ဗေတ်တိုဝ်ရဳယာ၊ ဖေဖဝ်ဝါရဳ (၁၂)
ပ္ဍဲဍုၚ်ကနေတာ ဒေသပလိုတ် ဘာတန်သၠုၚ်မွဲ ဒှ်ပရေၚ်ပန်လွဟ် ဖေဖဝ်ဝါရဳ ၁၀ ဂှ် သီုကဵုညးပန်လွဟ် မၞိဟ် ၁၀ တၠချိုတ်အာလဝ်ရ။
ပ္ဍဲကဵုအမေရိကာန်ရ ဟိုတ်ပရူပရာ ပန်လွဟ်မၞိဟ်ကောံချိုတ်လဝ်ဗီုဏံလေပ်တုဲ လၟဟ်ညးတၠတဲပန်လွဟ်ဂှ် ဒှ်မံၚ်ညးဗြဴမွဲရောၚ် ဒပ်ဗၠာဲသၟိၚ်ကနေတာ ဟီုရ။
ပ္ဍဲဘာတန်သၠုၚ် ဍုၚ်တာန်ဗလာရုက်ချ် တွဵုရးကိုလာန်ဗဳယာ ဗြိတိင်ဂှ် ညးဗြဴချိုတ်လဝ် ၆ တၠ ဂွံဆဵုတုဲ ပ္ဍဲသ္ၚိဆက်စပ်မံၚ်ကဵုပရေၚ်ဏံဂှ် ဂွံဆဵုညးဗြဴ ၂ တၠ ချိုတ်လဝ်ပၠန်ရ။
အခိၚ်အာပလံၚ်မံၚ်ရုၚ်ဂဥုဲဂှ် ညးဗြဴမွဲတၠ ချိုတ်အာပၠန် ဒပ်ဗၠာဲသၟိၚ်ကနေတာ ဟီုရ။
မၞိဟ်ဒးလဝ်ဝပ် ၂၅ ပတိုန်လဝ်ရုင်ဂဥုဲတံဂှ် ဝဳမံၚ်ဟွံဒးဂွိၚ်ကဵုလမျီုကီုလေဝ် အောန်အိုတ်ၜါတၠဂှ်တှ်ေ ဒးဂွိၚ်မံၚ်ကဵုအန္တရာဲဘဲလမျီုတံရောၚ်။
သၟာလွဟ်တၠတဲညးဗြဴဒးဒှ်သံသယဂှ် ဇကုညးတေံဗီုညံၚ်ဂွံဒှ်အန္တရာဲဂှ် ကၠောန်တုဲချိုတ်အာလဝ် နကဵုဒဏ်ဘဲဝပ်ရောၚ် ဒပ်ဗၠာဲသၟိၚ်ကနေတာ ဟီုရ။
မၞိဟ်သွက်ဂွံထပ်ဒှ်သံသယလေဝ် ဟၟဲရတုဲ ညးဍုၚ်ကွာန်တံ သွက်ဂွံဒးဂွိၚ် အန္တရာဲလေဝ်ဟၟဲရ ဒပ်ဗၠာဲသၟိၚ် လလောၚ်တြးလဝ်ရ။
ပရောဒဒှ်ဗီုဗီုဏံ ကြပ်ဟွံဂံၚ်ပတှ်ေ။ ပ္ဍဲကဵုပိုဲ ပရောဗီုဗီုဏံ ကေင်ဒှ်လဝ်ဟၟဲပုဟ် ညးဒေသကိုလာန်ဗဳယာဗြိတိၚ် ဒေဝ်ဗေတ်အဳဗေ ဟီုကဵုအစာပရိုၚ်တံရ။
ပ္ဍဲပလိုတ်အမေရိကတံမ္ဂး ညးတြုံတံရ ကေၚ်ပန်ဗတိုက်ဗီုဏံလေပ်တုဲ တၠတဲဏံဂှ် ဒှ်မံၚ်ညးဗြဴမွဲတၠရောၚ် ပါဲနူဏံတုဲ ညးတာလျိုၚ်အလဵုအသဳတံ မုလေဝ်ဟွံဆက်ဟီုပတိတ်လဝ်ပုဟ်။
ဍုၚ်တာန်ဗလာရုက်ချ် နွံမံၚ်ဇိုၚ်ဒဵုရံက်ကဳဂှ် လၟိဟ်မၞိဟ် ၜိုတ် ၂၄၀၀ ရနွံ ဒှ်မံၚ်ဍုၚ်ဍောတ်တ်မွဲ မဒှ်ရ။
ပ္ဍဲဘာတန်သၠုၚ် ဒှ်ပန်လဝ်ဏံဂှ် ဘာဗတောန်လိက် စနူ ၇ တန် ကွးဘာ နူအာယုက် ၁၂ ဒဵုအယုက် ၁၈ သၞာံတံ မဒှ်ရ။
ပရောဒဒှ်လၟုဟ်ဂှ် ပ္ဍဲကဵုဝင်ဍုၚ်ကနေတာ ဒှ်လဝ်ပရေၚ်ပန်ဂစိုတ်မ္ဂး ဒှ်လဝ် မၞိဟ်ချိုတ်ဂၠိုၚ်အိုတ်မွဲရောၚ်။
Ref:Reuters