ဘာအၚ်၊ ဖေဖဝ်ဝါရဳ ၁၇
တွဵုရးကရေၚ် ပ္ဍဲပွိုၚ်ဍုၚ်လိုင်ဗၠဲကဵု ပွိုၚ်ဍုၚ်ဘာအၚ်တံဂှ် နူကဵုဒပ်ပၞာန်ဗမာ သၠုၚ်အသိၚ်တုဲ ဗက်ဂၠာဲရပ်သီကေတ်မံၚ် ကပေါတ်ဗၞိက် လုပ်ကၠုၚ်နူဍုၚ်သေံတံရဂှ် ညးဒေသတံ ဟီုကဵု ဌာန်ပရိုၚ် သြၚ်လောန်တိုၚ်မ်ရ။
နူကဵုဂၠံၚ်ပယျဵု ပွိုၚ်ဍုၚ်ဗြဝတဳတေံ ကွဳစက်ဖ္ဍိုက်လဝ် ကပေါတ်ဗၞိက်သေံတံ လုပ်ကၠုၚ်လ္တူဂၠံၚ်ကွဳစက် ပွိုၚ်ဍုၚ်လိုင်ဗၠဲကဵု ပွိုၚ်ဍုၚ်ဘာအၚ်တံမ္ဂး ဒပ်ပၞာန်ဗမာတံကဵု ကောန်ရဲဍေံတံ အာတ်ကေတ်သြန်ကီု ဗက်ရပ်မံၚ်ကီု ကၠောန်စမံၚ်ဖအိုတ်ရောၚ် ညးဒေသတံဟီုရ။
တုဲပၠန် ဒပ်ပၞာန်ဗမာထိၚ်ချုက်ဂွံလဝ် အကြာသ္ကုတ်ဂၠံၚ် ဘာအၚ်၊ လိုၚ်ဗၠဲ၊ ကံကြိက် ပွိုၚ်ဍုၚ်ဗြတဳတံဂှ် ရပ်မံၚ်ကပေါတ်သေံတံဟွံက ကၠေင်စက်၊ သ္ၚုတံဂှ်လေဝ် ကၟာတ်ထောံအခေါၚ် ဟွံကဵုဖ္ဍိုက်ကဵု ကွဳစက်တံနွံ ဂွံတီရ။
ကွဳစက်လိုင်သေၚ်ဟၟဲ ဖ္ဍိုက်နင်ကပေါတ်သေံ ကၠုၚ်နူပယျဵုဂှ် သီကေတ်ရောၚ်ဟီုတုဲ ဒပ်ပၞာန်ဗမာအာတ်သြန် ကွဳစက်မွဲမ အောန်အိုတ် ၁၀ ကိုတ်ဂှ် ဒးနုက်ကေတ်လဝ်နွံရဂှ် တၠကွဳစက်မွဲဟီုရ။
ဒပ်မၚ်ပယျဵုကရေၚ် BGF၊ ကံၚ်သဳၜိုဟ်လလမ်ကရေၚ် PC တံ ဟွံသီကပေါတ်သေံကီုလေဝ် လ္တူကွဳစက်ကပေါတ်တံဂှ် ကေတ်အကံက်အကြာဂၠံၚ် ဂၠိုၚ်မံၚ်ကွေံကွေံရောၚ် ဂွံတီရ။
ဟိုတ်နူဒပ် BGF – PC တံ ပြံၚ်လှာဲလဝ်ယၟု ဒပ်ပၞာန် KNA ဂကောံရပ်လွဟ်ဗွဲမဂၠိုၚ်တံ ပံက်ဂိက်ဂၠိုၚ် ကံက်မံၚ်အကံက်ဂၠိုၚ်၊ ပရေၚ်ကူသာန်ဗၞိက်ပယျဵုသေံဂှ်လေဝ် စရိတ်အိုတ်မံၚ် အကြာဂၠံၚ် ဂၠိုၚ်လောန်တုဲ တော်စဟွံကိတ်ရပုဟ် ဟီုဂးမံၚ်အိုတ်ရ။
ကပေါတ်နူပယျဵုသေံ ဟွံလုပ်သၞောဝ်တံကီု ကွဳစက်ကၠုၚ်နူသေံ လိုင်သေၚ်ဟၟဲတံကီု သၠုၚ်အသိၚ်တုဲ ညံၚ်ဂွံရပ်ကေတ်ညိဂှ် က္ဍိုပ်သ္ကိုပ် ကဝ်မယှေန်ပၞာန်ကဆံၚ်လ္တူတေံ ကဵုလဝ်အမိၚ်ကဵု ညးတာလျိုၚ် အလဵုအသဳတွဵုရးကရေၚ်တံ မဒှ်ရ။
ပရိုၚ်-သြၚ်လောန်တိုၚ်မ်
Photo – MOI