ဝါယှေန်တာန်၊ နိုဝမ်ပါ ၅
ပ္ဍဲအမေရိကာန် ပ္ဍဲပေါဲရုဲမာဲအကြာကဝက်အာယုက်ဏံ ရဲကဵုမာဲ ဗော်ရဳဗာတ်ပလေကန် သမ္မတဒဝ်နေဝ်ထရတံဗွဲမဂၠိုၚ် စဵုစးတးပါဲတုဲ သှ်ေမံၚ်အာယုက်တာလျိုၚ်အခိၚ်ကဝက်ဏံ ရဲဗော်ဒဳမဝ်ကရက်တံ ဂွံအခေါၚ်ထိၚ်ချုက်အာ သီုစၠတ်ထဝ်ၜါအဆံၚ်ရ။
ပြိုၚ်ပကာန်လဝ်ဒၞာဲအမာတ် သီုစၠတ်ထဝ်ၜါအဆံၚ်တံ ရဲဗော်ဒဳမဝ်ကရက်တံ ဂွံဇၞးမာဲတုဲ ရဲဗော်ဒဳမဝ်ကရက်တံ လေဝ်ကွေံကွေံရောၚ် ထရ ဟီုလဝ်ရ။
ပရေၚ်ဗော်ရဳဗာတ်ပလေကန်တံ ကျအာမာဲဂှ် ဆေၚ်စပ်မံၚ်ကဵု ပေါဲပၞာန်အဳရာန်၊ ၚုဟ်ကၠေၚ်စက်တံ သၠုၚ်တိုန်မံၚ် သီုကဵုပရေၚ်ၜါသာ်ဏံဂှ် ညးဟီုရ။
ဆဂး နကဵုညး ပံၚ်တောဲကၠောန်အာကဵု ဗော်ဒဳမဝ်ကရက်တုဲ နကဵုညး ဗီုဂွံပြေပြံၚ်မွဲမွဲသာ် ကၠောန်ဖန်ဂွံအာမာန်ရောၚ် ဟီုရ။
သွဟ်မာဲလၟုဟ်ဏံ သွက်ဒးအမ်သဝ်ဟွံမွဲ၊ ပရေၚ်မံၚ်စံၚ်စသုၚ် အခိၚ်ၚုဟ်ကပေါတ်နာနာသာ်ဍၚ်မံၚ် ရဲကဵုမာဲတံ တၚ်မံၚ်ဒုဟ်ကဵု သမ္မတဂှ် ဒးကျအာမာဲရောၚ် ညးလ္ၚတ်တံ ဟီုရ။
ပ္ဍဲကဵုစၠတ်ထဝ် ဗော်ဒဳမဝ်ကရက် ထိၚ်ဂွံအာတုဲ စပ်ကဵုအစဳဇန် ထရ သွက်ဂွံကၠောန်အာ ပွိုၚ်ၜါသၞာံဂတဏံမ္ဂး စိုတ်ညးတေံညံၚ်ဂွံလီု ကၠောန်အာမာန်ရောၚ် ဟီုမံၚ်ရ။
ပရေၚ်သြန်ဖောဝ်မံၚ်တံ၊ စရိတ်ပရေၚ်မံၚ်စံၚ်စသုၚ်သၠုၚ်တိုန်မံၚ်တံ၊ စပ်ကဵုပေါဲပၞာန်အဳရာန်တံ ဟိုတ်နူပရေၚ် ဗော်ရဳဗာတ်ပလေကန်တံ ကၠောန်လဝ်ဂှ် ကောန်ဍုၚ်အမေရိကာန်ဗွဲမဂၠိုၚ် စိုတ်လီုမံၚ် မဒှ်ရ။
ဟိုတ်ဂှ်တုဲ ပ္ဍဲကဵုတွဵုရး ဗော်ရဳဗာတ်ပလေကန် ဂွံလဝ်ခိုၚ်ၚ်ဂှ် ဗော်ဒဳမဝ်ကရက် ဂွံအာဇၞး ဒှ်ကၠုၚ်ရ။
ဗော်ဒဳမဝ်ကရက်တံ ထိၚ်ဂွံအာ သီုစၠတ်ထဝ်ၜါအဆံၚ်မ္ဂး မူဝါဒအတိုၚ်ပၟိက်စိုတ်ထရဂှ် ထမံက်အာရုပ်ရဴဟွံမာန်တုဲ မူဝါဒအမေရိကာန်လ္ၚဵုတံဟေၚ် ပြံၚ်လှာဲကၠုၚ်မာန်ရ။
အာယုက်သမ္မတထရ ဆက်တန်တဴအာ ဒဵုအခိၚ်တာလျိုၚ်အိုတ်တေံတုဲ အတိုၚ်မူဝါဒပရေၚ်ဍုၚ်သအာၚ်ညးတေံဂှ် ဆက်ကၠောန်အာရောၚ် စၞးသမ္မတရတ်ယှာ ဗလဒဳမာပူတေၚ် ညးနွံအခေါၚ်ဟီုဂး ဒဳမဳထရဳ ပက်သကိုတ် ဟီုလဝ်ပ္ဍဲအံက်တဝ်ပါ ၂ ဂှ်ရ။
သွဟ်နူကဵုပေါဲရုဲမာဲဏံ ဗီုလဵုတိတ်တ်ကၠုၚ် ကမၠောန်ညးတံ ဆက်နွံအာ အတိုၚ်ကၠာတေံပၠန်ရောၚ်ဂှ် နူကဵုရတ်ယှာ ပလံၚ်ကဵုဏာ ဂလာန်ပရိုၚ် မဒှ်ရ။
အမေရိကာန်တံ ထမံက်ထ္ၜးကဵုလဝ် နွံမံၚ်ပၟိက်ကဵုပရေၚ်အပြံၚ်အလှာဲ သောၚ်ၚ်ကၠးကၠးဂှ် သမ္မတတြေံ အိုဗာမာ ဟီုလဝ်ရ။
Ref:BBC