ၜၚ်ကံက်၊ ဂိတုအေဗရာ ၂၆
သွက်ဂွံသၠဲပတိုန် အရာပံၚ်တောဲကၠောန်ကၠုၚ်လဝ် မလံလကာဖာတံကီု သွက်ဂွံသၠုၚ်ပတိုန် ပရေၚ်ပံၚ်တောဲကဏ္ဍစုၚ်၊ သီုကဵုဂတးဂတန်သၠုၚ်ပတိုန် ပရေၚ်ဆက်ဆောံတံ အကြာဍုၚ်ကြုက် ကေုာံ ဍုၚ်သေံတံ သဳကၠဳပ္ညဳပ္ညပ်လဝ် ပ္ဍဲဍုၚ်ၜၚ်ကံက်ဂှ် ဂွံလဝ်တုပ်စိုတ်အိုတ်ရ။
အပ္ဍဲဂိတုအေဗရာ ၂၄ ဂှ် သ္ကိုပ်ဝန်ဇၞော်သေံ အနုတင် ချန်ဗဳရာကူလ် ဒုၚ်တၠုၚ် ဝန်ဇၞော်ပရေၚ်ဍုၚ်သအာၚ်ကြုက် ဝမ်ယိ တုဲ သဳကၠဳပ္ညဳပ္ညပ်ညးသ္ကံရ။
အရာမသဳကၠဳလဝ် ရုၚ်အလဵုအသဳဂှ် သွက်ပရေၚ်ဆက်ဆောံအကြာၜါဍုၚ် ဇြဟတ်ညံၚ်ဂွံသၠုၚ်တိုန်အာ သွက်ဂွံသၠုၚ်ပတိုန် ပရေၚ်ပံၚ်တောဲကၠောန် နတဲစှ်ေစှ်ေတံဂှ် တုပ်လဝ်စိုတ်အိုတ်ရ။
အပ္ဍဲကဵုပေါဲသဳကၠဳတံဏံ သွက်ဂွံသၠုၚ်ပတိုန်အဆံၚ် ပရေၚ်ပံၚ်တောဲမဟာဗျူဟာသေံ ကေုာံ ကြုက် ညံၚ်ဂွံဒှ်အာ ဗီုပြၚ်မူပၞောန် ပရေၚ်ပၠတရဴညံၚ်ဂွံပဵုဍိုက်ပေၚ်ဂှ် စွံအဓိကတုဲ သဳကၠဳလဝ်ရောၚ် ညးမၞုံအခေါၚ်ဟီုဂးအလဵုအသဳသေံ ရာချာဒါ ဒနဒဳရက် ဟီုရ။
အတိုၚ်မဟာဗျူဟာ ပရေၚ်ဇၞော်မောဝ်ဖောအ်ဗြဳ သီုၜါဍုၚ်ဂှ် သွက်ဂွံထမံက်ရုပ်ရဴ အစဳဇန်ပံၚ်ပစပ်ရေၚ်တၠုၚ်အာတံဂှ် နကဵုမူ တုပ်စိုတ်လဝ်ရောၚ် ညးမၞုံအခေါၚ်ဟီုဂး ရာချာဒါ သ္ဂးရ။
အကြာၜါဍုၚ် ပရေၚ်ပံၚ်တောဲ ပရေၚ်ပိုန်ဒြပ်၊ နဲကဲပညာ ကေုာံ ပရေၚ်ဂီုကၠီုတံ ညံၚ်ဂွံမံက်ကတဵုကၠုၚ် သွဟ်ခိုဟ်ဟ်တံဂှ် သီုၜါဍုၚ် စွံအဓိကတုဲ ကၠောန်အာရောၚ် ဂွံတီကေတ်ရ။
သ္ကိုပ်ဝန်ဇၞော်သေံ အနုတင် သွက်ဂွံကၠုၚ်ဝေၚ် ဍုၚ်ကြုက်ဂှ်လေဝ် ဝမ်ယိ ထပ်ဘိက်ပၟိၚ်လဝ်ရ။
နဒဒှ်အရာဂတးဂတန်မ္ဂး အနုတင် လေဝ် ဘိက်ပၟိၚ်လဝ် သ္ကိုပ်ဝန်ဇၞော်ကြုက် လဳကဳချန်း သွက်ဂွံကၠုၚ်ဝေၚ် ဍုၚ်သေံ ကီုရ။
စပ်ကဵု အရာကိစ္စ အပ္ဍဲဒေသတံမ္ဂး ပရေၚ်ဆက်ဆောံ အကြာဍုၚ်သေံ ကေုာံ ဍုၚ်ခမေန် ညံၚ်ဂွံတောတက် ကၠောန်အာညိဂှ် ဝမ်ယိ ဗ္တိုက်ဖ္အောဝ်လဝ်ရ။
ကရောံဍုၚ်ဇိုၚ်ဝုတ်ဒိုဟ်တံ ပရေၚ်ကၠိုဟ်စိုတ်ဂတးဂတန် ဇြဟတ်ညံၚ်ဂွံခိုဟ်တိုန် ကေုာံ သွက်ဂွံပ္ညဳပ္ညပ်အာ နကဵုသဘဴလပါ်ခိုဟ်တံမာန်ဂှ် လပါ်ဍုၚ်သေံ ထပ်သ္ပလဝ် ဒတန်ပၠန်ရ။
ဝမ်ယိဟာ ထိုင်းနိုင်ငံပြီးနောက် နေပြည်တော်သို့ ရောက်ရှိလာမှာ ဖြစ်ပါတယ်။ ကြဴနူဍုၚ်သေံတုဲ ဝမ်ယိ အာစိုပ် နေပျဳဒဝ်ယျ။
Ref:Bangkokpost