ရေဝ်၊ မေ ၁၇။
အပ္ဍဲကဵုတွဵုရးမန် ပွိုၚ်ဍုၚ်ရေဝ် နူကဵုကွာန်အစေၚ် သၟာကမၠောန်ၜဳ ၅၀ ပြၚ် သွက်ဂွံကလေၚ်စဴ ဌာန်ဇာတိကွာန်ညးတံဂှ် ဒပ်ကဝ်မယှေန်ပၞာန်ကဵု ဒပ်မၚ်ကွာန်တံ ရပ်ဓရတ်အာတ်လဝ်သြန်နွံမံၚ်ရောၚ် ဂွံတီကေတ် နူကောန်ကွာန်တံရ။
အပ္ဍဲဂိတုမေ ၁၄ လောန်ကၠုၚ်ဏံ သၟာကမၠောန်ၜဳ ၅၀ ပြၚ်တံ နကဵုကွဳစက် ဟိုက်ဂျက်ပိဖ္ဍိုက် အဃောကလေၚ်စဴ ဌာန်ဇာတိ အခိၚ်စိုပ်ကၠုၚ်ဂိက်သၞေဟ်ကၚ် ဒၞာဲဇုမ်ကမၠောန်ဝဳ ကွာန်အစေၚ်ဂှ် ဒပ်မၚ်ကွာန် ဂကောံသဝ်နိုၚ်ထွေ က္ဍိုက်ပ်သၟဝ်တဲသြဇာပၞာန်တံ ရပ်ထိၚ်ကော်လဝ်ရောၚ်။
ကြဴနူဂှ် ဂကောံဒပ်မၚ်ကွာန် သဝ်နိုၚ်ထိုဲတံ ရပ်ထိၚ်လဝ်သၟာကမၠောန်ၜဳ ၅၀ ပြၚ် ပွိုၚ်မွဲဗ္တံတုဲ အာတ်သြန် မွဲတၠၜါကိုတ်တုဲ ပ္ဍဲဂိတုမေ ၁၅ အခိၚ်သဝ်တ္ၚဲဂှ် ကလေၚ်ဗလးကဵုလဝ်ရ။
သၟာကမၠောန်ၜဳ ဒးဒုၚ်ရပ်ထိၚ်လဝ်ဗွဲမဂၠိုၚ်တံဂှ် ဒှ်ရဲဒေသ နူကဵုရးဧရာဝတဳ ပွိုၚ်ဍုၚ်ဖျာပုၚ်၊ ဒဵုဟရဲတံကဵု နူရးဗဂေါတံရ။
ဟိုတ်နူဒှ်မံၚ် အခိၚ်ဇူဒေါအ်လဝ်မွဲအံၚ် အခိၚ်ရာသဳရပ်ကဏံ အဃောညးတံကလေၚ်စဴကွာန် ဌာန်ဇာတိဒေသညးတံဂှ် ဒပ်ကဝ်မယှေန်ပၞာန်ကဵု ဒပ်မၚ်ကွာန်တံ ရပ်ဓရတ် အာတ်ကေတ်ဏာသြန်ညးတံ ရ။
ပွိုၚ်ဍုၚ်ရေဝ်ဝွံ ဒှ်ဒေသကၠောန်ကမၠောန် ၜဳတမ္ၚာကဵု ကမၠောန်ကၠအ်ရာဘာဂၠိုၚ်အိုတ်တုဲ ဒးသုၚ်စောဲစကာမံၚ် သၟာကမၠောန် ဆုဲပြံၚ်တံ ဗွဲမဂၠိုၚ်နွံရ။
ပရိုၚ် – သြၚ်လောန်တိုၚ်မ်
Photo – CJ