တနင်သဳ၊ ဖေဖဝ်ဝါရဳ ၆
ရးတနၚ်သဳ ပ္ဍဲကဵုပွိုၚ်ဍုၚ်တနၚ်သဳဂှ် ရဲဒဴပၞာန်ဗွဲမဂၠိုၚ် ဒှ်မံၚ်ယဲ ခၞော်စှော်တံရောၚ် ဂွံတီနူ ဂကောံကဵုမံၚ်အရီုဗၚ်ဒဴပၞာန် ဒဝ်န-တနၚ်သဳရ။
ယဲခၞော်စှော်တံဂှ် ပ္ဍဲကောန်ၚာ်သၟးဟွံက ပ္ဍဲအဝဲသၟတ်တံလေဝ် ကၠောံမံၚ်ကီုတုဲ မွဲကွာန်ကဵုမွဲကွာန် ယဲကၠောံခၞာန်ပြးဇးအာ မဒှ်ရ။
ယဲခၞော်စှော်တံ ပွိုၚ်မွဲသၞာံပြၚ်ၚ် က္တဵုဒှ်ကၠုၚ်မံၚ်ဂှ် ဒဵုကဵုအိုတ်ကၠေံ ဝဳကၠုၚ်ဟွံမာန်တုဲ ဆက်ကၠောံခၞာန်အာ ဒၞာဲကဵုဒေသတၞဟ်ဟ်တံ သ္ဂးရ။
ဟိုတ်နူပရေၚ်သ္အးဇ္ၚးကုဇကု ဍိုန်လျဂှ်ကီု၊ ဍာ်သုင်ကဵု စၞးစတံ ဟွံသ္အးဇ္ၚးကီု၊ ဂဥုဲချိုတ်တ်ပၠိုတ်တ် ဟၟဲတုဲ ယဲခၞော်စှော်တံဏံ ကၠောံခၞာန်မံၚ်ရဂှ် ကိုဒဝ်န နူကဵုဂကောံကဵုမံၚ်အရီုဗၚ်ဒဴပၞာန် ဒဝ်န-တနၚ်သဳ ဟီုရ။
ဟိုတ်နူဒပ်ကဝ်မယှေန်ပၞာန် မာတ်ဆိုအ်လဝ်ဒၞာဲအာကၠုၚ်ဂှ် စပ်ကဵု ယဲခၞော်စှော်တံဏံ ဂဥုဲဝါတ်ဂါတ်မံၚ်တုဲ စကာဂဥုဲ ချိုတ်တ်ပၠိုတ်တ်ဟွံမာန်၊ ဂဥုဲၜိုတ်ဂွံလဝ်ညိညရ ဂွံစကာကၠုၚ်လဝ် သ္ဂးရ။
ပ္ဍဲပွိုၚ်ဍုၚ်တနၚ်သဳဂှ် ဟိုတ်နူဒပ်ကဝ်မယှေန်ပၞာန် ထပက်ကရောၚ်ပၞာန်ဂှ် ပေါဲဗတိုက်အကြာၜါလပါ် ဒှ်လဝ်ဂှ်တှ်ေ ညးဒေသ ၂၀၀၀၀ ပြၚ် ထောံသ္ၚိဌာန် တိတ်နူကွာန်တုဲ ဒးဂြိပ်ပါဲဒဴ မံၚ်ပၞာန်ဖိုအ်ရောၚ် ဂွံတီနူကဵု ဂကောံသုတေသန FE5 Thanintharyi ရ။
ပရိုၚ်-သြၚ်လောန်တိုၚ်မ်
Photo – CJ