လေဝ် ဟွံဍိုက်ပေၚ်ကွေံကွေံတုဲ တင်နွံပၟိက်မံၚ်ပရေၚ်တၞဟ်ဟ်တံ သှ်ေမံၚ်ဏီရောၚ်သ္ဂးရ။
ပြဟ်ဟ်ဏံ ညးဍုၚ်ကွာန်ဒဴပၞာန်တံဗက်အောပ်မံၚ် အကြာကၠအ်သွဝ်ညးတၞဟ်၊ ဒၞာဲထီုဒဵုတၟံတံကေုာံ ဒၞာဲဗၠးဘဲဒၞာဲဗီုပြေပြံၚ်ဗီုဒှ်ကဵုဒှ် ဒးဆက်ပါဲအာမံၚ်ဘဲပၞာန်ဖိုအ်ရောၚ် ညးကဵုအရီုဗၚ်ဟံၚ်ပြာ်တံဟီုတုဲ ဂွံတီရ။
အတိုၚ်ဌာန်ပရိုၚ်သြၚ်လောန်တိုၚ် ပကောံဂွံလဝ်တင်နၚ်တံမ္ဂး စနူကဵုသၞာံအာဒဳဇြမ်ပါတေံ ပ္ဍဲကဵုဂိတုဂျာန်နဝါရဳဏံဂှ်တှ်ေ ပ္ဍဲကဵုခရိုၚ်သဓီု KNU ဂှ် ဟိုတ်နူဒပ်ကဝ်မယှေန်ပၞာန် ပန်ဗတိုက်လဝ်တုဲ ညးဍုၚ်ကွာန်ချိုတ်အာ ၅ တၠ ဒးလဝ်ဝပ်ဟွံအောန်နူကဵု ၆ တၠ နွံမံၚ်ရ။
ပရိုၚ်-သြၚ်လောန်တိုၚ်မ်
Photo – CJ