ၜၚ်ကံက်၊ ဖေဖဝ်ဝါရဳ ၇
ပ္ဍဲဖေဖဝ်ဝါရဳ ၈ တ္ၚဲကၠောန်ပေါဲရုဲမာဲဂှ် ပလောအ်မဂၞန်ပါ ညးကၠုၚ်ကဵုမာဲတံ ညံၚ်ဟွံဂွံလတက်လဝ် ညးတာလျိုၚ်သေံတံ ဗတိုက်ဖအောဝ်လဝ်ရ။
ယဝ်ရလတက်လဝ်ပလောအ်မဂၞန်တုဲ ကၠုၚ်ကဵုမာဲမ္ဂး ညံၚ်ဂွံထံက်ကဵုဂလာန် ညးစၞးမွဲမွဲ ညံၚ်ကဵုဗတိုက်ဖအောဝ်မံၚ်ညးတၞဟ် ဂွိၚ်ဖေက်ဒှ်တုဲ ဒးကဵုကသပ်ဗီုဏံရောၚ် ညးကေတ်လဝ်တာလျိုၚ် ကောပ်ကာဲပေါဲရုဲမာဲ ၜၚ်ကံက် သာန်ဖန် သာအာန်ခါန်လာတ် ဟီုလဝ်ပ္ဍဲဖေဖဝ်ဝါရဳ ၅ ရ။
ယဝ်ရ လတက်နၚ်ပလောအ်မဂၞန်မ္ဂး ညံၚ်ရဴစန်ဒက်ဂွံကဵုမာဲကု အလံၚ်ညးစၞး မဂၞန်တုပ်ဂှ်ရောၚ် ညးဟီုရ။
ယဝ်ရ အလံၚ်ညးစၞး ဟွံသေၚ်မ္ဂး ညးတာလျိုၚ်ညးတံမွဲမွဲတၠ တေၚ်စိုပ်ကၠုၚ်မ္ဂး ဒးသောၚ်ကလးကဵုမာန်ရောၚ် ညးဟီုရ။
ပ္ဍဲတ္ၚဲပေါဲရုဲမာဲ ပြဿနာဆက်စပ်ကၠုၚ်လက်ကြဴမာန် ဟွံချပ်ဒးမွဲသာ် ရဲကၠုၚ်စုတ်မာဲတံ လတက်နၚ်ပလောအ်ဗဝ် ညးတံဒးစိုပ်ဂှ် ညးတာလျိုၚ်ပေါဲရုဲမာဲတံ ဂွိၚ်မံၚ်အိုတ်ရ။
လတက်လဝ် ပလောအ်ဝေၚ်ဇြဟတ်မဂၞန်ပါတုဲ ယဝ်ရကၠုၚ်စုတ်မာဲမ္ဂး စန်ဒက်မံၚ် သွက်ကဵုမာဲအလံၚ်အမာတ်မွဲမွဲတၠဂှ် ညာတ်ရောၚ် ညးတာလျိုၚ်ပေါဲရုဲမာဲသေံတံ ဟီုရ။
စပ်ကဵုအရံၚ်ပလောအ်တုဲ ပြဿနာဟၟဲကွေံကွေံပုဟ် ညးတာလျိုၚ် ကောပ်ကာဲပေါဲရုဲမာဲ ၜၚ်ကံက် သာန်ဖန် သာအာန်ခါန်လာတ် ဟီုရ။
ပေါဲရုဲမာဲဗော်ဇဳကေုာံ ဒုၚ်ကေတ်ဆန္ဒပလေဝ်သ္ဇိုၚ်သၞောဝ်ဥပဒေသေံဂှ် ကၠောန်အာပ္ဍဲဖေဖဝ်ဝါရဳ ၈ ရောၚ်။
အခိၚ်ကြပ်ကဵုပေါဲရုဲမာဲဏံ ဝါဒကောန်ဂကူတံ က္ဍိုပ်ယာတိုန်တုဲ ပြဿနာက္ဍုဟ်ကောန်ဍုၚ်သ္အာၚ်တံ ဒှ်မံၚ်ရောၚ်။
Ref:Bangkokpost