မနဳလာ၊ ဖေဖဝ်ဝါရဳ ၁၄
ညံၚ်ဂွံဗလးကဵု ကောန်ထံၚ်ပရေၚ်ဍုၚ်ကွာန်သီုဖအိုတ်ဂှ် ဥက္ကဌအာသဳယာန် နူဍုၚ်ဖိလေတ်ပိုၚ် အာတ်မိက်လဝ် ပ္ဍဲကဵုတ္ၚဲကၟိန်ဍုၚ်ဖေဖဝ်ဝါရဳ ၁၂ ရ။
ပ္ဍဲကဵုဖေဖဝ်ဝါရဳ ၁၂ ဌာနဝန်ဇၞော်ဍုၚ်သ္အာၚ်ဖိလေတ်ပိုၚ်လလောၚ်တြးဂှ် ဒပ်ပၞာန်ဗမာညံၚ်ဂွံကၠောန်အာ ပရေၚ်သဳကၠဳ သီုညးဖအိုတ်တံပါလုပ်အာ ဗတိုက်ဖအောဝ်လဝ်ရ။
သၞာံ ၂၀၂၁ ဗွဲကြဴ သ္ကိုပ်ပၞာန်တံ ဗလးကဵုလဝ် ကောန်ထံၚ်ပရေၚ်ဍုၚ်ကွာန်တံတုဲ လၟုဟ်ပၠန်ထပ်ဗလးကဵုပၠန် မင်စၟဳမံၚ်ရောၚ် ပ္ဍဲကဵုလိက်လလောၚ်တြး ချူလဝ်ရ။
အတိုၚ်တင်တုပ်စိုတ် ဘုံ ၅ တင် ညံၚ်ဂွံကၠောန်အာပေါဲသဳကၠဳပရေၚ်ဍုၚ်ကွာန် အလုံဍုၚ်မွဲရောၚ် ဖိလေတ်ပိုၚ် ဟီုလဝ်ရ။
အတိုၚ်တင်တုပ်စိုတ်ပေၚ်လုၚ်တေံ ညံၚ်ဂွံထမံက်အာရုပ်ရဴ က္ဍိုပ်သ္ကိုပ်ဂကောံကောန်ဍုၚ်အရၚ်ရပ်လွဟ်လ္ၚဵုတံ ဗတိုက်ဖအောဝ်မံၚ်ရ။
သီလဝ်အဝဵု သၞာံ ၂၀၂၁ တေံတုဲ ရဲချဳဒရာၚ်ပရေၚ်ဍုၚ်ကွာန် ၃၀၄၄၈ တၠ ဒးဒုၚ်ရပ်ထိၚ်လဝ်တုဲ ၁၂၉ တၠတံဂှ် ဖျေံလဝ်ဒဏ်အမိၚ်ဂစိုတ်ရောၚ် ဂကောံရီုဗၚ်ကောန်ထံၚ်တံ ဟီုရ။
အခိၚ်ဍုၚ်ဗမာ ညံၚ်ဂွံကလေၚ်ညဳသာရေၚ်သ္ကံအခိၚ်စိုပ်မံၚ်တုဲ ပရေၚ်သဳကၠဳသီုညးဖအိုတ်တံ ဒးကၠောန်ဂှ် စိုပ်မံၚ်အခိၚ်ယျ ဥက္ကဌအာသဳယာန် ဖိလေတ်ပိုင် ဟီုလဝ်မဒှ်ရ။
Ref:DVB