ကျာ်ထဝ်၊ ဖေဖဝ်ဝါရဳ ၁၁
တွဵုရးမန် ပ္ဍဲကဵုပွိုၚ်ဍုၚ်ကျာ်ထဝ် ပေါဲဗတိုက် အကြာၜါလပါ်ဒှ်လဝ်ဂှ် ကောန်သ္ဂံၚ် PDF ပိတၠ ပြဟ်လလုဲအာလဝ် ဂွံတီနူကဵု ဂကောံဇြဟတ်ပၠန်ဂတးတံရ။
စနူကဵုဖေဖဝ်ဝါရဳ ၈ ဂှ် နူကဵုဒပ်ကဝ်မယှေန်ပၞာန် ဇြဟတ်ပၞာန်ၜိုတ် ၅၀၀ ထပက်ကၠုၚ်လဝ်ကရောံပၞာန် မဒှ်ရ။
ဟိုတ်နူကဵု ကရောၚ်ပၞာန်ဒပ်ကဝ်မယှေန်ပၞာန် ထပက်ကၠုၚ်ဂှ်ရ ပ္ဍဲကဵုကွာန်မုက္ခမအ်ကဵု ကွာန်ခရုဲ အကြာဒပ်ၜါလပါ် ပေါဲဗတိုက် ဒှ်လဝ် ပ္ဍဲဖေဖဝ်ဝါရဳ ၉ ဗွဲမသ္ကာတ်မြဟ်ကွေံရ။
ကောန်သ္ဂံၚ် နူကဵုဒပ်ပၞာန်စဵုဒၞာညးဍုၚ်ကွာန် PDF ပိတၠတံ ပြဟ်လလုဲ အာတုဲ ကောန်သ္ဂံၚ်လ္ၚဵုလေဝ် ဒးအာဘဲဝပ်နွံမံၚ် ဂွံတီနူကဵု ရိုဟ်ကၞက် ပရိုၚ်ဗလးတိတံရ။
ဒဵုကဵုဖေဖဝ်ဝါရဳ ၁၀ အခိၚ်နူဂယးဂှ် ကရောၚ်ပၞာန် ဒပ်ကဝ်မယှေန်ပၞာန် ဆက်နွံမံၚ်ပ္ဍဲကဵုကွာန်ပလိုၚ်တၟံ ပွိုၚ်ဍုၚ်ကျာ်ထဝ်ဏီတုဲ အကြာဒပ်ၜါလပါ်ဂှ် အကာဲအရာပၞာန် ဆက်ကြံၚ်မ္ၚိုဟ်မံၚ် မဒှ်ရ။
ဟိုတ်နူပေါဲဗတိုက်ကျာ်ထဝ်ဂှ် ညးဒေသနူကဵု ၁၀ ကွာန်ပြၚ် မၞိဟ် ၅၀၀၀ ပြၚ်တံ ထောံသ္ၚိဌာန်တုဲ ဒးဂြိပ်ပါဲဒဴမံၚ်ဖိုအ်ရောၚ် ဂွံတီနူကဵု ညးဒေသတံရ။
ပရိုၚ်-သြၚ်လောန်တိုၚ်မ်
Photo – PDF