မတ်မလီု ၊ ဖေဖဝ်ဝါရဳ ၁၆
ပ္ဍဲကဵု ဒက်ပတန်ဂကောံအလဵုအသဳတွဵုရးမန်မ္ဂး ဒၞာဲဝန်ဇၞော် ပရေၚ်ဂီုကၠီုပယျဵု အပြံၚ်အလှာဲနွံမာန်ရောၚ် နူကဵုတမ်ရိုဟ်ကၞက်ပရိုၚ် ဌာန်ဂအုပ်ပၞာန်ရးအဂၞဲ ဍုၚ်မတ်မလီု ဟီုကဵုဌာန်ပရိုၚ်သြၚ်လောန်တိုၚ်မ်ရ။
သွက်စၠတ်ဓဝ် တွဵုရးမန်ဂှ် နူကဵုက္ဍိုပ်သ္ကိုပ်ပၞာန်သီအဝဵု ဂဥုပ်သ္ကိုပ်ပၞာန်ဇၞော် မေန်အံၚ်လှိုၚ် ပလံၚ်လဝ်ယၟုအမာတ် ဒပ်ပၞာန် ၈ တၠ ပ္ဍဲကဵုဖေဖဝ်ဝါရဳ ၁၁ တေံရ။
ပ္ဍဲကဵုအမာတ်ဒပ်ပၞာန် ၈ တၠတံမ္ဂး ဒုသ္ကိုပ်ပၞာန် အံၚ်ဝေန်တာန်၊ ဝန်ဇၞော်ဂီုကၠီုပယျဵု တွဵုရးမန်လၟုဟ် သ္ကိုပ်ဗိုလ်ဇၞော် ကျဝ်သွာမျေအ်၊ သ္ကိုပ်ဗိုလ်ဇၞော် မံၚ်ၚ်လာတ်၊ သ္ကိုပ်ဗိုလ် ညဳဗိုလ်လ်သိုဝ်၊ သ္ကိုပ်ဗိုလ် ဒဝ်ၚုဝါကျဳ၊ သ္ကိုပ်ဗိုလ် ဒဝ်တိတ်တ်သိုဝ်၊ ဗိုလ်ဇၞော် ဒဝ်မျေအ်အ်နွယ်၊ ဗိုလ်ဇၞော် ဒဝ်တူသာတံ မဒှ်ရ။
ပ္ဍဲကဵုဂကောံအလဵုအသဳ တွဵုရးမန်တၟိဏံမ္ဂး စၞးဝန်ဇၞော်ဂီုကၠီု ပယျဵု တွဵုရးမန်လၟုဟ် သ္ကိုပ်ဗိုလ်ဇၞော် ကျဝ်သွာမျေအ်ဂှ် ထပက်အဇာခါန်ကၞက်အာ သ္ကိုပ်ဗိုလ်ဇၞော် မံၚ်ၚ်လာတ်ရောၚ် တမ်ရိုက်ကၞက်ပရိုၚ် ဌာန်ဂအုပ်ပၞာန်ရးအဂၞဲ ဍုၚ်မတ်မလီုတံ ဟီုသ္ပလဝ်ဒတန်ရ။
သ္ကိုပ်ဗိုလ်ဇၞော် ကျဝ်သွာမျေအ်ဂှ် ဒှ်သ္ကိုပ်ဗိုလ်ဇၞော်ဝှ်ကြံၚ် ပရေၚ်ဆဵုဂဗနွံမံၚ်ကဵုပရေၚ်လဝေၚ်ပၞာန် တွဵုရးမန်ကဵုတွဵုရးကရေၚ်တံဂှ်အဓိက ညးဗဂေတ်လဝ်စက်မွဲရောၚ် သ္ဂးရ။
သ္ကိုပ်ဗိုလ်ဇၞော် မံၚ်ၚ်လာတ်ဂှ် လၟေၚ်ဂၞန်ပၞာန်တိုက် ၂၄၉၂၃၊ သ္ကိုပ်ဗိုလ်ဇၞော် ကျဝ်သွာမျေအ်ဂှ် လၟေၚ်ဂၞန်ပၞာန်တိုက် ၂၆၈၂၉ မဒှ်တုဲ သ္ကိုပ်ဗိုလ်ဇၞော် မံၚ်ၚ်လာတ်ဂှ် ဝှ်ပဵုကြံၚ်မံၚ် မဒှ်ရ။
နူကၠာအခိၚ်ဟွံဂွံသီအဝဵုဏီဂှ် နဒဒှ်ညးအခေါၚ်ဟီုဂးနွံ ဌာန်ဂအုပ်ပၞာန်ရးအဂၞဲ သ္ကိုပ်ဗိုလ်ဇၞော် မံၚ်ၚ်လာတ် ကေၚ်ယိုက်ဂၠေၚ်လဝ်တာလျိုၚ်ရောၚ် တမ်ရိုဟ်ကၞက်ပရိုၚ်ပၞာန်တံ ဟီုရ။
ပရိုၚ်-သြၚ်လောန်တိုၚ်မ်
Photo – MOI