ရေဝ်၊ အေဗရာ ၈
အပ္ဍဲတွဵုရးမန် ပွိုၚ်ဍုၚ်ရေဝ် ကွာန်မဳတိုင်တိတ်ဂှ် ဟိုတ်နူလွဟ်ဇၞော် ဒပ်ကဝ်မယှေန်ပၞာန် ပန်ဒတုံစှ်ေတုဲ ရဲကမၠောန်ၜဳပိတၠ ချိုတ်အာနွံ ဂွံတီကေတ် နူညးဒေသတံရ။
အပ္ဍဲဂိတုအေဗရာ ၅ အခိၚ်ဗ္တံ တုဲကၠုၚ်ဏံ ဒပ်ပံၚ်ကောံ ပၠန်ဂတးဍုၚ် မန်တံ အာဗတိုက်လဝ် ဗဒိုပ်ကင်ဒုၚ်မုက် တမ်ဒပ်ခလရ ၃၁ နွံမံၚ်ဍုၚ်ခေါဇာဂှ်ရောၚ်။
အပ္ဍဲပေါဲဗတိုက်ဏံ လွဟ်ဇၞော်ဒပ်ကဝ်မယှေန်ပၞာန် ပန်လဝ်မွဲမဂှ် ဒတုံခတိုဟ်အာ အပ္ဍဲကရပ်ကွာန်မဳတိုင်တိတ် မဒှ်ရ။
ဟိုတ်နူ မကမ်လွဟ်ဇၞော် ဒတုံခတိုဟ်အာတုဲ နူကွာန်မဳတိုင်တိတ်ဂှ် ရဲကမၠောန်ၜဳ မၞုံအာယုက် ၄၀ သၞာံပြၚ် ပိတၠ ချိုတ်အာတုဲ ဒးအာဝပ် မွဲတၠရ။
ညးချိုတ်အာလဝ်တံဂှ် ဒှ်ကောန်ကွာန်ဒေသ ကွာန်မဳတိုၚ်တိတ် ဟွံသေၚ်၊ ရဲကၠုၚ်နူဍုၚ်ဗြဝတီကဵု ဒေသတၞဟ်ဟ်တံတုဲ ကၠုၚ်ကၠောန်စမံၚ် ညံၚ်ရဴ ရဲကမၠောန်ဆုဲပြံၚ် ဌာန်ဒၞာဲဝါဲတံရောၚ် ဂွံတီကေတ် နူညးဒေသတံရ။
အပ္ဍဲပွိုၚ်ဍုၚ်ရေဝ် အကြာပရေၚ်ပၞာန် ဒပ်ၜါလ္ပာ် ကလေၚ်သ္ကာတ်မြဟ် မံၚ်တံဂှ် ဟိုတ်နူဒပ်ကဝ်မယှေန်ပၞာန် ပန်လွဟ်ဇၞော်တုဲ ကောန်ညးဍုၚ်ကွာန် ရဲဒေသတံ ဒးဝပ်ကီုချိုတ်ကီု ဒှ်မံၚ် မွဲဏှမွဲဏှရ။
ပရိုၚ် – သြၚ်လောန်တိုင်မ်
Photo – Social Media