ပလဝ်၊ ဖေဖဝ်ဝါရဳ ၇
ရးတနၚ်သဳ ပွိုၚ်ဍုၚ်ပလဝ် ဍုၚ်ပလ ပ္ဍဲကဵုကွာန်မေၚ်ပျေၚ်ဂှ် ဟိုတ်နူဒပ်ကဝ်မယှေန်ပၞာန် ကြဳဖျေံဗုမ်ဒရုၚ် ဗတိုက်လဝ်တုဲ ညးတြုံကတောဝ်ဍာၚ် ကာယဍိုန်လျမွဲတၠ ဒးဗုမ်ချိုတ်အာနွံ ဂကောံဇြဟတ်ပၠန်ဂတးတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲဖေဖဝ်ဝါရဳ ၆ အခိၚ်နူဂယး ညးဒဴပၞာန်အယုက်ၜိုတ် ၅၀ သၞာံ ကတောဝ်ဍာၚ်မံၚ် ရဲဒဴပၞာန်နူ ကွာန်မေၚ်ပျေၚ်မွဲတၠ အခိၚ်ကလေၚ်စဴ တောမ်ပုၚ် စဴကၠုၚ်သ္ၚိ နွံမံၚ်ကရပ်ဘာလကျာ်ဂှ် ဒးအာမကမ်ဗုမ်ဒရုၚ် ဒပ်ပၞာန်ဗမာရ။
ဟိုတ်နူဒးအာမကမ်ဗုမ်ဒရုၚ် ဒပ်ပၞာန်ဗမာဂှ်ရ ညးတြုံကတောဝ်ဍာၚ် ကာယဍိုန်လျမံၚ်ဏံ ဇိုၚ်ကီုတဲကီု ပိုတ်အာဒးလဝ်ဘဲဝပ် ဇၞော်ကဵုဇြဟတ်တုဲ ချိုတ်အာဟဂှ် မဒှ်ရ။
ပြဟ်ဟ်ဏံလေဝ် ပ္ဍဲကဵုကွာန် မေၚ်ပျေၚ်၊ ဍုၚ်ညးဗြဴကေုာံ သၞေဟ်ဇြပ်တံဂှ်လေဝ် ဒပ်ပၞာန်ဗမာရန်တၟံနွံနွံ ကြဳဖျေံမကမ်ဗုမ် နကဵုဒရုၚ်ဗတိုက်မံၚ်ဂှ် ညးဒေသသှ်ေမံၚ်တံသီုဖအိုတ် ဒးဂြိပ်ပါဲအာအိုတ်ရ။
စနူကဵုဂိတုဂျာန်နဝါရဳ သတ္တဟလက်ကရဴအိုတ်ဂှ် ပ္ဍဲဍုၚ်ပလဝ် နွံကရပ်ဍုၚ်ပလဂှ် အကြာဒပ်ပၞာန်ဗမာကဵု ဒပ်ပၠန်ဂတးတံၜါလပါ် ပရေၚ်ပၞာန်ကြံၚ်မ္ၚိုဟ်မံၚ်တုဲ ဒပ်ပၞာန်ဗမာတံ ဗက်စံၚ်ပလီုထောံကွာန်အဆက်က်ရဂှ် ဂွံတီရ။
ပရိုၚ်-သြၚ်လောန်တိုၚ်မ်
Photo – Social Media