ဝါယှေန်တန်၊ မေ ၁၃။
ဟိုတ်နူရီုဗၚ်ကဵု သွက်အဳရာန် ဂွံပလံၚ်ဗစိုပ်ကၠေၚ်ဍေၚ် ဇရေၚ်ကြုက်တုဲ လတူကာမ္မဏဳ ၉ ဂကောံ ကာမ္မဏဳပန်ဂကောံ နွံပ္ဍဲယူအေအဳ၊ ကာမ္မဏဳပန်ဂကောံ နွံပ္ဍဲဟံၚ်ကံၚ် ကေုာံ ပူဂဵုပိတၠတံဂှ် ဖျေံဒဏ်ပရေၚ်ကၟာတ်ဆိုအ်ရောၚ် အလဵုအသဳအမေရိကာန် လလောၚ်တြးလဝ် ပ္ဍဲဂိတုမေ ၁၁ ရ။
သွက်အဳရာန် ဂွံရာန်လွဟ်မကမ်မာန်၊ သွက်ဂွံရာန်ကေတ်ကပေါတ် သုၚ်စောဲကၠုၚ်ပတိတ်ဒရုၚ် ကေုာံ ကမ်သၠောဝ်တံမာန် ကဵုလဝ်ရီုဗၚ်တံဂှ် ကြဴနူဖျေံဒဏ်ပရေၚ်ကၟာတ်ဆိုအ် လတူပူဂဵု ကေုာံ ကာမ္မဏဳတံ ပ္ဍဲဂိတုမေ ၈ တုဲမှ ဌာနဝန်ဇၞော်ဘဏ္ဍာ လလောၚ်တြးကၠုၚ်သာ်ဏံရ။
သမ္မတအမေရိကာန် ဒဝ်နယ်ထရ တရဴသွက်ဂွံအာဆဵုဂဗကဵု သမ္မတကြုက် ယှဳကျေန်ဖျေန် ကၠာဟွံစိုပ်မံၚ် ပွိုၚ်ၜိုတ်မွဲၜါတ္ၚဲဂှ် ပရေၚ်ကမၠောန်ဗီုဏံ မံက်ဂတဝ်တိုန်ကၠုၚ်ရ။
ပ္ဍဲအခိၚ်ဆဵုဂဗကဵု သမ္မတယှဳမ္ဂး သွက်ဂွံသောၚ်ကလးအာ အကာဲအရာပွမကြေပ်ဂြတ် ဒးဆဵုဂဗမံၚ်ကဵု အဳရာန်တံကီု သွက်ဂွံကလေၚ်ပံက်ပ္ၚံက်ၜဳဟဝ်မုဇ်မာန်ဂှ် ထရ သွက်ဂွံကဵုဇြဟတ်ဟရိုဟ်နွံရောၚ် စၟဳစလဝ်ရ။
ပရေၚ်ဖျေံဒဏ်ကၟာတ်ဆိုအ် နူကဵုရုၚ်ထိၚ်ဒဝ်ပိုင်ပြဳဍုၚ်သအာၚ် ဖျေံလဝ်တံဂှ် ဒုၚ်ယၟုကာမ္မဏဳတုဲ သွက်ဂွံရီုဗၚ် ဒပ်မၚ်မွဲပၠန်ဂတးအဳရာန် ညံၚ်ပရေၚ်ပလံၚ်ဗစိုပ် ကေုာံ ပွမသွံကၠေၚ်ဍေၚ်အဳရာန် ဇရေၚ်ကြုက် သွက်ဂွံပြေပြံၚ်အာဂှ် ဒှ်အရာဖျေံဒဏ်ကၟာတ်ဆိုအ် လတူပူဂဵု ကေုာံ ကမၠောန်တံရောၚ် ဌာနဝန်ဇၞော်ဘဏ္ဍာ ဟီုရ။
သွက်ကိုန်အစဳဇန်နျူကလဳယားအဳရာန် ဟွံသေၚ်မ္ဂး သွက်ဂကောံအကြာ မကဵုမံၚ်အထံက်ပၚ်အပ္ဍဲဒေသတံ၊ သွက်လွဟ်မကမ် ညးမကဵုမံၚ်သြန်ဂအုံတံ ကေုာံ ဇြဟတ်ပၞာန်အဳရာန် သွက်ဂွံဍိုန်လျစှ်ေအာမာန် လတူတဳဟဳရာန်ဂှ် အလဵုအသဳထရ ဆက်တုဲကဵုအာဇြဟတ်ဟရိုဟ်ရောၚ် ဝန်ဇၞော်ဘဏ္ဍာ သကအ် ဗတ်သေၚ် ဟီုရ။
နူကဵုဇာဖိုၚ်ပရေၚ်ဘဏ္ဍာ အလဵုအသဳအဳရာန် သုၚ်စောဲမံၚ် သွက်ဂွံကၠောန်အာ ပရေၚ်ပကီုပရာတ်တံဂှ် ညံၚ်ဂွံကုတ်ထပိုတ်ထောံ အမေရိကာန် ဆက်တုဲကၠောန်အာရောၚ် ဝန်ဇၞော်ဗတ်သေၚ် သ္ဂးလဝ်ရ။
ဒပ်မၚ်မွဲပၠန်ဂတးအဳရာန် နဒဒှ်ဂကောံပကီုပရာတ် ဒးဒုၚ်သ္ပလဝ်စၟတ်သမ္တီ နူကဵုဝါယှေန်တေန်ဂှ် သွက်ဂွံဒုၚ်တဲကေတ်သြန်မာန် သွက်အရာပလံၚ်ဗစိုပ်ကၠေၚ်ဍေၚ်တံဂှ် ဒးပ္တေဟ်စလဝ် လတူ ကာမ္မဏဳဒုၚ်ယၟုတံဏံရ။
မေ ၁၁ ရက်မှာ ချမှတ်လိုက်တဲ့ လုပ်ရပ်တွေဟာ ၂၀၂၅ ဇူလိုင်လက ပြုလုပ်ခဲ့တဲ့ ဒဏ်ခတ် ပိတ်ဆို့မှု အပြင် နောက်ထပ် ထပ်တိုး ပြုလုပ်တာ ဖြစ်ပါတယ်။ ပရေၚ်ကမၠောန်ဖျေံလဝ် ပ္ဍဲဂိတုမေ ၁၁ တံဏံဂှ် ပါဲနူဖျေံဒဏ်ပရေၚ်ကၟာတ်ဆိုအ် ကၠောန်လဝ် ပ္ဍဲဂိတုဂျူလာၚ် သၞာံ ၂၀၂၅ တေံတုဲ ဒှ်အရာထပ်ဗပေၚ်ကၠောန်လဝ် မဒှ်ရ။
ပရိုၚ် – Reuters/co