မတ်မလီု၊ ဖေဖဝ်ဝါရဳ ၁၄
အလုံဍုၚ်မွဲ ပ္ဍဲကဵုဂျာန်နဝါရဳမွဲဂိတုဂှ် ဟိုတ်နူပၞာန်ကျာဒပ်ကဝ်မယှေန်ပၞာန်ဗတိုက်ဂှ်ရ ကောန်ကွာန် ၁၂၇ တၠ ချိုတ်အာလဝ်နွံရောၚ် နူကဵုဂကောံလ္ၚတ်ပရေၚ်ပၞာန်ကဵု ပရေၚ်ဂီုကၠီုဍုၚ်ဗမာ လလောၚ်တြးလဝ်ရ။
ပ္ဍဲဂျာန်နဝါရဳပွိုၚ်မွဲဂိတုဂှ် ကဝ်မယှေန်ပၞာန် စွံပွန်ကဵု ကောန်ညးဍုၚ်ကွာန်တံတုဲ အလုံမွဲဍုၚ်ဂှ်နကဵုၜၚ်ကျာပၞာန် ဂျက်ဖိုက်တာဗတိုက်လဝ် ဟွံအောန်နူကဵု ၁၀၉ ဝါနွံမံၚ်ရောၚ် သ္ဂးရ။
ပရေၚ်ကဝ်မယှေန်ပၞာန် ဗတိုက်လဝ်ကဵုၜၚ်ကျာတံဂှ် စွံပွန်ကဵုကွာန်ညးဍုၚ်ကွာန်တန်တဴမံၚ်စံၚ်မံၚ်တံကီု၊ ဘာဗတောန်လိက်၊ ရုၚ်ဂဥုဲ ဌာန်ဝဳယဲ၊ ဘာလကျာ်ကဵု ဗ္ဒိုပ်ဒဴပၞာန်တံတုဲ ဗတိုက်လဝ်ရောၚ် သ္ဂးရ။
ဗွဲတၟေၚ် ပ္ဍဲကဵုရးသဂိုၚ် ၜၚ်ကျာပၞာန်ဗတိုက်လဝ် ၅၂ ဝါ ဒှ်အလန်ဂၠိုၚ်အိုတ်တုဲ ပ္ဍဲရးမဂွေ ၂၉ ဝါ ဒှ်အလန် ဂၠိုၚ်အိုတ်ဒုတိယရောၚ် ချူလဝ်ရ။
ပၞောဝ်အာကဵုပေါဲဗတိုက်ပၞာန်ကျာ ဂိတုဂျာန်နဝါရဳမ္ဂး ၜိုတ်ကဝက်ဂှ် ဒှ်လဝ်ပ္ဍဲရးသဂိုၚ်တုဲ ကောန်ညးဍုၚ်ကွာန်တံချိုတ်ကဵု ဒးဝပ် ဒှ်လဝ်ဂၠိုၚ်အိုတ် မဒှ်ရ။
ယဝ်ရတော်အာကဵု ဂိတုဒဳဇြမ်ပါတေံမ္ဂး လၟိဟ်အလန်ယအ်စှ်ေအာကီုလေဝ် စွံပွန်ပတဝ်လဝ်ကဵု ကောန်ညးဍုၚ်ကွာန်တံတုဲ အကာဲအရာဗတိုက်လဝ်တံဂှ် ဆက်သၠုၚ်တိုန်မံၚ်ဖိုအ်ရောၚ် နူကဵုဂကောံလ္ၚတ်ပရေၚ်ပၞာန်ကဵု ပရေၚ်ဂီုကၠီုဍုၚ်ဗမာ လလောၚ်တြးကဵုလဝ် သမ္တီရ။
ပရိုၚ်-သြၚ်လောန်တိုၚ်မ်