ထဝါဲ၊ ဖေဖဝ်ဝါရဳ ၁၇
ရးတနၚ်သဳ လ္တူဍုၚ်ထဝါဲ ပ္ဍဲအကြာတ္ၚဲတံဏံ သွက်ယိုက်ဝန်ပၞာန်ဂှ် ဆက်တံၚ်မံၚ်ပဝ်တာ သၟတ်တံဖိုအ်ရောၚ် ညဒေသတံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
စနူကဵုဖေဖဝ်ဝါရဳ ၁၁ ဂှ်တုဲ ပ္ဍဲအကြာအရာပ် လ္တူဍုၚ်ထဝါဲဂှ် ထ္ၜးဟိုတ် စၟဳစၟတ်ပရေၚ်တေင်ကၟုဲဂးတုဲ ဒပ်ပၞာန်ဗမာတံ တိုန်ကေတ်သ္ၚိ တံၚ်ရပ်ကော်ဏာပဝ်တာ သၟတ်တံရ။
စနူဖေဖဝ်ဝါရဳ ၁၁ ကဵုအကြာ ၁၃ ပွိုၚ် ၃ တ္ၚဲဂှ် နူအကြာအရာပ်တံကီု အကြာသၞေဟ်ဂိက်ကွဳစက်တံကီု သၟတ် ၃၂ တၠဂှ် ဒပ်ပၞာန်ဗမာ ရပ်ဏာပဝ်တာ မဒှ်ရ။
အတိုၚ်ညးဒေသတံဟီုမ္ဂး ကၠာတေံဂှ် အခိၚ်ဗ္တံရ ဒပ်ပၞာန်ဗမာတံ ဗက်တံၚ်ပဝ်တာကီုလေဝ် လၟုဟ်ဂှ် သီုတ္ၚဲသီုဗ္တံ ဗက်ဂၠာဲရပ်မံၚ် ပဝ်တာကဵု သၟတ်တံဆက်က်ရ။
ရပ်ဂွံလဝ်သၟတ်တံဂှ်တုဲ အာပလံၚ်စွံလဝ် ပ္ဍဲကဵုဒပ်ခမရ ၄၀၁ ဍုၚ်ထဝါဲကီုလေဝ် မိမကောဒေံညးမွဲမှ အခေါၚ်ဆဵုဟွဲမွဲ၊ နုက်ပတိတ်ကဵုသြန်လေဝ်ဟွံဂွံပုဟ် သ္ဂးရ။
သွက်ဘာတန်ဗတောန် ယိုက်ဝန်ပၞာန် လၟေၚ် ၂၂ ဂွံပံက်အာဂှ် ဗက်ရပ်ကေတ်မံၚ်သၟတ် နူလ္တူဍုၚ်ထဝါဲတံကီု အကြာသၞေဟ်ကင်ဂိတ် လုပ်တိတ်ဍုၚ်တံကီု ရပ်သၟတ်တံတုဲ ပကောံကေတ်မံၚ် ကောန်ပၞာန်တၟိရောၚ် ဂွံတီလဝ်နူညးဒေသတံရ။
ပရိုၚ်-သြၚ်လောန်တိုၚ်မ်
Photo – Social Media