ၜၚ်ကံက် ၊ အံက်တဝ်ပါ ၃၁
ညးလစှ်ေသ္ကိုပ်ဝန်ဇၞော်ကေုာံ ဝန်ဇၞော်ဍုၚ်သအာၚ်သေံ သဳဟာဆက် စနူနိုဝမ်ပါ ၂ စဵုကဵု ၄ တေံ အာစိုပ်ဍုၚ်ကြုက်ရောၚ် ညးနွံအခေါၚ်ဟီုဂး ဌာနပရေၚ်ဍုၚ်သအာၚ်သေံ ဂအုပ်သ္ကိုပ်စၞောန်ပ္ညုၚ်ဌာနလလောၚ်ပရိုၚ် ဂျိုၚ်ထိုၚ် အူပါကာနဳသဳကာဆက် ဟီုရ။
အတိုၚ်မူဂရီု ပရေၚ်ပံၚ်တောဲ မေဝ်ဂံၚ်-လာန်ချာန်မ္ဂး ဝန်ဇၞော် သဳဟာဆက် အာတိုန်စိုပ် ကောံဓရီု ဝန်ဇၞော်ဂမၠိုၚ် လၟေၚ် (၁၁) ဝါ မဒှ်ရ။
သေံ၊ ကြုက်၊ဗဳယက်နာမ်၊ လဴ၊ ခမေန် ကေုာံ ဍုၚ်ဗမာ သီုဖအိုတ် ညးစၞးနူကဵု ၆ ဍုၚ်တံ တိုန်စိုပ်ရောၚ် ဂွံတီရ။
ပ္ဍဲကောံဓရီုဏံ ဝန်ဇၞော်ဍုၚ်သအာၚ်ကြုက် ဝမ်ယိကဵု သဳဟာဆက်တံ ပံၚ်တောဲသ္ကိုပ်သ္ကအာ မဒှ်ရ။
အတိုၚ်မူဂရီု ပရေၚ်ပံၚ်တောဲ မေဝ်ဂံၚ်-လာန်ချာန်မ္ဂး ပရေၚ်ဆဵုဂဗသဳကၠဳဏံ အဓိကရန်တၟံလဝ်ကဵု ကလေၚ်သ္ၚဳဂၠိပ်အာ အကာဲအရာ ပရေၚ်တောတက်တံရ။
သွက်ကောံဓရီု က္ဍိုပ်သ္ကိုပ် ပရေၚ်ပံၚ်တောဲ မေဝ်ဂံၚ်-လာန်ချာန် မရနုက်ကဵု ပဥ္စမ ညံၚ်ဂွံဒစးဒုၚ်ပလေဝ်စလဝ် သွက်ပရေၚ်ပံၚ်တောဲအနာဂတ်တေံလေဝ် ချပ်ဗစာအာ မဒှ်ရ။
ပ္ဍဲကောံဓရီုဏံ နူကဵုဍုၚ်သေံ သွက်ဂွံသဳကၠဳအာ စပ်ကဵု ပရေၚ်ရာဇဝတ်တတ်ကၠောံၜက်ပယျဵု၊ စဳရေၚ်ပါ်ပရအ်ရိုဟ်ကၞက်ဍာ် ကေုာံ ယက်လက်ကၠိုက်တတ်ၜက်မံၚ်တိဍာ်ပယျဵုတံ မဒှ်ရ။
ပ္ဍဲကဵုကောံဓရီု မေဝ်ဂံၚ်-လာန်ချာန်ဏံ ပရေၚ်သေံ-ခမေန်တံဂှ် သဳကၠဳဟွံသေၚ်တုဲ အစဳဇန်သွက်ဂွံဆဵုအာ အကြာၜါဍုၚ်တံ ဟွံမွဲပုဟ် ဂွံတီရ။
ကိစ္စသွက်ဂွံသၠုၚ်ပတိုန်အဆံၚ် သဳကၠဳအာကဵု ဍုၚ်ကောန်ဂကောံတံဟေၚ် သေံစွံအဓိက သဳကၠဳအာရောၚ် ဂွံတီရ။
ပ္ဍဲနိုဝမ်ပါ ၃ ကောံဓရီု ဝန်ဇၞော်ဍုၚ်သအာၚ် ဂကောံပံၚ်တောဲရေၚ်တၠုၚ် အာယှ-ပသိဖိတ် (APEC) ဂှ်လေဝ် ဝန်ဇၞော်သဳဟာဆက် တိုန်စိုပ်အာ မဒှ်ရ။
Ref : The Nation Thailand