မနဳလာ အံက်တဝ်ပါ ၂၉
ပ္ဍဲကဵုၜဳမှာသၟိတ်ကြုက်သၠုၚ်ကျာ အခိၚ်ကြုက်တံ ချဳဒရာၚ်တိုန်ပရေၚ်ပၞာန်ဂၠိုၚ်မံၚ်တံဏံ နူကဵုအမေရိကာန် သွက်ဂွံပံၚ်တောဲရေၚ်တၠုၚ်အာပရေၚ်ပၞာန် ကုဍုၚ်အာသဳယာန်တံတုဲ သွက်ဂွံထမံက် မူဗွိုၚ်မွဲဂှ် ပတိုန်ဏာဂလာန်ရ။
ပ္ဍဲအံက်တဝ်ပါ ၂၈ ကၠောန်လဝ်ကောံဓရီု ဝန်ဇၞော်ပရေၚ်စဵုဒၞာ အာသဳယာန် ပ္ဍဲကဵုဍုၚ်သဳဗူ ရးနိဂီုဍုၚ်ဖိလေတ်ပိုၚ်ဂှ် ဝန်ဇၞော်ပရေၚ်စဵုဒၞာအမေရိကာန် ပိထ် ဟက်သာချ် ပၠုပ်လဝ်ဂလာန်ရ။
တၚ်တၟေၚ် ပၠုပ်လဝ်ဂလာန်ဏံမ္ဂး သွက်ဂွံပံၚ်တောဲရေၚ်တၠုၚ်အာပရေၚ်ပၞာန် ကုဍုၚ်အာသဳယာန်တံ အကာဲအာ သၠဲလးအာဍာ်ဇမၠိၚ်မာန် နူဏံတုဲ သွက်ဂွံထမံက်သၟဝ်မူဗွိုၚ်မွဲဂှ် ရန်တၟံလဝ် မဒှ်ရ။
အကြာဍုၚ်အာသဳယာန်ကဵု အမေရိကာန်တံ ပ္ဍဲပရေၚ်ကိစ္စအရာအိုဿီု လစွံစိုတ်သွက်ဂွံဒးတုပ်သၟဟ်ညးသ္ကံဟွံသေၚ်၊ သွက်ဂွံပံၚ်တောဲရေၚ်တၠုၚ်အာ ပ္ဍဲကဵုပရေၚ်ကဏ္ဍ ဂုဏ်ဖဵုဘုံတံနွံမာန်ဂှ် ဝန်ဇၞော်ပရေၚ်စဵုဒၞာအမေရိကာန် ဟီုလဝ်ရ။
ဗွဲတၟေၚ် ပရေၚ်မၚ်မွဲရံၚ်စံၚ် ဂီုကၠီုၜ၏ဗလးၜဳတံ၊ ပရေၚ်ပံၚ်တောဲ ဒပ်ပၞာန်ဍာ်တံ ကေုာံ ခန်လ္ၚတ်ပရေၚ်ပၞာန်တံ သွက်ဂွံသၠုၚ်ပတိုန်အာ ဗတိုက်ဖအောဝ်လဝ်ရောၚ်။
အခိၚ် အမေရိကာန်တံ ပတိုန်ဏာဂလာန်ဏံ ပ္ဍဲကဵုၜဳမှာသၟိတ်ကြုက်သၠုၚ်ကျာ အကြာကြုက်ကဵု ဖိလေတ်ပိုၚ်တံ ဒှ်ကယျာန်သွာတ်မံၚ် ညးသ္ကံရ။
အတိုၚ်အလဵုအသဳ ဖိလေတ်ပိုၚ်ဟီုမ္ဂး ပ္ဍဲဂိတုသိပ်တမ်ပါဂှ် ပ္ဍဲကဵုၜဳမှာသၟိတ် ဒှ်ကယျာန်သွာတ်မံၚ် ညးသ္ကံ ဒပ်ပၞာန်မၚ်ဇိုၚ်ၜဳကြုက်တံ ပရေၚ်ချဳဒရာၚ် သၠုၚ်တိုန်ဒှ်မံၚ်ၜါအဆ ဂွံတီရ။
ပ္ဍဲကဵုကောံဓရီု ဝန်ဇၞော်ပရေၚ်စဵုဒၞာ အာသဳယာန် သၞာံ ၂၀၂၇ ဏံ ကေုာံ ဂကောံဍုၚ်ပၠတရဴအာတံ မၚ်ဂွန်ထမံက်အာရုပ်ရဴ သွက်မူဗွိုၚ်တၟိဏံ မဒှ်ရ။
ဆဂး ပြဟ်ဟ်ဏံ အစဳဇန်ဏံ နွံမံၚ်ဆၜိုတ် ပတိုန်ပၠုပ်လဝ်ဂလာန်သၟးဏီတုဲ တၚ်တုပ်စိုတ်ချိုတ်တ်ပၠိုတ်တ်တံဂှ် ဟွံဂွံလလောၚ်တြးလဝ်ဏီပုဟ်။
ပရေၚ်ဏံ ရံၚ်အာနကဵုပရေၚ်ဍုၚ်ကွာန်မ္ဂး လဂါံဇိုၚ်ဏံဝွံ ပရေၚ်ပြိုၚ်ပကာန် ကြုက်ကဵုအမေရိကာန် ဇြဟတ်ဇၞော်တိုန်မံၚ် ပ္ဍဲအကြာဒေသအေန်ဒို-ပသိဖိတ်ဏံ ပရေၚ်ပၞာန်ဂကောံဍုၚ်အာသဳယာန်တံ ပါလုပ်ကၠုၚ် နကဵုဗျူဟာသၠုၚ်တိုန်မံၚ်ဂှ် ထ္ၜကဵုမံၚ်ရ။
Ref:AFP