ရေဝ်၊ မေ ၄
အပ္ဍဲတွဵုရးမန် ပွိုၚ်ဍုၚ်ရေဝ် ဥက္ကဌဂကောံရီုဗၚ်ဟံၚ်ပြာ်မှာဇန် ကွာန်နှေဟ်ခြေၚ် ဒပ်ပၞာန်သီအဝဵုရပ်ဏာလဝ်ဂှ် ဒးဒုၚ်ပံက်လဝ်အမှု နကဵုၝောံပိုဒ်ပကီုပရာတ်တုဲ ဒုၚ်စၟဳစၟတ်မံၚ်အမှု အပ္ဍဲဍုၚ်ရေဝ်ဂှ် ဂွံတီကေတ် နူကောန်ကွာန်တံရ။
ဟိုတ်နူတၚ်စောဲစပ် ဆက်ကၠောံမံၚ်ကဵု ဂကောံပၠန်ဂတးအပ္ဍဲဒေသ ဂှ်တုဲ ဥက္ကဌဂကောံ ဥူဝေန်မျေတ်ဥူ မၞုံအာယုက် ၃၅ သၞာံဂှ် ပ္ဍဲရုၚ်ဗၠာဲသၟိၚ်ဍုၚ်ရေဝ် ရပ်ထိၚ်ပံက်လဝ်အမှု နကဵုဥပဒေဗ တိုက်သရိုဟ် ပရေၚ်ပကီုပရာတ် ၝောံပိုဒ် ၅၀ (ည) တုဲ ဒးဒုၚ်စၟဳစၟတ်မံၚ်အမှု အပ္ဍဲကဵုရုၚ်သၞောဝ်ဓဝ်ခရိုၚ်ရေဝ်ဂှ် ညးဒေသမွဲတၠ ဟီုကဵု ဌာန်ပရိုၚ်သြၚ်လောန်တိုၚ်မ် ရ။
အပ္ဍဲအခိၚ်ပ္တိတ်ရုၚ်ဟေၚ် ဂွံဆဵုဂဗကဵု ဥူဝေန်မျေတ်ဥူ မာန်တုဲ အခိၚ်တၞဟ်ဟ်ဂှ်တှ်ေ အခေါင်အာဆဵုဂဗဟၟဲရောၚ် ဂကောံသ္ၚိကၟိန်ညးတံ သ္ဂးရ။
ပြဟ်ဟ်ဏံ ရပ်ချုက်ထိၚ်စွံလဝ် ဥူဝေန်မျေတ်ဥူ ပ္ဍဲရုၚ်ဗၠာဲသၟိၚ်ဍုၚ်ရေဝ်တုဲ ပရေၚ်ထတ်ယုက်ခိုဟ်မံၚ်ရောၚ် ဂွံတီကေတ်ရ။
အပ္ဍဲဂိတုဖေဖဝ်ဝါရဳ ၂၃ တုဲကၠုၚ်ဏံဂှ် ဒၞာဲသ္ၚိကွာန်နှေဟ်ခြေၚ် ဥူဝေန်မျေတ်ဥူနွံမံၚ်ဏံဂှ် ဂကောံကဝ်မယှေန်ပၞာန်တံ ကၠုၚ်နကဵုဇြဟတ်ဗွဲမဂၠိုၚ်တုဲ ကၠေၚ်ရပ်ဏာလဝ်မဒှ်ရောၚ်။
ဟိုတ်နူဥူဝေန်မျေတ်ဥူ ဒးဒုၚ်ရပ်ဏာတုဲ ဂကောံကမၠောန်ရီုဗၚ်ဟံၚ်ပြာ်မှာဇန်တံဂှ်လေဝ် ဒးဒေါအ်ဇူလဝ် မွဲခဏရောၚ် သ္ဂးရ။
ပရိုၚ် – သြၚ်လောန်တိုၚ်မ်
Photo – Social Media