ဝဳဇဳရာဗာတ်၊ နဝ်ဝေမ်ဗာ (၅)
ပ္ဍဲကဵုသ္ကုတ်ဗၟံက် ဍုၚ်ပါကေဿတာန် ဝဇြဳရာဗာတ် Wazirabad ဂှ် ရေၚ်ကွဳစက် သ္ကိုပ်ဝန်ဇၞော်ပါကေဿတာန်တြေံ အေမ္မရာန်ခါန် မဒးဒုၚ်ပလှ်ဖျေံလဝ် မထ္ၜးဒၟံၚ်ဆန္ဒဂှ် ဒးဒုၚ်ပန်ပှော်ကဵု သေနာတ်ကီုလေဝ် ဗၠးလဝ်နူကဵု ဘဲလမျီုရ။
ဟိုတ်နူပွပန်ပှော်ဂှ်တုဲ ဒးအာ ကွဳစက်သ္ကိုပ်ဝန်ဇၞော်တြေံ မဍိုက်ပါဗက်ဂှ်တုဲ ပ္ဍဲဇိုၚ်သ္ကိုပ်ဝန်ဇၞော်တြေံဂှ် ကလိဂွံလဝ်ဝပ်ရ၊ ပ္ဍဲလၟေၚ်ဒဒှ်ဏံဂှ် မၞိဟ်မွဲတၠ ဒးချိုတ်တုဲ အောန်အိုတ် (၅) တၠ ကလိဂွံလဝ်ဝပ်ရ။
လ္ပာ်မဟာမိတ်တံဂှ် စောဲစပ်လဝ် ဒှ်ပွကၠတ်ဂစိုတ်ကီုလေဝ် စပ်ကဵုတၚ်ရန်တၟံ ဒးဒုၚ်ဗ္တိုက်ဂှ်တုဲ လလောၚ်ပ္တိတ်လဝ် ဗွဲမလုပ်သၞောဝ်ဂှ် ဟွံမွဲဏီရ။
မေဿတာခါန် အာယုက် (၇၀) သၞာံဂှ်ဝွံ သ္ကိုပ်သ္ကလဝ် ပေါဲဇက်ဂၠေါဲထ္ၜးဆန္ဒ မရန်တၟံလဝ် သ္ဂောံဒေါအ် ပ္ဍဲကဵုဍုၚ်ဇၞော် အေဿလာမ်ဗာတ်ဂှ်တုဲ အာတ်မိက်ထ္ၜးလဝ်ဆန္ဒ သွက်ဂွံကၠောန်ဗဒှ်ကဵု ပေါဲရုဲမာဲ ပြဟ်ဟ်ရ။
ဒဒှ်ရ မေဿတာခါန် ညးမဒှ် သၟာပရေၚ်ဍုၚ်ကွာန်တြေံလေဝ်ဒှ်၊ သၟာဝေၚ်ခရေတ်ကာတ်တြေံ ဒယှ်မွဲလေဝ်ဒှ် ဒးအာမကမ်ဂှ် ညးမၞုံအခေါၚ်ဟီုဂး သ္ပဒတန်လဝ်တုဲ ကော်ဏာရုၚ်ဂဥုဲ မၞုံဍုၚ်လာဟိုဝ်တုဲ လွဳလွတ်ဒၟံၚ်ဂှ် သ္ဂးရ။
အကာဲအရာပရေၚ်ထတ်ယုက်ဂှ် ညိၚ်ဒၟံၚ်တုဲ ဒဒှ်ရပါ်စြေက်လဝ်ဂှ်လေဝ် ညးဆက်ဟီုလဝ်ရ။
မၞိဟ်တြုံမွဲတၠ မဂ္စါန်ကၠတ်ဂစိုတ် သ္ကိုပ်ဝန်ဇၞော်တြေံဂှ် နူဒပ်ဗၠာဲသၟိၚ် မဆေၚ်စပ်တံ ရပ်ဒက်ထိၚ်ဒဝ်လဝ်ဂှ် ဂွံတီကေတ်ရ။
အလဵုအသဳပါကေဿတာန်ဝွံ အတိုၚ်ညးတံစဳဇန်လဝ်ဂှ် ကၠုၚ်စိုပ်သၞာံဏံမ္ဂး ကၠောန်ဗဒှ်ပေါဲရုဲမာဲရောၚ် ဟီုဂးလဝ် ဂၠိုၚ်ၚ်ကဵုဝါတုဲ အပ္ဍဲဂိတုတုဲကၠုၚ်တေံ ဟိုတ်နူဆဝ်မ္ၚုဟ်ပရေၚ်ဍုၚ်ကွာန်ဂးတုဲ ကမ္မယှေန်ပေါဲရုဲမာဲ ပ္တိတ်ထောံ မေဿတာခါန် နူကဵုဌာနန္တရညးရ။
Ref: BBC